想喺香港搵間又大又好坐嘅居酒屋唔易㗎，原來尖沙咀就有間佔全層嘅「黑木亭居酒屋」，喺金馬倫道會見到條日式樓梯，行上一層就到喇！
呢度定期新推打卡料理，就算成日嚟都有驚喜。好似今個10月開始就有冬季限定—*請勿打擾*熊の壽喜鍋、鯛魚湯百寶海鮮鍋 配秘製沖繩菠蘿醬汁、熊之降臨豆乳豬骨鍋等等等，多款鍋物都大大份!! 最鍾意有熊仔湯冰嘅壽喜燒，望住熊仔慢慢融真係好療癒啊。
居酒屋當然都有刺身、壽司啦。10月至1月有原板海膽5折、多國生蠔買一送一、三味直送飛機魚7折外；另有一系列優惠，即睇詳情啦～
【冬季限定品】
*請勿打擾*熊の壽喜鍋
一上枱就好靚嘅熊の壽喜鍋，熊仔湯冰會慢慢融化壽喜燒湯出嚟，真係少女心爆發!! 可以自選A5宮崎和牛/爽脆豚肉片 或 雙拼都得，全部7折幾抵食。
*請勿打擾*熊の壽喜鍋，超爆滿和牛!!
熊仔湯冰會慢慢融化壽喜燒湯。
A5宮崎和牛200g | 7折$538(原價$768) A5宮崎和牛100g+爽脆豚肉片150g | 7折$399 (原價$570) 爽脆豚肉片300g | 7折$299(原價$427) |
鯛魚湯百寶海鮮鍋 配秘製沖繩菠蘿醬汁 7折$468(原價$668)
海鮮fans一定要試嘅百寶海鮮鍋，鍋邊放滿日本松葉蟹、南非鮑魚、生蠔、鱔、大蝦等等等，想食咩就直接喺鍋邊夾幾方便。跟配蘿蔔蓉香蔥汁、秘製沖繩菠蘿汁，酸酸甜甜更突出鮮味。食到最後真係忍唔住飲埋湯汁，集合晒海鮮精華勁鮮甜啊。
鯛魚湯百寶海鮮鍋，集合多款新鮮海鮮。
熊の降臨豆乳豬骨鍋
配M7澳洲和牛珍寶雜錦盤 優惠價$378(原價$540)
另一款熊仔鍋係豆乳豬骨湯底，熊仔湯冰係天然豆乳雪成，開火後慢慢融入豬骨湯底就食得啦！自家製豬骨湯底係用骨筒、豬肉熬10幾個鐘而成，零味精好乳白濃郁㗎，用嚟淥和牛好正!! 鍋料豐富，有M7澳洲和牛、帆立貝、豬腩片、野菜等。
熊の降臨豆乳豬骨鍋，自家製豬骨湯底零味精。
【刺身生蠔精選】
原板時令海膽40g | 5折$198/份(原價$396/份)
5折食原板海膽CP值極高!! 口感好滑膩，會慢慢滲出天然甜味同海水味㗎。
多國生蠔 | $48 買一送一
生蠔優惠就有嚟自法國、西班牙、愛爾蘭3款生蠔揀。3個地方生蠔都各有特色，試晒3款已經有半打生蠔啦～
法國Les Huitres St Martin$48，蠔肉飽滿富海水味
西班牙Castillo$48，厚身鮮甜
愛爾蘭 Irish Rock $48，肉質飽滿爽脆
三味直送飛機魚 | 7折$398(原價$568)
(橄欖果醋、特製甜酸果汁、芥末醬油)
呢度有每日直送飛機魚，今次我哋就係鯛魚刺身。鯛魚片好鮮甜，肉質亦keep到好清爽柔嫩。除咗蘸芥末醬油外，今次特配橄欖果醋、特製甜酸果汁。一嚐用果甜撞出魚鮮味，全新風味幾有驚喜。
【A5宮崎和牛精選】
「黑木亭」長期喺飯聚bucket list上，因為呢度有好多A5宮崎和牛料理啊!! 撞啱優惠期真係好抵食。呢期仲有特製淡忌廉芝士醬，鹹甜鹹甜嘅層次，有種著迷上癮感覺。
金山和牛塔7折$238 (原價$340)
真係堆到座山咁高嘅和牛塔!! 仲加咗罕有牛眼蓋肉位，嫩到好似入口即融嘅感覺啊。食之前淋滿特製芝士醬，再戳開蛋黃好似火山爆發咁澎湃～ 入面係滿滿椰菜絲，連埋和牛、芝士醬一齊食解膩啱啱好。
三味鐵板A5和牛鵝肝 | 7折$298 (原價$428)
超豐盛鐵板啊～ 有燒到半熟嘅厚切和牛、大蔥蒜蓉和牛，見到粉嫩肉色已經心心眼。另一主角燒鵝肝都好吸引!! 奢華細膩口感，配蘋果平衡油香啱啱好。
三味鐵板A5和牛鵝肝，一次滿足和牛同鵝肝嘅心。
和牛好厚切，入口依然化出油脂。
【黑木亭冬季創意料理】
松葉蟹芝士石鍋海鮮飯
又嚟到松葉蟹既時令季節，秋冬期間蟹肉特別豐滿鮮甜㗎。「黑木亭」都喺日本引入松葉蟹，揀呢款松葉蟹芝士石鍋海鮮飯就食到啦。上面仲有滿滿特製淡忌廉芝士醬，最後刮埋飯焦食正啊。
松葉蟹芝士石鍋海鮮飯，一嚐秋冬時令松葉蟹。
石頭鍋飯上面，鋪滿特製芝士醬。
流心芝士醬薯仔沙律
薯仔迷福音！超巨薯仔沙律，滿足綿密口感追求。舀開薯仔沙律，仲會爆出特製芝士醬，撈埋一齊食正啊。
流心芝士醬薯仔沙律，超巨！
舀開會爆出特製芝士醬，撈埋一齊食好正。
【打卡甜品】
最後食埋甜品好圓滿，「黑木亭」有2款布甸，份量豐富幾個人Share食都得。黃鴨士多啤梨焦糖布甸杯有隻好可愛嘅黃色鴨仔軟糖，一啖食晒忌廉、布甸同士多啤梨幸福感爆滿。
黃色鴨仔軟糖布甸杯好可愛啊。
麻雀友飯局一定要食嘅爆谷發財焦糖布甸船，見到就手癢癢啦(笑)。估唔到麻雀、熊貓軟糖擺埋一齊幾有喜感，齊齊發財啊。
麻雀友必食布甸船，越食越旺!!
【午市商務套餐】
無論星期一至日，中午都有好抵食嘅套餐呀，套餐仲包括生蠔刺身，卷物串燒都有唔同款揀，行過尖沙咀真係唔可以錯過！！
【2024年10月 - 1月冬季優惠一覽！】
唔好錯過精彩優惠～
優惠1 晚市單點餐牌88折 晚市單點餐牌88折(星期五享9折) *已折產品 及 飲品除外
優惠2 限定版清酒 | 買一送一(低至$398/2支) - 米一途 純米酒 $398/2支(720ml) - 本月特選限量版 $538/2支(720ml) - 大嶺三粒米 純米吟釀 $728/2支(720ml) *全日供應。不適用於星期五
優惠3 午市單點餐牌85折 所有午市單點餐牌85折 (午市定食、所有套餐、已折產品及 飲品除外)
優惠4 生日優惠(正日前後一週內) - 訂位免切餅費 - 免費生日驚喜大燈牌 及 生日歌助慶／點播你心水歌曲 - 消費滿$1,500，即送指定甜品1份(附設免費寫名服務) - 8人以上預訂「黑木亭」尖沙咀分店，免費升級VIP Private K房(必須電話及訂金確定)
以上優惠日期: 2024年10月1日 至 2024年12月31日 *如優惠時段相同，所有優惠可同時使用 *必須登記做會員，才獲得單點餐牌折扣優惠 *以上優惠1-4項，於12月24/31日暫停供應，優惠菜式照常 |
黑木亭居酒屋 (尖沙咀店)
地址: 尖沙咀金馬倫道58-60號國鈀大廈地下至1樓
電話: 23296669