平時去諾士佛臺飲嘢，有無發覺呢個商業大廈門口? 原來入去有掛滿英式裝飾同霓虹燈嘅樓梯，上兩層係間隱世英國風酒吧「404 Not Found」。目測超過150個座位，室內有英超直播、Dartslive 2 & 3飛鏢機、免費桌球枱玩；室外就有藤織梳化幾chill，員工會即場用炭爐燒串燒𠻹㗎，完全係懶人版BBQ串燒，爽!!
諾士佛臺12號對面，行入大門上兩層樓梯就到好方便。
樓梯掛滿霓虹燈，好有氣氛。
戶外空間好大，好啱同朋友飲酒傾偈。
員工即場炭燒串燒，熱辣辣好有風味。
一開始喺Google Map搜尋「404 Not Found」會顯示喺金巴利道45號，呢個位係經正門搭𨋢上4樓。而我哋今次直接去諾士佛臺12號對面，行入大門上兩層樓梯就到啦，識行呢條捷徑真係好方便。
「404 Not Found」個場真心靚，採用傳統英式酒吧風格。
免費桌球枱畀大家玩。
【人氣優惠】8月約Friend飲酒睇英超！
即日起至2024年10月30日，10pm前結帳並出示OpenRice指定優惠券，即享晚市全單85折。
(優惠不適用於假期前夕) |
呢度全部串燒都係即場炭燒，好有風味!! 牛面登、雞腿肉、羊卷肉都好鎖到肉汁，食落彈牙juicy。海鮮就推薦虎蝦、燒蠔、帆立貝，全部都係新鮮運到㗎。當然仲有丸類—牛丸、墨魚丸、台灣一口腸等；蔬菜就有粟米、蒜蓉牛油金菇、原條茄子、菠蘿等，選擇好豐富啊。
炭燒肉串真係特別惹味。
虎蝦串燒都幾大隻。
好多熟客嚟食串燒都話飲清酒最暢快，所以「404 Not Found」特別引入多款日本清酒。就算唔熟清酒都唔緊要，調酒師已經幫大家配搭好最啱嘅串燒x清酒組合，照住嚟嗌就搞掂啦。
肉類x清酒組合推薦
海鮮x清酒組合推薦
蔬菜x清酒組合推薦
除咗一系列炭燒串燒，呢度仲有pizza、意粉、德國豬手等，食飯飲酒直落無難度。火箭菜巴瑪火腿薄餅批底幾脆，最重要鋪滿鹹香巴瑪火腿，好啱飲酒。另外海鮮汁虎蝦扁意粉真係好少酒吧餐廳做到咁精緻，扁意粉仲好掛汁，入口鮮甜綿滑幾滿足。
火箭菜巴瑪火腿薄餅
海鮮汁虎蝦扁意粉
如果一班人睇比賽，一定要叫份燒德國咸豬手配酸椰菜share。豬手慢烤到外酥內嫩，最鍾意一啖肉、一啖酸椰菜平衡鹹味，飲埋啤酒一流啊。
燒德國咸豬手配酸椰菜
【IGable雞尾酒】
睇波點可以唔飲酒，呢度嘅紅白酒、生啤、清酒、雞尾酒都應有盡有。女生可以揀較甜嘅HTTP404，以混合漿果、自製玫瑰糖漿、琴酒Bombay Gin、馬天尼Mancino Vermouth Dry等調配。上枱嗰陣仲有夢幻仙氣，影相幾靚㗎。
呢杯Drunk 404酒味會濃好多，因為主要用酒品調製—香檳、荔枝利口酒、伏特加、雪碧調製。連側邊點綴嘅啫喱，都係用呢杯雞尾酒製成，係食得飲得嘅cocktail啊。
404 Not Found
地址: 尖沙咀金巴利道45-47號金巴利廣場4樓
電話: 37934166