慶祝紀念日或生日等，揀餐廳一定唔可以馬虎。除咗食物質素之外，餐廳嘅環境同氣氛都好重要。西餐廳Chef Stage De Eddy Chu位於尖沙咀站附近，位處19樓嘅優勢當然就坐擁廣闊嘅城景。經驗豐富嘅老闆身兼主廚，入行逾30年，最擅長融合各地菜式，加入新元素，為食客帶嚟新鮮感。今次為大家介紹下佢哋將平時 a la carte最受歡迎既菜式集於一身嘅 Tasting Menu，既有海鮮，亦有肉食。
生蠔 / 磯煮鮑魚 / 凍蝦
以海鮮作為一餐嘅開始，絕對係一個「好開始」。生蠔、磯煮鮑魚同埋凍蝦都非常新鮮，而師傅更特別為佢哋創作咗一個自家製嘅酸甜香草汁，除咗能夠辟走腥味外，最重要係可以更突顯海鮮嘅甜味呢。
生蠔 / 磯煮鮑魚 / 凍蝦
松露煮日本年糕
作為餐廳最受歡迎嘅菜式之一，原來呢道菜係老闆以前參與比賽嘅創作菜式嚟，以日本年糕搭配意大利松露忌廉汁，味道濃郁，口感煙韌。
松露煮日本年糕
焗連殼食法國田螺
田螺可以連殼食？呢道由法國進口嘅菜式，或者會顛覆咗大家嘅想像。原來係用麵粉做咗個「殼」，釀入田螺肉，將之焗香，配埋巴黎牛油汁，有韌勁嘅田螺肉連埋微脆嘅殼一齊食，口感豐富。
焗連殼食法國田螺
黑松露磨菇湯
混合咗3種磨菇再加松露碎煮成嘅黑松露磨菇湯，甫上枱已經散發陣陣香味，入口香滑之餘，更有蘑菇碎粒可以咀嚼，增加層次。
黑松露磨菇湯
鮮鱸魚柳酸甜香草汁
選用加州鱸魚柳，肉質細緻鮮甜。只需要輕輕加少少鹽作調味就得，因為咁先可以食到魚肉原先嘅鮮味呀，當然點埋酸甜香草汁，就更能提鮮啦。魚皮煎至脆卜卜，好香口。
鮮鱸魚柳酸甜香草汁
燒羊鞍
鍾意食羊嘅朋友，一定會鍾意呢個燒羊鞍。餐廳特意選用蒙古羊肉，羊膻味會比一般嘅更重，而且肉質軟腍，就咁食已經好夠味，但如果想加埋砵酒汁或紅酒汁淋面都冇問題。
燒羊鞍
雜菜薯仔燴安格斯牛腩扒
牛腩扒即係牛腹肉，帶有雪花，牛肉味香濃之餘，更有啖啖油花嘅香味縈繞。
雜菜薯仔燴安格斯牛腩扒
橡果級黑毛豬肉
厚切嘅黑毛豬扒非常腍身，師傅安排搭配清新嘅菠蘿同意大利羅勒香草，層次有所變化外，最重要係能夠去油膩，中和膩感。
橡果級黑毛豬肉
法國鵪鶉胸配蝦肉蘑菇汁
坊間較少機會食到呢道菜式，嫩滑嘅鵪鶉胸，配埋爽彈嘅蝦肉，帶出新鮮感。
法國鵪鶉胸配蝦肉蘑菇汁
是日甜品
完美嘅一餐當然要有甜品作結，不過考慮到大家可能已經食到好飽，師傅細心地設計咗啲細細份嘅甜品，既能滿足嚐甜嘅心願，但又唔會飽得過份。
是日甜品
於2022年4月29日至6月9日期間，首【50】名用戶於【CHEF STAGE de Eddy Chu】使用相應OpenRice服務，消費滿【$20.1 】並輸入【MME20J】即減【$20】！仲等咩？快啲約埋飯腳開餐啦！
CHEF STAGE de Eddy Chu
地址: 尖沙咀亞士厘道17-19號19樓
電話: 23030999