近年大家開始留意返本地音樂，其實香港一直有好多音樂人，當中呢兩位80年代因音樂而相識嘅朋友，就一齊開咗呢間音樂主題西餐。店內掛滿珍藏黑膠唱片，設有DJ台，還用上目前市面上最頂級的音響器材，靚音色之餘，加埋燈效真係好有氣氛！
老闆之一Godwine Lee係當年多間大型Disco嘅 Head DJ，餐廳亦會定時邀請DJ過來客串，讓客人可以近距離接觸真正的DJ文化。
【必試新品】
卡真海鮮拼盤 Seafood Boil
餐廳主打美國南部菜，新推「卡真海鮮拼盤」係美式水煮海鮮，因為份量超足有虎蝦、蜆、藍青口、翡翠螺等，所以美國人同一班朋友慶祝時都會食㗎。你亦可按個人喜好追加龍蝦，藍蟹，非常隨意。
每間美國餐廳都有自家秘方，但靈魂調味料Cajun 一定要落，大廚再加入Old Bay 同大量香料，香辣惹味。並依美國傳統配粟米、紅薯及辣燻腸，輕煎辣燻腸口感獨特，一定要試呀。
燒蠔 Fire Grilled Oysters
坊間燒蠔一般都用忌廉芝士，而呢度則全程用火山石大火燒烤，做到最短時間將蠔燒熟，保持Juicy 鮮味。配埋自家調製香料、巴馬臣芝士香口濃郁。
波本辣汁烤羊架 Grilled Lamb Chops with Spicy Bourbon Sauce
羊架金黃微焦，食落羊肉都好入味。因為羊架先用香草醃製24小時，再以58度低溫慢煮4小時，大火烤前灑上超過10種香辛料，所以香口之餘肉質仲好鮮嫩。配埋新奧爾良波本忌廉汁、芝士雲吞，酸酸辣辣好開胃。
【超巨招牌菜】
燒烤醬豬肋骨 BBQ Baby Back Ribs
美國豬肋骨配洋蔥圈超巨型，係餐廳招牌菜之一。大廚先以極高溫再轉低溫長時間烤焗，先做到骨肉分離、肉質嫰滑效果㗎。
豬肋骨有2款自家製作BBQ汁揀，「香甜BBQ汁」，好夾豬肋骨同洋蔥圈；「香辣BBQ汁」則刺激惹味。
【超人氣菜式】
牛油煮蜆配蒜蓉法包 Garlic Butter Clams
幾乎每位食客都會點嘅人氣菜式，大廚坦言其實無咩烹調秘密，重點就係新鮮！加埋牛油已經勁鮮甜。蜆係每日新鮮運到，仲會人手逐隻篩選，確保唔會有一隻死蜆㗎。
牛扒配龍蝦 Surf & Turf
牛扒選用美國名牌農場Greater Omaha 嘅頂級肉眼，肉味、柔嫩兩者兼備。
香港人咁識食海鮮，所以老闆捨棄一般餐廳慣常用嘅波士頓龍蝦，轉用龍蝦味極濃嘅青龍蝦，再配以傑克芝士、車打芝士焗香，稱得上一道奢侈美味配搭，滿足一眾識食之人。
雙層芝士漢堡 Double Decker Cheese Burger
漢堡採用Greater Omaha 嘅安格斯牛肉製作，以7:3肥瘦黃金比例打製，兩塊漢堡加埋足足10安士，加埋雙層半溶傑克芝士、車打芝士超濃郁。
漢堡推薦7成熟最正，亦可追加其他配料，如蘑菇、脆煙肉、煎蛋等。
開飯仔依家仲有好野益大家！於2022年4月29日至6月9日期間，到【The Musicbox Grill House & Bar】消費並上載有效收據到指定網頁， 隨時贏取豐富獎品！ 食得愈密， 得獎機會愈大，超過200份獎賞等梗大家！快啲約埋飯腳開餐啦！
