每年5月都係國際漢堡月,而5月28日更加係國際漢堡日!銅鑼灣美式打卡餐廳為響應呢個節日,特別推出10款海陸空口味漢堡,包括恒常、限時回歸同新款式。另外今個月所有漢堡全日都有8折,而且點任何一款口味,都享有枝裝啤酒同生啤優惠,睇啱邊款想試就把握機會喇~
![](https://www.openrice.com/userphoto/CMSContent/0/7Z/001KVCD8939A4AEE737133j.jpg)
餐廳所有漢堡都選用亞麻籽麵包,配搭自家調配醬料,款式則以牛堡為主,而牛肉漢堡扒都係用美國奧馬哈農場嘅牛肉製作,每塊有5.33安士。今個月嚟食漢堡,可以優惠價$28/枝配枝裝啤酒,或$48/杯配生啤。
漢堡新口味3款
卡真虎蝦牛肉漢堡【辣】($188)
![](https://www.openrice.com/userphoto/CMSContent/0/7Z/001KVDF0786F78742B65BBj.jpg)
呢款漢堡以牛肉漢堡扒同卡真虎蝦做主料,分量十足;配搭嘅cajun醬用咗三十幾款調味料製作,辣中帶酸幾刺激食慾,令人忍唔住一啖接一啖。
魚柳漢堡($148)
![](https://www.openrice.com/userphoto/CMSContent/0/7Z/001KVEA4E0536C2F36EFB0j.jpg)
餐廳選用原件東星斑魚肉,一份約200g,夠晒誠意,配埋芝士、椰菜同他他醬,味道層次更豐富。
黑松露蘑菇漢堡($138)
![](https://www.openrice.com/userphoto/CMSContent/0/7Z/001KVFE43F5A027DA066D8j.jpg)
想輕盈啲可以試黑松露蘑菇漢堡,麵包塗上大量黑松露醬,配上燒大啡菇、太陽蛋、番茄等較light嘅配料;而薯條亦灑上黑松露粉以凸顯風味。
好評如潮 多款漢堡限時回歸
凱撒漢堡($148)
![](https://www.openrice.com/userphoto/CMSContent/0/7Z/001KVG73F9C86A235E7520j.jpg)
顧名思義,呢款漢堡嘅醬汁同餡料都以凱撒沙律為靈感,除咗有牛肉漢堡扒,重有焗至脆口嘅煙肉、romaine沙律菜。
貓王漢堡($158)
![](https://www.openrice.com/userphoto/CMSContent/0/7Z/001KVHAFB2B0F8BFB57433j.jpg)
呢款漢堡由貓王Elvis Presley鍾意嘅花生醬培根香蕉三明治演變而成。亞麻籽麵包夾住香噴噴嘅牛肉漢堡扒、花生醬、脆口嘅培根同蜜糖燒香蕉,鹹甜度適中。
豬肋骨漢堡($198)
![](https://www.openrice.com/userphoto/CMSContent/0/7Z/001KVI24601F7D848188A1j.jpg)
豬肋骨焗3個鐘至軟腍後,起骨掃上BBQ汁,配埋炸洋蔥、椰菜等增加口感同味道層次;配菜更特別由薯條改為炸洋蔥圈。
燒雞漢堡($128)
![](https://www.openrice.com/userphoto/CMSContent/0/7Z/001KVJCCE7C083184AB7FEj.jpg)
慢煮雞髀肉好嫩滑,加上香脆嘅煙肉、車打芝士、番茄等配料同辣味蛋黃醬,既香口又唔會好油膩。
軟殼蟹漢堡【辣】($168)
![](https://www.openrice.com/userphoto/CMSContent/0/7Z/001KVK5AEFEB7D28850553j.jpg)
厚身嘅軟殼蟹炸至金黃香脆,配上辣味蛋黃醬、清爽嘅番茄同生菜,食晒成個都唔怕滯。
恒常款式 魔鬼X經典
經典漢堡($138)
![](https://www.openrice.com/userphoto/CMSContent/0/7Z/001KVL0D710711F9E3EC70j.jpg)
經典漢堡口味大眾化,配上牛肉漢堡扒、生菜、番茄、酸瓜同加入蛋黃醬嘅秘製醬汁,味道酸酸甜甜。
魔鬼漢堡【辣】($148)
![](https://www.openrice.com/userphoto/CMSContent/0/7Z/001KVM79D81E87EEE27678j.jpg)
平時嘅牛肉漢堡扒都係用鹽同黑椒調味,唯獨整魔鬼漢堡會用上自家製辣粉同辣醬,亦係辣味漢堡中最辣嘅一款。
The Musicbox Grill House & Bar
地址: 銅鑼灣駱克道459-461號The L. Square8樓
電話: 23386908