嚟自韓國嘅人氣炸雞店，憑藉外脆內軟、juicy多汁嘅香噴噴炸雞深受炸雞狂迷嘅喜愛，喺韓國更加有超過2,000間分店。最近餐廳喺銅鑼灣核心地帶插旗開分店，除咗有招牌炸雞外，新店仲獨家供應2款全新口味嘅炸雞同埋多款韓式地道小食𠻹，而家港島都食到喇！
【銅鑼灣新店！獨家炸雞】
店家大部分食材都係由韓國空運到港，而且選用較健康嘅葵花籽油炮製炸雞，食起嚟無咁大負擔之餘，又可以食出韓式滋味！
Red King東方式火辣炸雞(原隻雞/雞翼6隻/雞腿6隻)
嗜辣人士有口福啦！BHC銅鑼灣新店限定嘅新口味炸雞，以東方式火辣醬為主調，表面撒上辣椒同大蒜點綴，惹火creamy味道為舌尖帶嚟麻痹感，好爽啊～
辣味芝士炸雞(原隻雞/雞翼6隻/雞腿6隻)
韓國炸雞點少得芝士呢？香港限定嘅辣味芝士炸雞酥脆肉滑，表面撒上靈魂甜辣芝士粉，甜甜哋又帶辛辣刺激感，有種令人食上癮嘅魔力，每一啖都要沾滿芝士粉!!
【招牌香甜芝士炸雞】全線分店有售
BHC嘅經典招牌炸雞食極唔厭，招牌芝士炸雞結合香甜芝士粉同激脆外皮，食落好有衝擊，層次好豐富！
【銅鑼灣新店！獨家韓式小食】
香辣魚板湯
魚板串係經典韓國料理之一，餐廳會以高湯慢火燉煮魚板至鮮甜彈牙，再浸泡喺香辣惹味嘅韓式辣湯內，同朋友一齊開心share就啱晒啦！
炖辛奇
韓國菜一定要有辛奇（又稱為泡菜），呢款充滿當地傳統風味嘅菜式，集合辣燉豬肉、泡菜、軟年糕同魚板炮製而成，再以蒜同薑調出香味，一嚐韓式經典味道。
煙韌麻花系列
BHC仲將當地嘅人氣街頭小食—煙韌麻花帶到新店，分別有紅豆沙、忌廉芝士口味，前者塞滿甜蜜濃郁嘅紅豆沙餡蓉；後者以忌廉芝士+車打芝士作內餡，有鹹有甜，任君選擇。
香腸年糕串系列
煙煙韌韌嘅年糕串真係好難抗拒啊！呢到會供應2款口味，辣味用咗東方式火辣醬均勻搽滿爆汁腸上，惹火又好味；芝士味就灑滿BHC招牌甜蜜芝士粉，超級邪惡啊！
BHC
地址: 旺角登打士街43H號登打士廣場1樓
電話: 23220090
