終於唔使食外賣喇！最近出返嚟堂食，梗係率先去食好嘢兼食埋氣氛嘅餐廳啦。喺旺角同尖沙咀都有嘅「Lab Eat」，主打西式fusion 菜，5月仲多咗好多手工打卡菜式。
2間分店有唔同嘅感覺。旺角分店開揚活潑啲，好啱約朋友閨蜜；尖沙咀分店就掛滿燈泡，氣氛浪漫啱情侶約會。
旺角店以木系、藍色為主調，有落地玻璃好開揚。
尖沙咀店掛滿燈泡，好有氣氛。
而家5月5日起，2間分店都同步推出新一季餐牌！鍾意食海鮮、法國料理、鵝肝、黑毛豬嘅必睇，有啲菜式仲極考手藝，甚至依法國傳統做法好花時間整㗎。
【旺角店限定】超美！海鮮創作料理
呢道創作料理超靚！華麗4格擺盤，將日本北海道刺身級帶子、鮑魚、紅蝦膏一同上枱。
海鮮創作料理擺盤，擺盤華美。
(左) 北海道刺身級帶子，配以海膽、紅蝦膏製成嘅醬汁。
(右) 鮑魚以清酒、昆布清燉2小時，配上蘿蔔、青芥末好清新。
(左) 將昆布、木魚花日本高湯啫喱，包住12小時慢煮鮑魚。
(右) 融合日本中拖羅蓉、海膽，鮮甜又軟綿。
熟成x慢煮x炭燒 西班牙黑毛豬
好多人都知西班牙伊比利亞黑毛豬係用橡果餵飼，所以食落有種獨特橡果香，完全唔羶。
今次再下一城，將黑毛豬熟成處理保留肉汁外，再以低溫慢煮、高溫炭燒方法，焦香得嚟又夠肉嫩。
手工料理 法國油封鴨髀
依據傳統法式做法，自家用上72小時全人手處理，先可以做到咁皮脆肉香嘅鴨髀，配埋鴨肝嘅油香真係一絕。
滿滿油香～西班牙黑毛豬48月火腿
以栗子餵飼嘅西班牙黑毛豬，脂肪油脂分佈好平均，入口甘香又有淡淡栗子味。
極珍貴菌類 法國羊肚菌露筍意粉
法國羊肚菌係世界最珍貴菇類之一，菌香極濃，有淡淡煙燻、堅果香味又健康。意粉望落簡單，其實係用羊肚菇煮製，食落超香濃。
最頂級鵝肝！配自家新鮮果醬
鵝肝非鴨肝可媲美，呢度更將鵝肝切得特厚，為咗可做到外層煎得焦香，但內裡保持到4至5成熟咁軟嫩。配上傳統焦糖蘋果同埋自己做嘅新鮮果醬。
夏日必食！水果芭菲
極玩味將熱情果、芒果芭菲變成扭計骰般造型，加埋底部新鮮椰青水啫喱，一甜一酸衝撃味覺。
淋上檸檬蜜糖醬！傳統法國甜品
將檸檬蜜糖醬淋上超美白朱古力波波上，朱古力溶化後原來內裡係檸檬意大利雪芭，恰好甜酸度為晚飯劃上完美句號。
【多款即調雞尾酒】
利用蔓越莓汁、玫瑰風味加上琴酒，形成多層次風味雞尾酒。
以自家調配百香果風味混合酒，加上優質紅酒形成口感獨特而容易入口嘅雞尾酒。
自家製大吉嶺紅茶風味酒以水蜜桃、鮮果撞上茶，帶出甜酸風味。
以優質咖啡配合自家製焦糖，既有咖啡香又有焦糖輕甜。
於2022年4月29日至6月9日期間，首【10】名用戶於【Lab Eat Restaurant & Bar】使用相應OpenRice服務，消費滿【$100.1 】並輸入【MME20L】即減【$100】！仲等咩？快啲約埋飯腳開餐啦！