一品鮮羊肉館

營業中

休息中

經過所以入來試下羊肉水餃，下午茶 45元就有七隻！3分鐘左右就有了～皮係簿的～味道還可以size正常size咁啦～不過我鐘意厚皮餃子多D！但羊味就不係好出！不過不失的！我今日太飽所以冇試佢地的羊排同羊肉串！個環境乾淨的～家庭小店形式！不過宜家食親餃子～我都會落醋同胡椒粉的～甘先好食～呢道都有提供的！除咗尼D～佢地仲有冰粉食的～不過我冇叫～因為我不太餓呀！店不係好大～大約可坐20人左右吧～光光猛猛咁啦！

本人係一個羊肉愛好者，經朋友介紹黎到呢間鋪頭食野。因為今次冇叫太多嘢食，下次會再幫襯試埋其他嘢食。羊肉湯粉👍🏻👍🏻👍🏻呢個價錢嚟講，啲羊肉算係比得多，羊肉嫩滑，而且冇騷味。個粉亦都好彈牙煙靭。比較旺角某間羊肉粉嘅配料份量呢度嘅配料真係多，但湯底就冇咩特別。另外叫咗個羊肉燴粉👍🏻👍🏻👍🏻👍🏻原來呢個粉係有薯粉加寬麵一齊煮，湯底亦有麻油味。食落都幾特別，另外會有雲耳同海帶呢兩個配菜。

影片分享網站見到某名廚推介，今日經過太子就走來試吓始終都係晏晝又唔想嗌啲大大份嘅嘢食，諗住都係叫個麵就算，睇OpenRice見到有師兄叫咗個羊腩麵，作為一個鍾意食羊腩煲嘅人，梗係要試一試叫個羊腩粉，又好似試唔夠，就加多個羊雜羊腩雖然未至於又韌又柴，但都係比較乾瘦羊雜方面，感覺淨係依稀有少少羊味，同埋可能因為係羊，所以啲雜感覺上都係比較薄身總括嚟講，如果係$50樓下嘅話我覺得OK，但依家90幾蚊，就真係麻麻地

這間小店係名厨推薦，放假就去試下，地方不數大，用QR code 落單藤椒魚皮**BB辣，味道尚可凉拌羊雜份量小，羊內藏煮得過淋燒羊蹄被調味蓋過哂，食不出羊味羊肉芹菜蘿蔔餃，芹菜同蘿蔔絲，小小羊肉碎，味道淡而無味總括而言，試一次就夠

叫咗一個紅燒羊肉套餐,味道尚可,有羊肉味道,肉質亦算軟稔,但份量就少得過份,羊肉得四舊仔,冬菇四小粒,砌成就係一隻冬菇其餘就係大量嘅萝白墊底！食過一次就算了$78有點不值

今日係第三次到訪，之前兩次去，因為只得一個人，只可以叫羊雜粉，覺得質素非常滿意，今日約埋朋友一齊去。先來兩碗“羊雜粉”湯底清甜，河粉軟棉滑（可能有羊脂滋潤）羊雜好入味，“燒烤羊蹄”先將羊蹄煮至軟淋,再加五味粉燒烤,香、軟、膠質豐富，養顏兼補身，齒頰留香還點了“羊肉小串”真是超級小串，但香而小騷，食羊肉就是喜歡那股羊肉騷味，又有“羊肉餃”,皮薄肉質香甜.特別喜歡每道菜都有芫茜、香芹作配料.呢一餐滿足了下次會再度見面

在羊肉館，🐑羊肉自然是主角。羊肉粉在菜式中比較受歡迎，份量十分豐盛，也是店裡的招牌必食之一。這道菜是傳統小吃，🍜可以先品嚐一口湯，濃郁的羊肉湯特別清香。羊肉片的肥瘦很均勻，口感十分優秀。咀嚼起來彈牙有勁，👍而且完全沒有羶味。蘿蔔和羊肉一向是最佳拍檔，❤兩者放在一起更能相得益彰。至於粉的部分，😙口感Q彈，比米線更為出色。涼拌羊肉，涼菜更適合夏天，🌶麻辣過癮。#princeedward #太子

見個小店名已經知道主打係羊🐑羊肉串有分大，中，細叫左$30 / 2大串羊肉要連埋肥膏一齊食😋😋😋口腔充滿油脂香味另外個羊肉粉$58， 面既份量唔少湯頭清清地（不過冇乜羊味）🫢羊排叫左個細份 $118💯🥰啖啖肉得黎，脂肪同肉既比例剛剛好❤️醃料好惹味送酒一流💯 或者可以餸成碗🥣飯最尾諗緊叫紅燒羊肉定涼拌羊肉🤔Finally 叫左後者Order 左BB辣🥵又一濃味之選所有配料一齊食好夾，青瓜可以中和返肉類油膩感下次會想試埋羊肉餃同紅燒羊肉😆

睇完跌打過嚟醫肚入之前有睇過食評，所以平常心門口見距有蒜泥白肉所以試一試咩料！入到去大量位自己搵個啱心水既位坐式店員就會拎張紙放枱面，掃 QR CODE 落單叫左呢兩樣等食既期間店員將隔離枱既大羊肉串上錯嚟（影底先🤣反正影相唔洗錢晚既😆）嘩超搵笨大部份都系肥膏如圖，個羊肉河粉湯正常！得幾片仔羊肉有白蘿蔔在內,河粉份量算正常，反而個蒜泥白肉幾好！上面有炸花生，食落口感唔錯，而調味夠味，碟野份量算多！最抵食系呢樣！反正個人試過就算唔會入第二次！好反正依家通左關北上食好多過❗上次系羅湖佳寧娜附近食碗羊肉+羊雜粉都系¥30左右，仲要大大碗現場仲有免費腌蘿蘿蔔泡菜自助放題，平靚正又正宗🤫

食物說真很是不錯，店員也是很好服務，但如果不是這恐怖經歷，必定會再幫襯，但現在不會再有下次。如圖片所見，從醋樽倒出來的醋全都是小昆蟲屍體，跟店員說，店員只是把醋拿進廚房倒掉。

今日係太子附近做嘢，經過見到呢間羊肉小店，決定係到食個lunch😄😄重慶雞絲涼面 $38分量都幾大碗，雞絲好足料又夠味👍再配上幼幼嘅涼面，天氣熱嘅時候食好岩😁蒜泥白肉 $46仲叫左個蒜泥白肉，好大份😆配上辣辣嘅醬汁好惹味！💕抵讚係白肉薄薄一片，而且用左唔係好肥嘅肉片，啖啖都係肉呀！😍羊肉串（中） $30/3串 黎到呢到一定要叫個羊肉食下！要左個中羊肉串，羊肉唔羶！肥瘦適中，加上好香嘅孜然味，正！😄

我好鐘意食羊肉粉，所以見到有呢類型餐廳都會入去試下，呢間位於界限街嘅小店，雖然位置唔太起眼，但其實係太子地鐵站行一條街就到。呢度係小店家庭式經營，比起連鎖店多一份親切感，同一般店一樣用QR Code落單，都好清晰方便。我地叫左個羊肉粉，本身我想食羊腩，但呢度只得羊肉粉，所以就照叫，點知一嚟到就好意外，因為碗羊肉粉分量大之餘，唔係淨羊肉，好多羊腩，因為之前係其他鋪頭一般叫羊腩同羊肉差十蚊一碗，而且只得幾嚿，但呢間嘅份量令我好滿意，羊肉好夠羊味，配料又多。絕對值得推薦👍👍朋友叫左個酸菜魚，睇相就知份量超多，我加左芫茜同花生，只係加3蚊同5蚊，啲花生好好食，夠喊脆，芫茜多到浸唔到湯，要食左啲魚先可以再浸，就知份量好足料，酸菜好味又多，芽菜同銀金菇都好入味。我地再試多個羊肉餃，皮薄好食餡料又多。下次都會再嚟食過

好鍾意食貴州羊肉粉，呢日去咗太子家庭式羊肉粉店— 一品鮮羊肉館，味道唔錯，值得一試！小店地方唔大，但環境乾淨企理，老闆老闆娘親力親為，服務友善親切！羊肉粉$50 羊肉湯味道清鮮，毫不油膩，鍾意食辣嘅朋友可以自行加辣油，非常細心！羊肉肥瘦適中，嫩滑唔羶，配上滑溜嘅米粉，簡單的美味！如果羊肉多d就更滿足啦！呢度仲有得食羊雜粉，可惜我哋晚上去已經一早售罄，下次再搵機會試吓！羊肉芹菜蘿蔔餃($65)一客10隻，餃子包得紥實，餡料飽滿，如果羊肉味突出d就更好～蒜泥白肉($46)腩肉份量頗多，每片都蒜香十足，辣油唔太辣，反而香味更為突出。都係唔錯嘅涼拌小食！羊肉串($30/2串)好少喺香港食到咁有北方味道嘅羊肉串！羊肉鮮嫩唔嚡，孜然濃烈直接，好惹味！

呢間一品鮮🐑羊肉館主打各色羊肉🍽️菜式，絕對係羊肉🐑愛好者😍必試餐廳！入邊地方唔算好大👌，不過光猛企理👍，枱凳🪑有啲復古風。呢度嘢飲🧃款式都算唔少，特別係有😎黑豆漿，令我幾驚喜😍。涼拌羊肉🐑可以揀選唔同嘅🌶️辣度，入口羊肉🐑味道濃郁又唔臊🥰，十分之嫩滑！涼拌羊雜🤤係坊間好少有嘅，雖然羊🐑味就冇羊肉咁濃郁，不過鍾意食羊🐑又鍾意食內臟嘅一定要試吓。🐑羊肉芹菜餃🥟亦係外邊比較少有嘅，而且係佢哋💪自己包嘅。咬落去充滿🐑羊肉香，配埋個羊肉🥣湯底，滋味十足😋！呢度嘅羊肉串🔥有分大/中/細，但都係同一個價錢💰$30一份，我哋試咗大嘅係兩串，肉粒🐑大大粒肥瘦相間好香口。細嘅有十串，每串🐑都好的骰，啲肉就比較🤤幼嫩，各有特色。🥥椰汁冰粉用料足👍，又甜又滑嘅冰粉加上🥥椰汁香，解辣🌶️一流！

朋友一向鍾意食羊，是日見網上有人介紹左間新開嘅🐑羊肉館，即刻同朋友黎試先。小店除左羊外，都仲有好多其他涼拌、水煮菜式，唔一定要食羊嘅，但作為羊食愛好者，就梗係叫羊啦。🐑羊肉粉個羊肉湯好鮮味呀，米線吸了湯汁好正，羊肉有嚼勁，加上大量芫茜，又香又鮮好好味🤤🐑羊肉芹菜蘿蔔餃羊肉餃隻隻飽滿，皮煙韌有咬口，入面的餡料鮮味多汁😙🐑涼拌羊肉涼拌個辣汁無得輸，芫茜、花生、芝麻都好香口，羊肉夠惹味，越食越開胃😆🐑紅燒羊配白飯最後有紅燒羊肉飯，一件件嘅羊肉煮得入味軟腍，羊皮彈牙，配料有豆卜、冬菇等，吸滿羊油甘香又滋味，再配上一口熱辣辣的白飯，真係回味無窮，個白飯仲好大碗添😋叫左四樣野而四樣都好好味，完全無失望，愛羊人仕必須去嚐一下！