影片
港鐵尖沙咀/尖東站 B1 出口, 步行約8分鐘
繼續閱讀
電話號碼
25775088
營業時間
今日營業
12:00 - 15:30
17:30 - 23:30
星期一至日
12:00 - 15:30
17:30 - 23:30
以上資料只供參考, 請與餐廳確認詳情
今日經過尖沙咀見到一間韓國餐廳，於是諗住入去試下！海鮮煎薄餅呢個海鮮煎薄餅真係好正！一上枱就聞到好香，煎到金黃色，邊位脆卜卜，咬落去外脆內軟，入面有彈牙嘅蝦仁、魷魚，仲有啲韭菜同胡蘿蔔絲，口感好豐富。個醬汁酸酸辣辣，點嚟食更加開胃，海鮮鮮味十足，一啲都唔腥！鐵板豬肉蓋飯鐵板豬肉蓋飯真係無得輸！一上枱仲滋滋聲，熱辣辣，啲豬肉片醃得好入味，醬汁甜甜哋，仲有啲洋蔥同蘑菇，撈埋啲飯一齊食，超級惹味！最正係啲飯底吸晒啲醬汁，仲有少少焦香，食到最後一啖都唔會膩！醬油炸雞翼呢個醬油炸雞翼真係邪惡到爆！外皮炸到超脆，咬落去「咔嚓」一聲，入面啲雞肉仲好嫩滑，啲醬油味好香，食到停唔到口！雖然係炸嘢，但一啲都唔油膩，仲要夠晒熱辣！まいど (尖沙咀)尖沙咀金巴利道64號順輝大廈地下3號舖
繼續閱讀
.【📍尖沙咀｜大雨下遇上韓國小店】今日真係超級大雨，搞到小編都已經唔想四圍搵食，所以就走入咗呢間韓國餐廳！入到去先發現原來係有韓國人主理，店員都需要用韓文或英文溝通～.🐨鐵板牛仔骨炒粉絲 $179推薦度：⭐️⭐️⭐️⭐上枱鐵板仲熱辣辣，勁有儀式感好似西餐鋸扒一樣🤭牛仔骨有四大塊，兩個人share食都得，牛仔骨煮得好腍唔會韌，牛味亦好出，仲食到少少脂肪嘅油香咁，而鐵板就令牛仔骨有更多焦香感添🔥淋雨淋到凍冰冰，食呢個就啱晒啦！.🐨煎餃子 $75推薦度：⭐️⭐️⭐️⭐️煎餃子有五粒煎香，入邊包咗肉粒、粉絲、蔬菜等不同配料，好有咬口...完全係韓式餃子嘅感覺，食到外皮薄脆，唔會十分油。點埋個汁食，就會微酸，食落更加開胃⚡️.🐨韓國飲品 - 梨汁 $20推薦度：⭐️⭐️⭐️⭐️⭐本身覺得$20先得一細半，好似好唔化算咁，早知叫返汽水！但係飲落有驚喜，梨汁唔會死甜有果香，最緊要係入面仲飲到一細細粒嘅果粒，令到口感層次更加豐富！貴少少都係值得嘅～——☼——☼——☼——☼——☼——まいど Maido📍地址：尖沙咀金巴利道64號順輝大廈地下3號舖🐨推薦度：😋😋😋😋/5 🪸環境：👾👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB尖沙咀 #HTB韓式.#尖沙咀 #尖沙咀美食 #韓式 #韓式美食 #炒粉絲 #鐵板 #餃子 #飲品 #美食推介
繼續閱讀
韓國料理嗎？人參雞沒有人參、雞肉硬到爆，又乾又柴，而湯是味精加入清水的味道，沒有雞味，仲百幾二百蚊🥹…炸醬麵完全唔係個回事，係好似中式料理咁用洋蔥煮埋一些些的肉，而汁的份量也很小~ 鐵板五花肉好硬好乾，柴柴的，一d油香味都無🥲🥲🥲好彩個海鮮煎餅都ok，厚身得黎唔算厚粉，都有d蜆肉粒、魷魚係入邊～真心唔會再黎食了～非常麻麻地既一餐～哭哭🥹呢個時勢如果食物質素唔提升，好難retain到食客期待有所改善啦！！
繼續閱讀
黎到尖沙咀，見呢間幾多正評就入左黎食，點知難食到.. 我忍唔住食食下都要打負評。我從來未試過係open rice 打評語，呢間野難食到忍唔住一定要打個負評，警世唔好黎食！個紫菜包飯，完全覺得係雪藏咗勁耐，有啲雪藏味，仲要個飯勁濕，直頭好似喺百佳買啲雪藏壽司飯，個雞翼唔使講，入面超嚡熠熠，而且完全無味！淨係嗰碗雪湯牛叫正常，其他完全食唔落重申我係一個完全唔會放食評既人，因為真係好懶，難食就算，仲要我寫咁多字曬時間打，但今次真係太難食，差到咁，真心想警世
繼續閱讀
先出個簡單總結比懶人環境：大伏味道：對唔住價錢服務：無(但有收10%)正評：餐廳支持環保(睇我食評最底)食完會諗起🐴田同文⭕️飯莊應該同好多Foodie同Blogger合作詳細經歷⬇️同女友去完灣仔會展睇CentreStage 2024，搭船去左尖沙咀搵野食，睇OpenRice附近既餐廳，就見到Maido，本身唔知伏唔伏，但睇見評價咁高就諗住去試下。環境去到坐低無耐就發現左有d伏，枱面異常地黐立立，仲要咁熱都唔開冷氣，咁算la，都坐低左就試一試埋伏先la，就叫左3樣野食，海鮮煎餅+飯卷+水冷麵。本身都滿懷期待，見大家d食評咁高分，連環境都比4-5分，一定係Maido有特別過人之處。前菜落完單無耐，有個Staff就過黎擺低前菜(3款)，但個泡菜味有d怪，叫個Staff比多一碟都係咁，完全唔似系韓國旅行時食過既味，上網一Search，原來係醃唔夠時間既怪味。主菜落單都過左大概30分鐘，先上得1碟飯卷，問佢個Staff仲要幾耐先有，佢話2分鐘就ok，都心諗一定係漏左單，過多10分鐘，連隔離枱遲過我地落單都食完準備埋單走，個海鮮煎餅同水冷麵終於到，個水冷麵一睇就知係趕貨出，同其他食評d水冷麵完全唔同樣，3個主菜味道上只可以講係普通野，但絕對係對唔住個價錢既！總結環境污染，枱面黐立立，味道對唔住價錢，服務態度係無服務，漏單唔講唔道歉。正評一定好支持環保，冷氣開得1部，仲要開27-28度。
繼續閱讀
您可能會有興趣的...