Food Court觀塘又有新熱點!! 全港首間泰國主題Food Court—“Foodhall by Moon Thai”，前身係連續5年獲米芝蓮推介嘅上環傳統泰菜餐廳“Moon Thai”。新店嚟到觀塘，繼續由前泰皇御廚團隊主理，一嚐地道泰國風味。
觀塘新店“Foodhall by Moon Thai”，繼續由前泰皇御廚團隊主理。
“Foodhall by Moon Thai”充滿泰國度假風，落地大玻璃映透自然光，熱帶植物、木系及高樓底打造悠閒氣氛。全店佔地5,525呎空間感十足，座位舒服寬敞，好歡迎大家帶電腦嚟做嘢同Me Time，部分位置更設叉電位㗎。一大班人聚會、公司聚餐亦可預訂VIP房，可容納20人享受獨立空間。
店內高樓底及落地玻璃，係觀塘區少有嘅唞氣空間。
座位空間感大，歡迎大家帶電腦嚟做嘢同Me Time。
店家細心劃分四大區域—Bar(泰茶、咖啡及酒水)、Thai Signature(泰式地道炒粉麵、咖喱)、Boat Noodles & Grill(泰式船麵、串燒及甜品)、Burger Brunch(Fusion漢堡、泰菜及All Day Breakfast)。繁忙午市時段係Food Court，各位觀塘人可依自己喜好去該區直接落單付款。午市套餐只係$68起(包指定冷/熱飲品)，CP值好高!!
店內分成四大區域，午市落單好方便。
晚市 (6pm後) 及 週末(全日)則變成泰國餐廳，嚟到坐低等侍應幫大家落單就得喇。而早餐時段(每日11:30am前)則有船麵；以及~君蘭麵包廠~新鮮出爐嘅菠蘿包。
觀塘人注意！$20咖啡優惠
星期一至日，全日咖啡均享優惠價$20 |
四大區域 | Bar(泰茶·咖啡)
一入店就係Bar區，多款咖啡—Espresso、Latte、Cappuccino等均享$20優惠，觀塘人隨時嚟飲杯提吓神。
最值得一試，當然唔係度度都有嘅泰茶啦。呢度嘅泰式奶茶擁獨特茶味、口感順滑。泰國團隊更設計泰式髒髒奶茶、泰式茶湯力，好有新鮮感。
多款特色泰茶、咖啡。現咖啡優惠價$20好抵飲。
四大區域 | Thai Signature(泰式地道炒粉麵·咖喱)
Bar隔籬就係Thai Signature區域，主打泰地道炒粉麵同咖喱。泰國大廚以傳統煮法，爆炒蝦炒金邊粉、乾炒豬肉河粉、菠蘿海鮮炒飯等。
自家製泰國咖喱則用多種香料熬煮，有紅咖喱、青咖喱選擇。輕辣輕甜，每啖都有香料味微妙變化，現成咖喱難以媲美。另一佐飯之選就有泰式滷水豬手飯，接近半隻豬手份量，用滷水炆到好軟腍，滿滿骨膠原嘅豬皮、豬手肉都好似入口化開咁。
Thai Signature區域有泰式地道炒粉麵、咖喱。
自家製泰國咖喱用多種香料熬煮，輕辣輕甜。
泰式滷水豬手飯。接近半隻豬手份量，用滷水炆到好軟腍。
四大區域 | Boat Noodles & Grill(泰式船麵·串燒·甜品)
泰國廚師團隊用多種香料煮製招牌船麵湯底，如南薑、乾蔥、蒜等，地道香濃，配牛肉、豬肉、雞肉都好好食。
當你行過呢個區域，仲會聞到好香燒烤味～因為呢度嘅串燒、烤物都係即叫即燒，有泰式豬肉丸串、沙嗲豬肉串燒、烤香茅豬頸肉等。沙嗲醬都係自家調製，好香花生醬味㗎。
呢度仲有自家製泰式甜品，私心推薦好軟Q嘅斑蘭椰汁千層糕，煙煙韌韌好香椰汁味。近年人氣急升嘅香蕉朱古力煎餅都值得一試，甜控一定愛上濃郁朱古力醬同煉奶。
Boat Noodles & Grill區域有泰式船麵、串燒、甜品。
招牌船麵湯底，用多種香料熬煮。
串燒、烤物即叫即燒，經過都聞到好香。
多款燒物選擇，沙嗲有好濃花生醬味。
多款自家製泰式甜品。
(左上及左下)椰汁西米糕、芒果糯米飯。
(右上及右下)斑蘭椰汁千層糕、香蕉朱古力煎餅。
四大區域 | Burger Brunch(Fusion菜式·漢堡·泰式全日早餐)
估唔到泰式醬同Burger咁夾!! 如果你都鍾意Fusion菜嘅驚喜，一定要試吓呢區嘅牛肉漢堡·紅咖羅蛋黃醬、豬肉漢堡·青咖喱蛋黃醬等，每份漢堡都免費跟配焗薯，飽足感滿分。
Fusion元素唔只用落漢堡，仲有班尼迪蛋辣荷蘭醬·烤菠蘿、冬陰功蝦扁意粉都好有新鮮感。想嚟“Foodhall by Moon Thai”放空吓享受Me Time，喺度叫份泰式全日早餐坐半日好啱Feel，有泰式粥、沙嗲雞串、培根、雜菌、炒蛋、酸種包。
必試牛肉漢堡·紅咖羅蛋黃醬，估唔到泰式醬同Burger咁夾。
泰式全日早餐坐半日好啱Feel。
Foodhall by Moon Thai
地址: 觀塘觀塘道348號宏利廣場1樓101號舖
電話: 28511288