位於PMQ嘅“PASTEAKO”餐館裝潢營造出好似黑手黨電影《教父》式嘅風格，復古紅白相間嘅地磚、酒紅皮感梳化位、昏黃色調燈光都好好feel。而家午市套餐$188就可以食勻手工意粉、肉食同埋甜品，性價比激高!!! 客人可以自由配搭心水嘅意粉形狀、醬汁同埋扒類，當中仲有唔少喺香港難以試到嘅口味𠻹㗎！
復古氛圍好似瞬間穿梭到50年代嘅西方國度咁啊。
入座前，客人可以先揀刀款，呢個環節令人有啲期待。
$188午市套餐真係抵食得嚟又好食，值得瘋狂encore!!
【$188三道菜午市套餐】自由揀意粉&醬料&扒類！
返工咁辛苦梗係要食好啲慰勞吓自己啦～ “PASTEAKO”用$188就可以食勻手工意粉、肉食同埋甜品。
單係意粉已經有5款揀，每款都煙韌有嚼勁。分別有螺絲粉(Fussili)、馬鈴薯麵糰(Gnocchi)、有機長通粉(Organic Penne)、扁意粉(Linguini)同埋粗管麵(Rigatoni)，想食掛汁款又得；抑或豐富意粉口感都得。
手工意粉不論口感、質地同埋味道都好出色，硬度恰好。
好多意粉款式都係香港少見，而且自選環節幾有新鮮感。
醬汁一樣可以隨心配搭，有經典番茄醬(Promodoro)、蒜味橄欖油(Aglio E Olio)、青醬(Pesto)、蘑菇醬(Funghi)同埋香辣番茄醬(Spicy Arrabbiata)，每日試一款都可以食足一星期(笑)！
至於扒類則可以2選1，有雞胸 或 牛扒揀。前者香烤後更加惹味，而且肉質嫩滑啖啖肉；後者選用較緊緻嘅牛肉前腰脊，牛味特別濃郁，絕對係食肉獸最愛啊～
醬汁煮得濃稠入味，上枱一刻超級香啊！
肉食配意粉係不敗組合，lunch time都可以食得好豐盛㗎。
食到飽一飽仲有甜品作結，送上酸酸甜甜嘅檸檬意式奶酪，綿密口感仲帶陣陣清新，食到最尾勁滿足！
PASTEAKO
地址: 中環鴨巴甸街35號元創方B座Hollywood地下HG01-HG05號舖
電話: 23300129