去大阪一定會食當地名物「串揚」，一班人食炸串、飲啤酒嘅異國時光真係好懷念～暫時去唔到日本，唯有喺香港食正宗串揚回味吓。
尖沙咀「Jan Jan串揚專門店」係首間繼日本以外嘅海外分店，依日本地道做法由油溫至炸漿都好講究，做到脆而不油膩，係香港少見正宗高質嘅大阪串揚店。
店內好有日本居酒屋感覺。
其實串揚喺大阪已有100年歷史，一直以日本匠人文化嘅嚴謹態度，用上乘混合油炸，並將炸粉、炸漿做到極薄身，恰好包住食材，結合師傅手藝先做到呢樣大阪名物。
師傅依日本嚴謹做法，將串揚炸得脆薄不油膩。
大家都知日本人對食材要求極高，所以呢度所有食材都係日本進口。師傅亦會按時令推出廚師限定，推出菜單以外嘅時令料理，就算留喺香港都食到高質串揚、串燒。
所有食材均由日本進口。
【即睇必食推介】
炸鮮蠔串揚 配煙燻蛋王醬
師傅將即開鮮蠔沾上炸粉，炸至脆薄金黃、內軟外脆，配埋獨家秘製煙燻蛋王醬好香濃。
脆薄又有蠔味。
天使蝦串揚
日本純淨海域捕獲嘅天使蝦，於低溫海域生活，所以蝦味特別濃郁，連蝦頭都食得㗎！炸後再灑上特製蝦鹽提鮮，唔使再沾任何醬汁已經好鮮味，嚟到一定要試！
於日本低溫海域生活，蝦味特濃。
仲有多款地道串揚。
金黃輕脆又唔油膩。
於2022年4月29日至6月9日期間，首【20】名用戶於【Jan Jan串揚專門店】使用相應OpenRice服務，消費滿【$50.1 】並輸入【MME20Q】即減【$50】！仲等咩？快啲約埋飯腳開餐啦！
