香港好似咩都有得食，但專門食羊嘅地方真係較少。高質羊宴，就係羊肉香而不膻！「快樂小羊」就專注做蒙式羊肉火鍋，只用內蒙古錫林郭勒草原嘅「蘇尼特幼羊」，配埋每日熬製嘅火鍋湯底打邊爐，羊肉唔膻又甘香。同場仲有蒙式烤羊肉，一大班人食嘅話仲可以叫烤全羊！
六度工序成就影響世界的一鍋湯如果無靚湯底
食材幾正都會稍遜一籌。所以大廚每日都會精選老雞及牛棒骨慢熬6小時做出新鮮湯底。
回味醇香辣湯底 唔嗜辣都會食上癮
一鍋兩食最過癮，「成雙鍋」可以食到清湯同辣湯湯底。清湯色澤乳白、鮮味濃郁，辣湯則以清湯為基調，再加入一級天鷹椒同秘製配料額外烹煮18小時，減去辛、嗆刺激味道；保留辣、醇特點，恰到好處嘅辣唔會掩蓋肉香，反而令肉味更濃、菜味更香。
天然放養 內蒙古幼羊
話明用內蒙古草原上嘅幼羊，飼養方法當然全天然！羊隻只會飲地下礦泉水、母羊奶同食綠草，而且店家只會選用6個月大幼羊，確保肉質綿軟，肥而不膩。打邊爐嘅羊肉片，更特別以加工排酸工序，將唔同羊肉肉位切片壓製，保證羊肉脂肪分佈平均。
上等羊肉 黃金羊王
作為店家最高級羊肉，口感軟嫩有咬口，仲有濃郁羊肉香。黃金羊王係以羊外脊、肋腹肉同上腦肉壓製而成。大大盤羊肉上枱真係好有氣勢，羊肉控一定食得滿足。
滑嫩太陽卷
以滑嫩羊外脊、眼肉肉位，加少許羊脂肪壓製，口感特別綿滑，甚至有種入口即溶感覺。
日本直送和牛
除咗羊肉，打邊爐當然仲有牛肉啦！呢個和牛拼盤來頭不少，全部都係日本直送和牛，有鹿兒島A4牛肩肉眼、牛肩胛同北海道大雪牛西冷等。輕輕放入鍋中滾一滾，牛肉即充滿油脂甘香，肉質鬆軟仲好有咬口。
新鮮手打丸滑 時令蔬菜
瘋狂食肉外，打邊爐都要有手打丸滑同蔬菜解解膩。呢度丸滑全部人手製，咩都想試吓就叫個快樂丸滑拼盤，可以食到蟹籽墨魚滑、瑤柱蝦滑同黑松露羊肉滑。仲有時令蔬菜籃，會隨季節轉換菜類，而家食皇帝菜、菠菜同生菜就最正喇！
正宗口味 蒙式烤羊
除咗羊肉涮鍋，羊肉真係好啱用嚟燒烤。用天然香料、孜然粉醃嘅蒙式烤羊肉，夠哂惹味！呢款蒙式烤串，將羊肉切小令香料更全面滲透羊肉，再用明火烤熟，每啖都充滿孜然羊肉香。
蒙式烤羊排
大大件羊扒一上枱已經好香！味道微辣仲有少少藥材甘香，大膽用手撕開羊件入口，充滿蒙古風味！仲想食多啲嘅話，店家仲有烤全羊或四分一隻烤羊Order𠻹！
優惠價 嘆無煙火鍋
睇到最尾，想食但又驚食到成身火鍋味？放心，店家每桌都安裝咗「無煙寶」，油煙喺爐邊即被抽走，所以食店無任何油煙味，反而仲有淡淡花香！
旺角店開業優惠活動
日期: | 即日起至2019年5月31日 |
時間及詳情: | 11:30至17:00 午市時段享6.8折 |
| 17:00至21:30 晚市時段獲贈現金券 |
| 21:30至02:00 宵夜時段享7.8折 |
| （另食滿$300，獲贈$300現金券） |
備註 | 每桌消費滿$300可使用$150現金券，滿$600可用$300現金券如此類推 （本券不得與其他優惠同時使用） |
不屬於折扣範圍：鍋底、和牛、酒水、飲品、茶位及加一服務費
香港快樂小羊現金券使用條款：
1. 此券僅在香港快樂小羊火鍋餐廳消費使用；
2. 此券僅限下次消費使用，只限堂食不得兌換現金，不設找贖；
3. 此券須加蓋香港快樂小羊火鍋餐廳印章和經理簽署方為有效，影印本恕不接受；
4. 如有爭議，以香港快樂小羊火鍋餐廳之最後決定為準。