原來旺角、尖沙咀都有無限時火鍋放題!! 呢間「味火鍋」火鍋放題五部曲只係$359/位，多間VIP房可容納4至30幾人，仲要唔收任何附加費，絕對旺區少見啊。
自家熬雞湯+游水海鮮+酒水任飲
首先快講佢哋湯底同海鮮好正!! 湯底/加湯都係用自家熬雞湯，游水海鮮仲係每日新鮮採購。大量玻璃樽汽水無限供應，清酒、啤酒都唔使加錢，又有麥茶消吓熱氣，成班朋友都食得兼飲得盡興。
「味火鍋」火鍋放題五部曲，只係$359/位。
用餐區卡位坐得舒服。
VIP房唔收任何附加費，旺區少見。
清酒、啤酒免費任飲。
多款玻璃樽汽水，正啊。
五部曲前奏 | 免費前菜
「味火鍋」嘅火鍋五部曲係精選頭盤、自選火鍋湯底、皇牌火鍋拼盤、任食精選火鍋配料、特選雪糕。一坐低未開始五部曲前，先有3款免費前菜—酥炸雞軟骨、柚子醋伴海蜇、中華沙律。雞軟骨酥脆香口，有柚子甜嘅海蜇真心有驚喜。
雞軟骨酥脆香口。
柚子醋伴海蜇，柚子甜有驚喜。
中華沙律
跟住正式開始五部曲啦～
第一部 | 精選頭盤(每位自選1款)
味火鍋佛跳牆(每客一盅)／芝士焗波士頓龍蝦(每客半隻)／黑松露芝士焗生蠔(每客3隻)／四川麻辣雞煲(2位起)／老壇酸菜魚(2位起)
真係未見過放題有佛跳牆，仲係自家真材實料燉煮，每盅都有鮑魚、花膠、冬菇等。熱湯好濃瑤柱味，啱晒秋冬滋補。
味火鍋佛跳牆，每日自家燉煮數小時。
大大隻鮑魚，好足料。
另外最深刻係焗生蠔，一客有3隻手掌咁大嘅生蠔。生蠔肉唔會焗到乾，反而好飽滿多汁，有啲食緊即開生蠔嘅錯覺呀。
黑松露芝士焗生蠔手掌咁大，每客有3隻。
芝士焗波士頓龍蝦
而大大份嘅四川麻辣雞煲、老壇酸菜魚，實物同張相一樣咁大鍋!! 麻辣雞煲即叫即製，喺你面前爆炒勁香。雞件係厚肉有肉味嗰種，食完個雞煲再打邊爐真係好爽。
其實多人飯局最抵，因為佢啲前菜夠大份，全部嗌晒可以一齊share。
四川麻辣雞煲，即叫即製。
雞件好厚肉。
老壇酸菜魚實物真係好大鍋。
第二部 | 自選火鍋湯底
免費鴛鴦湯底: 鮮番茄豬骨濃湯鍋／四川麻辣鴨血鍋(大/中/小/BB辣)／香濃沙嗲鍋／特濃芜茜皮蛋豆腐湯鍋／大排檔豬骨鍋／養生牛肝菌湯鍋／日式豆乳海鮮鍋／泰式冬陰公海鮮湯鍋
滋補單鍋系列: 養顏花膠竹絲雞鍋、蟲草花椰子雞鍋
師傅每朝一早返嚟用雞骨、雞肉等熬煮湯底，實測飲咗幾啖湯都唔會好口渴。平時放題要鴛鴦鍋多數加錢，呢度係完全免費。正方形湯鍋又夠大，成班人瘋狂淥嘢都無難度。
雖然滋補系列養顏花膠竹絲雞鍋、蟲草花椰子雞鍋無得雙拼，但會送嫩滑雞件1份，真材實料。打邊爐之前，真係要飲返兩啖雞湯滋補吓。而且每次加湯都加返自家熬雞湯，食到尾都唔會越加越淡。
泰式冬陰公海鮮湯鍋
養生牛肝菌湯鍋
滋補單鍋系列—養顏花膠竹絲雞鍋、蟲草花椰子雞鍋，送嫩滑雞件1份。
蟲草花椰子雞鍋足料，五指毛桃好香啊。
第三部 | 皇牌火鍋拼盤
皇牌時令海鮮拼盤&牛魔王美國安格斯牛肉拼盤
揀完湯底，就有海鮮同牛魔王拼盤。「皇牌時令海鮮拼盤」係專人去街市買嘅游水貨，有蟶子皇/北海道大元貝、新鮮龍躉片、新鮮海蝦、新鮮鮑魚、自家製手打墨魚丸、自家製手打蝦丸、台山蠔、日式蟹棒。
上枱嗰陣鮑魚仲郁緊㗎，配麻辣湯又麻又Q彈幾正。其他如北海道大元貝、龍躉、台山蠔都好鮮甜。因為每日街市拎貨，所以有時買到嘅海鮮會唔同㗎，但保證游水海鮮夠晒鮮。同埋佢哋嘅手打丸好值得一試，打到起晒膠又有鮮味。
皇牌時令海鮮拼盤
鮑魚上枱仲郁緊。
北海道大元貝
台山蠔
「牛魔王美國安格斯牛肉拼盤」就有手切牛小排、牛肩胛、牛板腱。雪花紋都幾靚，有肉味又嫩。私心最鍾意牛肩胛，因為夠厚切會越咬越香。
牛魔王美國安格斯牛肉拼盤
第四部 | 任食精選火鍋配料
美國安格斯肥牛／自家製鮮蝦水餃／嫩鴨血／特級豚肉／自家製韭菜水餃／自家製菠菜苗豬肉餃／窩筍／牛骨清湯牛丸／時令蔬菜／川辣牛丸／濃芝豆腐燒／鮮腐竹／豬骨濃汁貢丸／黃金麻吉燒／日本出前一丁／松露香菇貢丸／炙燒芝心包／稻庭手打烏冬／炸魚皮／芥末魚丸／薯粉／紫菜響鈴卷
食完拼盤，就嚟到瘋狂吸入時間喇～超過30款配料任食，任食嘅美國安格斯肥牛、特級豚肉都幾吸引。如果揀咗麻辣湯一定要食鴨血啊。
呢度嘅湯底好吸引，所以爆湯嘅紫菜響鈴卷真係encore咗幾次。而最驚喜係自家製韭菜水餃、自家製菠菜苗豬肉餃，淥之前睇得出餃子皮係柔軟彈性，仲沾咗啲麵粉好新鮮。渌完一咬開真係好爆餡，豬肉同菜餡都好新鮮，外皮又夠軟好有誠意。
任食美國安格斯肥牛、特級豚肉。
麻辣湯必食鴨血。
紫菜響鈴卷
自家製韭菜水餃、自家製菠菜苗豬肉餃
第五部 | 特選雪糕
特選雪糕MÖVENPICK
食到最後，每人都有MÖVENPICK雪糕1杯超滿足。
味火鍋 (雅仕洋樓)
地址: 尖沙咀亞士厘道12-14號雅仕洋樓地下D號舖及1樓
電話: 28922822
味火鍋 (華僑商業中心)
地址: 旺角彌敦道678號華僑商業中心3樓
電話: 62866684