燒肉控福音!! 日韓燒肉店「燒肉屋」新推雞豚放題只需$198，瘋狂掃食果汁黑豚、五花肉、豬頸肉、地雞雞軟骨串、摩薩醬汁雞肉、燒雞翼等，星期一至四仲送最中餅雪糕1份。
趁住放題優惠，就算兩個人拍拖去食燒肉，都唔驚食得太少款啦。「燒肉屋」仲首創燒肉約會花束/禮盒/酒杯，每款都係食得嘅「和牛花花」，吃貨女生一定鍾意啊。
【$198雞豚放題】
任食果汁黑豚、五花肉(黑椒鹽/果味醬汁)、豬頸肉、地雞雞軟骨串、摩薩醬汁雞肉、燒雞翼及時令前菜(5款)
超抵價$198放題可以任食多款靚肉，一坐低就有個肉拼盤畀你試晒咁多款燒肉先，之後可以瘋狂單點自己鍾意嘅itemsss。呢個安排真係好貼心，幫大家慳返逐款試嘅時間，重點出撃!!
一坐低即有雞豚放題肉拼盤，試勻每款燒肉後再無限單點。
私心推薦沿用韓國燒肉醃法嘅果汁黑豚，利用果汁天然酵素、酸性令黑豚肉質鬆軟，食落仲輕甜解。五花肉就最爆油花，一放落烤爐已經好香肉味，燒到咁上下再剪開一件件再燒一陣，呢個食法最焦香㗎。
雞豚放題只需$198，任食多款烤肉。
日本製燒肉爐火力高達2000w，雞翼燒到金黃輕焦。
成串地雞雞軟骨拎住嚟食，飲酒特別有氣氛。
雞豚放題仲有5款時令前菜任食，肉與肉之間解膩提升戰鬥力。
【Bookmark低至5折優惠】
多國生蠔 | $48買一送一
優惠涵蓋3款生蠔～
生蠔優惠就有嚟自法國、西班牙、愛爾蘭3款生蠔揀。3個地方生蠔都各有特色，試晒3款已經有半打生蠔啦～
法國Les Huitres St Martin$48: 蠔肉飽滿富海水味
西班牙Castillo$48: 就好厚身鮮甜
愛爾蘭 Irish Rock $48: 肉質飽滿爽脆，蠔迷必試!!
時令海膽 | 半價$198(原價$396)
時令海膽海水味濃，半價好抵食。
【燒肉屋首創 燒肉約會花束/生日蛋糕】
吃貨女生收到「肉花花」肯定開心過收花啊。「燒肉屋」首創約會花束/禮盒/酒杯，全部都有和牛。送畀女仔再即場風度翩翩咁幫佢燒埋，一定加分啊。
杯中花樣 ($159/杯)
杯中花樣 最優雅精緻。
每杯有牛舌花球1個、A5宮崎和牛粒。
紅玫瑰花花束$459/束(2款選擇)
玫瑰花花束好大紮，一拎出嚟好驚喜!!
西瓜紅玫瑰花花束，有A5宮崎和牛花球、A5宮崎和牛前腿肉花球、牛舌花球。
香檳色玫瑰花花束，有A5宮崎和牛前腿肉花球、牛五花花球、豬頸肉花球。
玫瑰花禮盒 $599(大)、$459(中)
西瓜紅玫瑰花禮盒(大)，有A5宮崎和牛前腿肉花球2個、牛五花花球2個、豬頸肉花球2個。
香檳色玫瑰花禮盒(中)，有A5宮崎和牛前腿肉花球1個、牛五花花球1個、豬頸肉花球2個。
牛五花生日蛋糕$288
蛋糕都要肉肉肉!! 只要生日正日前後一週內，憑任何消費並出示生日證明，即享+$199(原價$288)送牛五花生日蛋糕1個，仲有埋煙花蠟燭㗎。
牛五花生日蛋糕，特配煙花蠟燭。
【3款創意招牌燒肉】
「燒肉屋」除咗放題之外，仲有好多燒肉單點㗎
舌形畢露 | 香蔥薄切長牛舌
早前日本爆紅嘅香蔥薄牛舌，將牛舌平放喺燒爐上面先，見到牛舌開始變色又有油花，就可以用鉗將牛舌捲住香蔥再燒多陣。一入口係嚼勁十足牛舌，再爆出香蔥清香勁有層次。
早前日本爆紅嘅香蔥薄切長牛舌。
將牛舌燒至變色，可以捲起香蔥燒多陣就食得。
一入口係嚼勁十足牛舌，再爆出香蔥清香。
自製和牛他他
有無見過他他係咁大串和牛!? 仲可以DIY整他他幾好玩。將厚切和牛串四邊都燒一燒，再放喺碟度抆串和牛出嚟，即刻變左超多件半熟和牛啊。可以按口味撈牛肉汁、蛋漿、芥末，自製專屬和件他他。
自製和牛他他。極厚切和牛串，有得食有得玩。
燒完再自己加他他醬汁調味。
半熟和牛好軟嫩。
菠蘿兩食 | 菠蘿爆汁橫隔膜
好多人都鍾意燒菠蘿～ 呢度就有CP值高嘅菠蘿兩食，滿足一眾fans!! 首先有燒菠蘿片；菠蘿殼入面再有原條橫隔膜，大份量又幾輕甜。一啖烤肉、一啖菠蘿咁幾過癮。
菠蘿兩食CP值高，有菠蘿片、原條橫隔膜。
【人氣拼盤優惠】
「燒肉屋」定期推出各款拼盤優惠，即刻mark實今期有咩抵食
燒肉屋一人名物盤 | 7折 $289(原價$413)
7折嘅一人名物盤極抵！200幾蚊就有5款燒肉—醬汁牛五花、日式三角胸腹肉、封門柳、豬頸肉、雜錦香腸。
一個人食燒肉都好抵，一人名物盤7折後只需200幾蚊。
A5和牛肉眼蓋 及 多種稀有部位寶盒 | 7折 $459(原價$643)
正值7折優惠嘅燒肉寶盒，份量多到不能置信啊……有牛眼蓋(40-45g)、牛仔骨(150g)、面頰肉(40g)、五花片(40g)、橫隔膜(60g)。有時兩個人唔知食咩好，揀呢個寶盒就試勻幾款肉喇。
而且寶盒嘅牛眼蓋好少地方食到，我自己之前就未食過。原來口感係好細膩柔軟，甚至去到如絲滑嫩嘅地步，咬都唔使咬㗎。
7折燒肉寶盒集合多款燒肉，必食罕有牛眼蓋。
【本月推介鍋物 無窮芝味】
嚟緊秋冬，特別想食邪惡拉絲嘅鍋物!! 呢度都有好多款揀㗎
甜辣炸單骨雞翼 配拉絲芝士麵鍋
集合韓國必食三大名物啊—甜辣炸雞翼+芝士+辛辣麵。開火等佢滾起，芝士慢慢融化好療癒。將芝士撈落辛辣麵食又得；用雞翼捲起拉絲芝士食又得，正～
為韓國迷集合甜辣炸雞翼、芝士、辛辣麵，盡情拉絲啦!!
芝味滑豆腐鍋
石鍋上枱嗰陣仲好熱，估唔到嫩豆腐同鹹香芝士幾夾，仲可以補充豐富蛋白質啊。
一試嫩豆腐同鹹香芝士嘅組合驚喜。
海膽牛肉粒石鍋飯
融合海膽、牛肉嘅創意石鍋飯，鮮甜海膽同滿滿蟹籽可以中和牛肉嘅膩感，最後要刮埋飯焦出嚟食啊。
石鍋飯一定要食埋飯焦啊。
【酒鬼不能錯過の優惠】
限定清酒買一送一，低至$398/2支咋！
- 米一途 純米酒$398/2支(720ml)
富堅果香，穩醇豐盈如五味一體
- 本月特選限量版$538/2支(720ml)
每月不同有驚喜
- 大嶺 三粒米 純米吟釀$728/2支(720ml)
山口縣天然水釀造，甘爽帶果香
限定清酒買一送一。
即刻睇晒「燒肉屋」最新優惠！即日起至2024年11月30日
【$198 雞豚放題】星期一至四送 最中餅雪糕1份 超豐富放題Itemsss: 任食果汁黑豚、五花肉(黑椒鹽/果味醬汁)、豬頸肉、地雞雞軟骨串、摩薩醬汁雞肉、燒雞翼及時令前菜(5款) *每日供應。星期五、六 +$30/位；12歲以下及長者減$40
【限定優惠合集】 優惠1 全日單點餐牌88折(星期五、六專享9折) (午市定食、所有套餐、折扣產品、生日產品 及 飲品除外)
優惠2 多國生蠔·$48買一送一 生蠔優惠就有嚟自法國、西班牙、愛爾蘭3款生蠔揀。3個地方生蠔都各有特色，試晒3款已經有半打生蠔啦～
優惠3 時令海膽·半價$198(原價$396)
優惠4 清酒買一送一 以下限定版清酒買一送一，低至$398/2支！ - 米一途 純米酒$398/2支(720ml) - 本月特選限量版$538/2支(720ml) - 大嶺 三粒米 純米吟釀$728/2支(720ml) *全日供應。不適用於星期五
優惠5 生日優惠(正日前後一週內) - 訂位免切餅費 - 憑任何消費並出示生日證明，即享+$199(原價$288)送牛五花生日蛋糕1個 - 消費滿$1,500，即送指定甜品1份(附設免費寫名服務) *必須致電預訂，數量有限送完即止
|
燒肉屋 (清風街)
地址: 天后清風街10號清風大廈地舖
電話: 26606373