平時食放題要限時；食雞煲未夠喉就要加湯打邊爐……咩都限住真係好唔過癮！今次介紹嘅「倫哥尊尚火鍋私房菜」，就無限時、無限量任食雞煲、海鮮、打邊爐。係呀！係食完一轉雞煲可再加、再加，食到夠再轉鍋打邊爐，湯底仲係自家足料熬、零味精。
但私心提你要留肚，因為呢度嘅游水海鮮、40種火鍋配料全部任飲任食。同場仲有秋冬燉湯、刺身、美國牛頸脊、炸蝦等…講緊只係成人$338／位，食飽埋單嗰刻，真係無諗過呢個價錢會食到呢個質素，而家平日仲有9折優惠！
《倫哥黃金大閘蟹之夜》
#大閘蟹 今年又肥又靚，呢排都好多朋友仔反映想食大閘蟹，倫哥收到晒，OK! 即做!
即日起，凡惠顧倫哥火鍋338套餐，即可以 嘗鮮價 $88/隻 享用江蘇大閘蟹，想叫幾多都OK，同一台只有一個人想食都OK! 唔洗諗，即刻打黎訂枱啦!!
*需一天前預訂*
無限時放題，任食高質雞煲、海鮮、打邊爐。
仲有自助區食物、飲品區。
店內好多梳化位，坐得舒服。
無限時放題優惠！
無限時放題價錢*：成人$338、小童$168 優惠詳情：逢星期日至四，每位9折；VIP房按照原價，奉送馬糞海膽1客 升級優惠：只要Like 及Share 餐廳專頁，每位即送Movenpick 1客
*任食火鍋須2位或以上 *星期五/六/日假期及前夕每位加$10 免開瓶費及免切餅費 |
即睇放題有咩食！
無限時任食 - 寰球海鮮拼盤 (+$30升級龍蝦) - 阿嫲雞煲 - 寰球八小碟 - 火鍋多達40幾款配料—黑毛豬火鍋片、美國靚肥牛、秘製手工滑等 …等等
入座免費送 - 列國刺身船 - 新鮮手切牛頸脊 - 秋冬燉湯 - Movenpick雪糕 …等等 |
【無限追加】古法香辣雞煲 零味精
以前對放題刻板印象，都係重量不重質，但呢度完全打破呢個諗法。無論雞煲、湯底、海鮮都係用心製作，雞煲醬甚至係獨門秘方！特地由重慶買入香料—肉桂、花椒、八角等炒成粉，再加柱候醬炒3小時而成。入口香辣不嗆，後續輕甜極有層次，一食就知唔係現成貨色。
雞肉亦唔敷衍，每份雞煲用大約半隻三黃雞。上枱時先炒香一次，然後每隔2分鐘再炒多3次先食得，次次炒都勁香好想食……但呢8分鐘好值得等待，因為慢炒令雞肉更入味嫩滑，難怪好多食客都忍唔住追加雞煲2至3次。我自己追加1次後就留肚食海鮮同打邊爐，如果你係雞煲控真係值得追加多幾次，超回本呀！
雞煲過後打邊爐！零味精足料濃雞湯底
食夠雞煲嘅話，可通知員工換鍋打邊爐。呢度有共8款火鍋湯底選擇—牛乳豬骨湯、老檀酸菜魚湯、倫哥麻辣湯等，但個人最鍾意溫泉雞湯、花膠老雞金湯，一上枱一定要要飲碗熱湯先，濃郁暖胃嘅雞湯，一飲就知係自家足料熬製。
溫泉雞湯 超鮮甜椰皇＋海鮮
湯底用椰皇、老雞、雞腳、豬手、赤肉等熬製，坊間少見以椰皇代替椰青，雖然成本較高，但椰皇確實清甜得多，完全令濃郁雞湯甜中帶香，
員工教落飲完第一碗湯後，唔好急住放肉打邊爐，而係先放免費追加嘅游水海鮮，滾起再飲多碗又多種鮮甜味，好似將個湯提升咗個層次咁，呢個變化幾有驚喜。連飲湯都咁講究嘅放題店，確實難得！
花膠老雞金湯 原雞燉煮
開始秋涼，就心思思想飲雞湯暖胃。呢個雞湯用足花膠、老雞、雞腳、豬手、金華火腿、赤肉、紅棗等熬製，熬湯前仲特別將雞肉爆香，令湯底味道色澤均更濃。全部真材實料，絕無味精同現成雞湯。加埋鹹香金華火腿吊味好有層次，而且花膠好足，每啖湯都感受到花膠種黏口，口感十足。
溫泉雞湯、花膠老雞金湯2位享用價$128；4位免費升級，並需最少一天前預訂。
無限追加！寰球海鮮拼盤
店家每日下晝1點買入游水海鮮，再放入魚缸養飼，300幾蚊任食游水海鮮真係無得輸，今次就有紐西蘭中蟶子、虎蝦、貴妃蚌、象拔蚌BB、龍躉、蠔等。每日時令款式唔同，無限追加一定食到滿足！
列國刺身船 挪威三文魚+日本刺身
講開海鮮，其實食雞煲、火鍋前已經有大大個刺身拼盤，有三文魚、凡立貝、北寄貝、牡丹蝦等，如預訂VIP房更免費送馬糞海膽1客。
列國刺身船，每日隨機4至6款時令刺身。
挪威三文魚外，全部刺身均來自日本。
想食得豪啲，可預早1日時令價預訂原條象拔蚌。
入座即送 無與倫比牛頸脊
打邊爐不得不提肥牛～除咗有美國肥牛任食外，入座仲有免費手切美國牛頸脊1客。牛味夠濃，食落亦估唔到咁厚肉，好難忍住唔追加多客。
入座即送美國牛頸脊1客，及後可以推廣價$108追加(原價$218)。
香港出品 高質丸餃! 仲有40幾款火鍋配料任食！
丸餃都係香港高質大廠出品，食落就知有誠意，個人最鍾意芋泥包心丸同芝士丸，芋泥餡綿滑淡香、芝士丸爆餡流心。同場仲有多款火鍋配料任揀，秘製手工滑、低鹽少油響鈴魚皮、黑毛豬、美國靚肥牛、蔬菜田園籃等。當中台灣製造嘅墨魚滑同蝦滑好高人氣，最勁試過有食客食足40幾條呀。
8款佐酒小食 慢慢等齊人都唔悶
約班朋友食放題，實有幾個遲到...食住等嘅寰球八小碟前菜都好豐富—麻辣鴨血、吉列炸蝦、小丸子等，大廚坦言想食客由前菜到甜品都食得滿足，唔會有一刻悶場。顯而易見，佢哋真係做到。
寰球八小碟有多款香口小食，同樣係無限追加。
仲有香辣小食！
入座每位送秋冬燉湯一客。
全場罐裝飲品、自家製飲品任飲。
食飽飽仲有Movenpick雪糕食。
宅在家都得！懶人雞煲/邊爐
店家推出懶人雞煲，將即製新鮮雞煲入盒，返到屋企加水就會發熱滾起，等10至15分鐘就食得，味道同堂食一樣㗎！
雞煲係新鮮整再入盒，味道同堂食一樣。HK$68 (1人份量)
火鍋外賣已包括錫紙盤、火酒膏，喺屋企倒湯點火就食得。
倫哥尊尚火鍋私房菜
地址: 佐敦佐敦道26號E 2樓
電話: 62093572 (WhatsApp)