一味靠滾海鮮四季火鍋

營業中

休息中

一行入去起碼見到3隻米奇走來走去諗住近近地打邊爐,點知成個餐牌太普通,海鮮又沒咩選擇,得D好普通的花蝦,D大陸乳山蠔,街市唔洗10元,夠膽賣到差唔多60元,夠晒暴利,真係食唔起手切肥牛跟本係急涷貨,跟本唔係本地手切,重要開錯紋路白豬扮黑毛豬價錢差幾倍,真係呃到唔識食的人鵝腸出到來重有冰粒普通都算,又貴,又沒招呼埋D野又唔新鮮,咁的價錢 我去第二度食好過 食物太普通,影都廢事影叫2樣不同的食物,慳皮到加埋一碟出又沒冷氣,一路食一路出汗

本來天氣凍諗住去打邊爐見到呢間有炭爐希望食到好味嘅火鍋一心諗住嚟食炭爐火鍋，點知嚟到冇炭爐只有Gas爐佢就話未攞到牌，book 果時又唔講？真係黑人問號。諗住嚟到啦，就食啦，冇理由又走架，夜麻麻都唔會有第二間有位打邊爐試吓啦叫左牛小排（還ok 啦），墨魚滑（還ok la)，帆立貝（冇乜味道，好似未熟），鮮竹笙(又係有陣未，窩筍，響鈴（唔脆，只係一般貨色打邊爐期間又冇乜人幫手加湯，職員只顧閒談期間仲差點收咗我未食完既食物打邊爐

嚟到先知冇炭爐，但係一場嚟到都照食啦。食物/衛生/價錢都可以的，本身仲諗住如果遲啲有番炭爐再返嚟食。—————————————————————但係我對呢間餐廳嘅處事手法就不敢恭維，話說食到準備埋單我哋發現有一碟牛舌冇黎，就同一位女員工講無上到，可唔可以cancel咗佢，隔咗一陣有另一個男員工（疑似老細）同我哋講嗰碟牛舌一早上咗，可以睇cctv check番。我哋一行幾人再確認一次冇人見過同食過牛舌，就同員工講咁你check啦，佢隔咗一陣都係堅持上咗，咁啱我哋上齊餸嗰陣時影咗一張相，我哋俾男員工望一望，佢話我地個爐上面嗰啲就係牛舌，但嗰一千零一塊我好肯定係羊肉片。—————————————————————如是者來來回回幾次又話check cctv 又話上咗，最尾無啦啦走埋嚟細細聲話cancel咗，一句唔好意思都冇。—————————————————————其實本身只係一件好少嘅事，幫襯呢類型嘅火鍋店我亦唔需要一啲咩優質嘅服務，但因為一碟餸無上咁小事，而多次講需要check cctv 感覺已經唔多良好，成個過程係咁質疑我哋，搞到好似我哋存心呃你一碟$100樓下嘅牛舌咁。總結，男員工嘅處事手

早前結業以炭爐火鍋馳名既土瓜灣「鴻福海鮮四季火鍋」正式回歸，新班底接手後，現改名為「一味靠滾海鮮四季火鍋」衛生同環境都比以前好好多，最重要係可以繼續留傳炭爐火鍋呢個獨特風味炭爐燒烤吊片燒吊片真係好香，燒至微微脆身再搽上醬汁，再燒多陣就食得，好有香港風味甲鑼燒蟹殼上裝滿蟹膏，仲有少少蟹肉，甘香好食串燒串燒叫了雞翼、豆卜、紅腸、京蔥、魚滑釀尖椒，豆卜係最有驚喜，燒到乾乾地食外脆內軟，好香口炭爐火鍋和牛封門柳店員話燒烤同打邊爐兩種食法都可以，因為和牛本身無調味既關係，燒烤既時候要搽上醬汁先有味，打邊爐就烚10幾秒就好了和牛封門柳雪花紋分布均勻，所以兩種食法都唔錯，但要好食掌握個火喉係最緊要手切本地肥牛不比和牛封門柳差，油脂亦都唔少，肉質都腍，牛味重，打邊爐我覺得更適合日本北寄貝好大隻貝貝呀，不過記住唔可刺身食用，店員建議打邊爐食用，燒會好易過老，北寄貝新鮮鮮甜，仲好彈牙，真係好好味呀另外仲叫左響鈴、牛肉餅、黑柏葉、京蔥、萵筍等作火鍋配料，當然仲有火鍋不能缺少既啤酒🍻炭燒既關係，個種醃眼程度唔係非一般既既醃眼咁簡單，食物方面我覺得唔算差，價錢亦都唔係其他人講到貴得咁誇張同份量咁少，如果想同時可

唔抱期望，就唔會失望環境勝在够乾净，員工服務可以嘅。食物質素正常。羊架，手切牛，鱔，算系必食。可惜沙爹湯底唔够杰身，味唔够濃。每人平均5百蚊多，收費唔算最貴，優勝之處系開得夜，兩點先打烊，不過要改善抽氣，食到成身炭味呀

讚1 環境真係乾淨左好多 個廁所係敢入去既2 炭爐好夠力 酸辣魔鬼魚湯底係好惹味既 同埋都足料彈1 其他配料水準都麻麻 墨魚滑好多粉 牛肉真係難食到一個點 韌到呢 鍋筍好多渣 所以都無再點燒烤

小女子本身唔嘴刁，但係都食得出呢間火鍋店同其他火鍋店嘅分別。首先，一次過滿足曬兩個願望，火鍋+bbq，別有一番風味😍咁大個女，第一次食唔蘇嘅羊架，廚師真係有料到👍仲有勁新鮮嘅大蝦+扇貝，捧出來嘅時候，d海鮮仲跳下跳下😂肥牛好有牛味👍湯底好正，食完唔覺得得口渴👍好耐之前去過附近飲茶，依家條路修理了，附近環境比以前乾淨多👍間店嘅位置比較入，有點難搵，特別對於路癡而言，第一次去，都驚搵錯🫣不過，香味飄飄，到左小巷，已經知道無搵錯，同埋服務員都好熱情👍店主好有禮貌，問落先知，原來附近嘅路都係店主出資修建，另外，店舖對外嘅藝術塗鴉好生動有趣👍環境令人好放鬆，唔使盛裝打扮，放工去食，真係一流!好好食，好舒服，怎一個"滾"字了得!

天氣凍想食火鍋見到炭爐火鍋從開去試吓點知中伏😫😫，首先價錢同份量同以前相差好遠，食物質素同價錢唔成正比，叫咗個醉雞鍋嚟到點知得¼隻雞我以為自己叫錯一碟雞😤，蝦1份得5隻😤，牛白肉得8片左右😠，萵筍得12片😠，全晚最低食就係雪藏嘅所謂黑毛豬$88有十幾片，個燒烤仲垃圾啲肉－啲都唔得同以前冇得比，嘢食又耐先到，最好笑個鍋已經唔滾叫佢加炭阿姐答唔使加啲炭可以燒3個鐘🫣，一句講晒難食唔抵食唔會再有下次

十幾年前覺得鴻福炭爐打邊爐，燒烤好好食，雖然環境好差，勝在食物好味，加上有風味。之後執咗，都覺得好可惜。最近見開返，舖頭名改左少少，但仍然有鴻福哩兩個字，亦見餐牌同以前差唔多，即刻訂枱去回味下，點知……. 惡夢開始……..未去過真係唔需要去試，環境裝修左比以前好左，但係d枱好迫，好嘈。我哋一行四人叫左打邊爐同燒烤，沙嗲湯底冇乜味，食物唔新鮮，$388 封門柳得手掌大少少咁大碟，仲要冇牛味，燒烤食物全部冇味，比左碟蜜糖溝水，淡到同水冇乜分別。食到一半發覺唔對路，止蝕轉場好過，四個人埋單都食左$1600，除左食到一肚氣之外，唔知食左乜嘢！一句講晒，垃圾到極點！

呢幾日天氣凍冰冰🧊🥶，最啱打邊爐🍲暖一暖胃。最近土瓜灣30年老字號傳統炭爐🔥火鍋店重開，又可以bbq又可以炭火打邊爐🧡，別有一番風味，一次過滿足晒我兩個願望～😍一開始我哋先bbq🍢，叫咗好多海鮮燒烤，有花竹蝦、蟶子、生蠔、日本北寄貝、沙白、日本大扇貝、甲鑼燒。所有海鮮都好鮮甜，仲要全部都大大隻，🦐花竹蝦大隻過手掌隻隻都爆哂膏！推介日本北寄貝🐚、蟶子、生蠔、沙白🤩，係燒烤先可以燒到海鮮裏面嘅鮮甜同海水味逼晒出嚟，真係好正！🤤🤤🤤最後就炭火打邊爐🧡，鍋底叫左招牌鹹菜魔鬼魚湯，入面超多魔鬼魚🐟有8-10件厚切，每舊都啖啖肉。鍋底有鹹酸菜、白蘿蔔，我自己覺得個湯底啲胡椒都幾辣。墨魚滑好爽口彈牙，唔知原來鍋底已經有白蘿蔔，我哋又嗌咗一碟配料，所以都幾飽～🤣 💁🏼‍♀️ 唔知你哋仲認唔認得🎬電影《無間道》係喺邊張枱度拍呢？😆🏠 一味靠滾海鮮四季火鍋📍土瓜灣落山道86號地下巷內☎️ 23650112💵 $1700 其實啲食物唔係貴，只係我哋嗌咗好多海鮮燒烤，同食物份量都好多，未打邊爐已經飽咗八成 。😂 如果嗌少啲海鮮，應該人均只係$400-500已經可以一爐兩食。👍🏻😊

見重新開張 (已知改了名同轉了新老細)，但都一於照幫襯 (因还用炭爐)，但最終食到火滾，(平時多不理會價錢同份量)，最終極速埋單走人 (19:30~21:03)，轉附近另一間 (九記) 再食算數。1) CP 值完全唔掂,$88.00/碟豬黃喉，10片樓下；$38.00/碟萵筍，只有６片；$288.00/碟，手切本地肥牛，質素非常一般，好韌同鞋$98.00/碟午骨髓，得7條咁大把 (3條約木筷子長，其餘4條短過手指)；$108.00/碟鮮鹅腸，唔新鮮，似冰鲜貨：$178.00/豬骨湯底，不過不失 (得3舊豬骨3舊粟米同數片蘿白)2) 食物選擇少。3) 普遍價格貴，分量少4) $20.00/一個炭爐 (電磁爐不收費)7) 7枝藍妹8) 荼芥 $10/位9) 加一總括就係不會再幫襯！(埋單 $1245.00 / 7位)走嗰陣時佬細仲check 有冇收漏單，之後問我哋點解食咁少嘢，當刻真係無言