儼如阿拉丁宮殿嘅黎巴嫩餐廳“Shahrazad Lebanese”，由真·黎巴嫩人開設，除咗環境充滿異國風情之外，食物都好有特色㗎～黎巴嫩菜式喺香港確實少見，其實係好健康嘅地中海飲食，以豐富穀物、水果、蔬菜、海鮮、橄欖油等為主要食材，並以多種獨特香料煮出層次，健康嘢都可以好正。
【8折優惠】
想入門試吓地道黎巴嫩料理嘅話，可以試吓佢哋嘅Lunch Set，有齊餐湯、沙律、主菜、甜品，食得勁豐富只係$138起，逢星期日至星期三仲有8折優惠𠻹㗎！
【Shahrazad Lebanese Lunch Set】
是日餐湯＋沙律(6選1)
傳統黎巴嫩菜嘅餐前小菜叫Mezze並有冷熱之分，通常都係醬類、沙律、小食等。午市套餐會先上開胃餐湯；再有經典沙律6選1，即刻睇吓有咩沙律前菜揀啦～
鷹嘴豆蓉係黎巴嫩經典前菜，鷹嘴豆會先混合芝麻醬，再加入檸檬、大蒜、橄欖油、香芹同番茄。望落簡單嘅豆蓉其實糅合咗好多香料製成，好濃郁順滑。
Hummus Beiruti
以前覺得豆類都係又淡又悶，黎巴嫩菜真係顛覆咗呢個諗法。好似呢款香炸鷹嘴豆餅，第一啖咬落去有啲硬脆，入面就係綿密嘅鷹嘴豆蓉，連埋乳酪醬一齊食啱啱好，係一道充滿阿拉伯風味嘅素菜嚟㗎。
Falafel
主要由羽衣甘藍、番茄、小麥製成，單睇食材已經知道口感好豐富。加埋檸檬汁作調味，食落清新爽口又健康。
Tabouleh
仲有多款沙律前菜揀～
Bessara
Roasted Eggplant
Batata Harra
主菜(6選1)
Tagine慢燉菜被名為「摩洛哥煲仔飯」，因為當地人會用300度高溫燒製嘅陶土煲，放入食材、香料後慢火燉煮，可想而知幾入味！慢煮期間可以全面保存食材水份。以五香番茄醬慢煮雜錦蔬菜，唔單只營養豐富，連埋粒粒分明嘅米飯一齊食飽腹感超強，卡路里仲好低𠻹(食極唔肥！)。
慢燉菜(Vegetarian Tagine)$138
魚蛋真係大人細路都鍾意食，呢度更有火辣辣巨大魚蛋，沾上惹火紅辣醬+多款辣椒，刺激到不斷有口水分泌，好過癮啊。
紅辣醬魚蛋(Minced Fish Balls)$148
食肉又想健康啲，唔少人都會選擇食雞肉。呢款融合咗俄羅斯同中東嘅烹飪技巧，雞髀肉裹上一層麵包糠，食落外酥內嫩。蘸埋核桃+肉桂嘅調味醬，香甜綿密質感幾特別。
切爾克斯雞(Circassian Chicken)$158
呢度竟然有羊肉丸串，跟配酸酸甜甜嘅阿拉伯番茄醬撈飯食，絕對係羊肉lover嘅福音。
中東羊肉丸(Lamb Kofta with White Rice)$168
午餐食返個串燒獎勵吓自己唔過份吧！烤黎巴嫩雞肉串保留咗嫩滑肉質，食落唔乾身，配埋酸酸哋嘅大蒜檸檬醬中和膩感，惹味得嚟夠晒fresh。
烤雞肉串(Shish Tawook)$148
黎巴嫩人好鍾意食烤肉，“Shahrazad Lebanese”更係香港少見真‧炭燒。拼盤堆滿烤牛肉、羊肉、雞肉，全部燒到juicy有炭香，離遠聞到已經流晒口水啦！
烤肉拼盤(Shahrazad Mashawy)$278
捲餅系列
想食個快飯又唔想求其？“Shahrazad Lebanese”嘅烤捲餅係一個好選擇。炙烤薄餅包入雞、牛或羊肉，伴有馬鈴薯同阿拉伯大蒜醬，無論堂食定grab and go都好方便。
雞肉捲餅(Chicken Roll)$100
羊肉捲餅(Lamb Roll)$100
牛肉捲餅(Kofta Roll)$100
【7月限定：Lamb Mandi】
除咗lunch set好抵食外，“Shahrazad Lebanese”7月更有限定料理—傳統烤羊肉料理。大家都知黎巴嫩人擅於煮製羊肉，呢道傳統料理仲要好花功夫。要將羊肉慢煮幾個鐘，直到肉質軟軟腍腍先得，比起其他菜式更加嫩滑，趁今個月快啲試吓啦。
Shahrazad Lebanese Dining Lounge & Bar
地址: 中環雲咸街75-77號嘉兆商業大廈2樓
電話: 23300242