“Lab Eat Bistro”新推半自助西餐，喺旺角區內少有咁高CP值！只要晚市惠顧一份主菜，即可升級享用自助區。呢度由曾任米芝蓮餐廳大廚主理，自助區有食回本海鮮，每日唔同款式，龍蝦、青口都有機會食到，同場又有火腿芝士拼盤、鵝肝多士、即烤即切牛肉等等等大滿足。
最後記住留肚食埋甜品區，自家餅房日日新鮮出爐，甜品蛋糕好出名㗎！雪糕區亦有Häagen-Dazs雪糕任食，每晚9點更推出火焰雪山雪糕，完全係甜品控福音呀。
全部人氣主菜，均可升級享用自助區。
【任食海鮮·料理·甜品】輕鬆食回本
海鮮區每日有唔同款式。全部新鮮運到，輕鬆食回本。
前菜都有好多款～飲酒必食火腿芝士拼盤，仲有西餐儀式感滿滿嘅新鮮沙律、熱湯、出爐麵包等。
各種熱葷料理每日輪流上場，有即烤即切牛肉、焗生蠔、脆炸雞肉、焗椰菜花等，新鮮煮製香口惹味，好啱一班人慢食飲酒。
自家餅房出爐新鮮蛋糕、慕絲杯、法式馬卡龍，超抵任食Häagen-Dazs雪糕。每晚9點推出火焰雪山雪糕，送完即止記住mark實。
“Lab Eat Bistro”半自助西餐詳情
時間: 每日晚市供應 (用餐時間: 90分鐘) 價錢: 主菜+$98升級半自助餐(星期一至四) 週末: 主菜+$138升級半自助餐(星期五至日)
*12歲以下半價 |
【超人氣主菜】
“Lab Eat Bistro” 一向以高級牛扒、蘭王海膽醬意大利飯、黯然銷魂飯吸引一眾fans。早前曾限定推出嘅勁量牛肉鵝肝雙層芝士漢堡更大受好評，大家都敲碗要再encore呀！大廚表示聽到大家嘅聲音，設計全新menu集合最人氣菜式兼加入漢堡，全部主菜都可以升級半自助西餐㗎。
日本大分縣A4和牛西冷牛扒 美國穀飼天然牛腰扒 美國穀飼天然牛板翼扒 阿根廷草飼西冷牛扒(250g) 蘭王海膽醬意大利飯 黯然銷魂飯 勁量牛肉鵝肝雙層芝士漢堡 日本快樂水飼豬鞍扒 香煎三文魚扒 濃濃燒烤醬豬肋骨 招牌脆皮咔嚓雞扒 忌廉菠菜溫泉蛋卡邦尼意粉 |
心思思唔知揀咩好，幫你快速篩選吓啦～
世界各地靚牛扒！
“Lab Eat Bistro”會喺世界各地引入各種牛扒，牛控可以著重揀邊款靚牛。
日本大分縣A4和牛西冷牛扒，有超美霜降雪花！入口化出油香，牛味會慢慢喺口中擴散。
美國穀飼天然牛腰扒。肉味鮮甜濃郁，牛腰位夠晒嫩。
美國穀飼天然牛板翼扒。同樣係美國穀飼牛，而牛板翼位會更有嚼勁，肉汁豐富。
阿根廷草飼西冷牛扒，一向經典高質。草飼牛扒肉味濃之餘略帶草香，好有獨特原始風味。
大人氣推介！
呢幾款主菜都係“Lab Eat Bistro”開業以嚟最高人氣。
蘭王海膽醬意大利飯，用出名蛋香濃郁嘅蘭王加埋海膽，係終極creamy意大利飯！
黯然銷魂飯，自家製叉燒香甜有肉汁，加埋蘭王蛋令叉燒飯大升級。
勁量牛肉鵝肝雙層芝士漢堡，手打200g漢堡配上各種芝士、煎鵝肝，一次過感受到爆肉汁、油香同多重口感。
日本快樂水飼豬鞍扒，係日本全新品種。以靚水源飼養，肉質特別鬆軟。
肉控推介
追求啖啖肉有濃濃燒烤醬豬肋骨，醬汁香甜，直接用手豪邁拎起豬肋骨食勁爽，骨邊肉特別惹味；招牌脆皮咔嚓雞扒嘅雞皮超脆，一切開即爆出肉汁。
輕食之選
想留肚狂掃自助區，可揀香煎三文魚扒，鮮甜細膩，魚皮卜卜脆；忌廉菠菜溫泉蛋卡邦尼意粉，戳穿溫泉蛋撈勻蛋漿食，綿滑暖胃。
情人節限定甜品有麻辣雪花？
情人節當日會有限定打卡甜品！士多啤梨撻有72%朱古力、新鮮士多啤梨製果醬，輕甜微酸撞上濃郁朱古力好有層次。甜品望落簡單，但伴碟嘅雪花原來係麻辣味，超有驚喜！連側邊嘅鑽石都食得㗎。另外可+$88升級情人節特飲—粉紅玫瑰夜，蔓越莓玫瑰冰好唯美IGable㗎。
90分鐘無限暢飲詳情！
想賺到盡，好值得追加無限暢飲～3款暢飲組合，無論飲唔飲酒都享受到優惠。
千杯不醉(Non-alcoholic) +$88: 橙汁/汽水/自家製檸檬茶 摸摸杯底(Alcoholic) +$188: 紅酒/白酒/氣泡酒/啤酒/雜果賓治 香檳任飲+$328: 香檳/紅酒/白酒/氣泡酒/啤酒/雜果賓治
|
Lab Eat Bistro (豉油街)
地址: 旺角豉油街36-42號榮高大廈地下-2樓
電話: 23337177