海鮮迷有福喇!! 主打香港地道風味嘅「明廚」，立志將港式美味傳承下去。大家熟悉嘅鑊氣小菜，看似簡單卻極考⼤廚爐火純青嘅廚藝同匠⼼。其招牌 三重芝士焗南澳龍蝦炒飯 、 火焰奄仔蟹 、 琥珀醉瀨尿蝦 等等，一向大受本地食家同海外遊客歡迎。至今紮根九龍旺⾓13年，嚟到2024年香港銅鑼灣都有分店啦，港島又多個開飯選擇。
新店將4間地舖打通，座位寬敞並能以金色垂幕分隔鄰桌，優雅地享受私人用餐時光。嚟緊聖誕、新年飯局不絕，呢度都有3間包廂供預訂，同親朋好友盡享「札幌惠比壽⽣啤」及海鮮最佳搭檔—日本清酒、香檳、紅⽩酒等，齊齊飲飽食醉。
【必食野生海鮮】
嚟到一定要食海鮮，因為「明廚」於海外聘請專人引入各國野生海鮮，每日新鮮到店。好似 三重芝士焗南澳龍蝦炒飯 就選用南澳龍蝦，龍蝦肉特別飽滿鮮甜!! 再以三重瑞⼠芝⼠—巴⾺⾂芝⼠、⾞打芝⼠、莫薩⾥拉芝⼠烤焗，芝⼠拉絲效果澎湃，撈埋惹味炒飯底，上枱無耐就瞬間清碟喇。
另一招牌 火焰奄仔蟹 !! 選用菲律賓進⼝嘅A級野⽣奄仔蟹，蟹膏好似軟雪糕咁綿滑。每隻約10兩重，比香港奄仔蟹⼤一倍。
「明廚」用油鹽烤焗奄仔蟹，上枱嗰陣員工會喺粗鹽淋上秘製調酒再點火，火焰強勁好似睇表演(笑)，係「明廚」原創菜式嚟。猛火唔只為視覺效果，更為逼出蟹鮮香味㗎。聽講有熟客會嗌夠10隻奄仔蟹，為咗一睹霸氣火焰，當然亦想瘋狂食奄仔蟹啦。
提到「明廚」海鮮，不得不提 琥珀醉瀨尿蝦 。嚴選印尼野⽣斑⾺瀨尿蝦，長如⼿臂，隻隻爆膏厚肉勁滿⾜！瀨尿蝦蒸到恰道好處，蝦膏好似蛋黃咁軟綿，又有淡淡酒香好特別。
另一道瀨尿蝦菜式— 鬼火深喉瀨尿蝦 ，同樣用印尼野⽣斑⾺瀨尿蝦，並以被喻為最辣辣椒之⼀「台灣魔⿁辣椒」逼出瀨尿蝦鮮甜。
食落先香後辣，且辣味後勁十足好刺激。同時巧妙以多種食材中和辣度，如酥炸珍珠葉、薑粒、蒜蓉、紅青椒、⾖豉等等，辣得嚟唔會遮蓋海鮮味。
【創意演繹香港風味】
「明廚」一向堅持香港風味，同時以創意演繹經典粵菜。好似出名講究技巧嘅蝦多士，就奢華升級為 亞麻籽活南澳龍蝦多士 。將原隻龍蝦拆肉+多士炸到脆卜卜，並以亞麻籽代替傳統芝麻，粒粒口感更強，同時補充Omega 3好健康。龍蝦頭擺盤相當有氣勢，大家都忍唔住相機食先啊。
以傳統艇家煮法為靈感嘅 鹽焗泰國野⽣花螺 ，由泰國引入獨家巨型海花螺。比一螺般⾁更加爽甜彈牙，並以鹽焗做法煮出海⽔風味。我哋食晒成碟花螺，真係隻隻都又彈又鮮甜，有驚喜。
另一道受傳統啟發嘅菜式— 有馬山椒凍馬友 ，係潮式凍魚進階版。以日本有馬山椒及兩種日本麵豉醬，做出經典潮式凍魚。馬友魚肉依然滑嫩，但鹹香更顯層次。
講到香港風味，當然唔少得名物叉燒啦。呢道 慢煮本地太極黑毛豬叉燒 ，將黑毛豬慢煮超過10小時，做出外焦內鬆軟嘅極致口感。
【瘋狂打卡！煙燻菜式】
飯局要食得盡興，火焰煙燻菜式真係唔少得。呢道 煲煙斷片醉乳鴿 ，即席燒稻草煙燻乳鴿，未食已經聞到好香天然草味。乳鴿亦事先經冷滷慢煮，鴿肉特別嫩滑。
另一道煙燻菜式— 煙燻龍井少爺雞，則即席以龍井茶葉+蘋果木煙燻。絲絲細煙輕柔圍繞少爺雞，過程緩慢細膩，賦予雞肉一種獨特果木香氣外，更帶嚟視覺享受。
【奢華炒飯】
飯局尾聲，唔少得嗌碟炒飯。「明廚」 招牌太子闊少炒飯 相當奢華，有魚翅、蟹黄、蟹肉、海蝦、帶子、黑松露等矜貴食材。「明廚」將飯粒爆炒至乾身，同時保留食材鮮味，絕對值得留肚食啊。
明廚 Ming’s Kitchen
銅鑼灣堅拿道西15號永德大廈地下G8-11號舖
Whatsapp 查詢或訂座: 6313 8806
Instagram: @mingskitchen.hk
