一喜‧拉麺

營業中

休息中

一段時間無食拉麵，成日心思思想食又難出遠門，今日行經石門站先發現原來都有間拉麵店！價錢唔算太貴，仲有啲Set 可以揀！.➜蟹皇湯拉麵當日有期間限定嘅蟹皇湯拉麵，揀咗店員大推嘅自家製慢煮豬豚骨，甜醬油味剛剛好，夠晒軟淋，蟹皇湯底鮮味十足，我哋仲加咗溏心蛋，原粒上冇切開嘅，咬落蛋香味濃。.➜醬油豚肉湯拉麵另一碗就揀咗粗麵底，其實唔係真係粗麵，係口感唔同啲嘅曲拉麵，豬太郎就覺得食落彈牙啲又排湯啲！湯底好濃好杰身，叉燒厚薄適中，配上爽口木耳絲同蔥花，口感滿分！.兩碗拉麵都可以 $30 追加腹滿套餐包返小食同飲品各一，炸海苔魷魚香口好食，外面脆口，內裡彈牙！吉列炸蠔即叫即炸熱辣辣 ，蠔肉都算大粒，外脆內軟。.#msmessypig_Food

今天到石門午餐 12:30 不是繁忙時間出入這餐廳 餐廳已經不大又坐不滿，竟然需要等待半小時才出餐 令員工態度真是滿分 座位編排有問題，還要多番讓座 員工：「跟你說都係一次啫 」真是非常特別的體驗 一間日本餐廳可以好似一間茶餐廳咁嘅說話，真的很厲害，令我明白到我都是嚟一次啫，多謝佢嘅提醒！不只我一個乘客作出投訴其他乘客也非常不滿 見到其他人等一個拉麵需要半小時，正常平日辦公時間的中午都可以這樣出餐！進入這部頭要有一個等待的體驗！食物質素亦非常一般，味道偏咸，不可一不可再

今日嚟到石門嘅一喜拉麵，店內以簡約嘅日式木系裝修為主，感覺舒服。入座之後店員遞上餐牌，就可以選擇自己想要嘅拉麵組合，餐牌設計簡單，可以因應自己口味選擇麵質同湯底濃度。而且仲可以加 $30 叫滿腹套餐，追加小食同飲品。另外仲有抵食嘅下午茶餐，下次經過都可以再嚟食呀！✨濃厚醬油豚骨湯拉麵湯底味道香淳，唔會過鹹或太濃，而拉麵入口有咬勁，軟硬適中，叉燒軟腍滑嫩，加埋香濃帶有蛋香味嘅溏心蛋🥚，口感豐富。✨特濃黑蒜豚叉燒拉麵 香濃嘅湯底，加咗黑蒜油之後，一上菜就聞到濃濃嘅蒜香味啦，配埋煙韌爽口嘅粗拉麵，味道岩岩好👍✨炸海苔魷魚 香脆魷魚充滿濃郁嘅海苔味，酥脆又可口，就算隔咗一陣先食都依然好脆。✨羽根燒餃子🥟餃子皮薄肉厚，底部微微脆，仲有豐富肉汁都幾香口。

本身係Food lab同呢間到選擇緊 見係博多幼拉麵同有位坐，所以選擇左一喜份量其實可以，不過分唔到輕量同正常的差別麵的份量覺得一樣，可能係肉份量少一點不過拉麵本身冇跟蛋，多蔥亦要加錢輕量餐優勢，多一個小食同有嘢飲其實唔錯，仲要價錢比正常平不過湯底冇得揀只能係醬油豬骨濃湯，所以就係敗筆之處，因為個湯底完全唔吸引，味道偏淡，而且不香，相反雞白湯好食好多。而小食都係較差，炸魷魚好硬，出邊都食過呢款天婦羅魷魚，有比較有傷害，而炸蠔更加係劣評，懷疑炸太耐，縮到好細粒，而且好嚡好硬，不過入邊係有汁嘅😂總結呢個價錢同質量可以有其他更好選擇

難得再同友人飯局、試試呢家新開拉麵，點左一款人氣「甘口博多豚骨湯拉麵」，豚肉入口鬆化、湯好夠味，值得品嚐！小吃有餃子同炸魷魚條、兩種特色各異、很有創意，味道也特別呀。

放假黎石門行下，京瑞好方便，港鐵站一出就係，京瑞有1期同2期，行下肚餓就要搵野食，試下一喜拉麵。鋪面細細望下門口個餐牌，發現都幾多選擇喎，濃底可以選唔同濃度，拉麵底可以選擇唔同軟硬度，果然好細心，就揀你試下。同朋友叫左兩個拉麵兩個小食兩支飲品。我地叫左個雞叉燒味肉醬油雞湯拉麵、豬軟骨拉麵、炸蠔、餃子。講下我個拉麵唔單只湯濃而不咸，個味道係好日本feel，拉麵軟硬度我揀普通，黎到不軟不硬剛剛好，快叉燒厚到呢，不得了係厚得黎好淋好好味。朋友個款豬軟骨拉麵佢都讚不絕口，話個豬軟骨超級好味，湯底好濃，正。兩款小食都係即叫即炸，個蠔一咬落係有趕嘅，入面都有汁好味，個餃子真係要讚下煎到有層薄脆好似食薯片嘅聲，總言之就係好味。

一出石門站行幾步就已經見到依間拉麵店，好方便而且價錢相宜，無論拉麵同埋小食種類都有好多款。今次試咗濃厚醬油雞白湯拉麵同埋期間限定嘅蟹皇湯拉麵配炙燒豚叉燒，加咗餐，有飲品同埋一個小食，小食就揀咗唐揚炸雞。另外仲加多個小食，芝士天婦羅無骨雞翼。上枱果陣已經好香，芝士超豐富，仲可以整到好長嘅拉絲，極邪惡。雞翼已經起晒骨，食落啖啖肉，炸到好香再加埋濃厚嘅芝士係絕佳嘅配搭，超級好食﹗明明無幾耐之前先食，但睇相已經流口水又想食了。拉麵份量都好充足，湯底好濃厚，啲麵條軟硬適中掛埋啲湯非常好食。而蟹皇湯拉麵配仲多咗一層鮮味，仲有兩隻蟹鉗超滿足﹗而炸雞都炸到脆卜卜，好香水好好食，外面再灑埋香料同調味粉，超級惹味，上枱熱焫焫即食仲正﹗

今日外出石門工作，同同事去咗食午餐。同事話想食拉麵，一喜拉麵見到呢個餐牌都幾岩口味。拉麵有多款選擇主要係有唔同既湯底。我點了濃厚醬油豚骨湯拉麵麵質可選擇粗麵湯底濃度普通再追加咗小食唐揚炸雞同飲品樽裝綠茶同事要咗雞白湯拉麵小食炸海苔魷魚濃厚醬油豚骨湯拉麵湯底濃厚豚骨味香濃叉燒肉質好稔軟，拉麵煙韌適中同事果碗雞白湯拉麵佢話個湯底好香雞湯味。好好味。小食唐揚炸雞鬆脆雞肉嫩滑有肉汁炸海苔魷魚一樣咁脆口。海苔仲帶出咗魷魚既鮮味

放低小朋友上堂～ 阿囡話要食拉麵！呢頭石門人流多，開唔少食店。 搵搵下～ 係港鐵站出口附近見到間唔顯眼，食拉麵既，門口望到餐牌都幾吸引 入到去都幾光猛，簡單裝修，有卡位，有吧位~ 剛好入去就有卡位枱，職員示意可以入座，座位闊落。 門口旁大大個直立餐牌，星期一至五有丼飯套餐 (送紙包飲品) 餐廳賣點係拉麵，一於試下~  下次至試丼飯~ 心大心細，點左個人氣”味玉博多豚肉湯拉麵” – 選麵質-適中、湯底-中 、辛口 加埋 流心旦 仲可以加$30 – 飲品 & 小食一款~! 個人食後覺得幾好食，辛口只係輕微辣度，整體算好食。 (蔥粒……切得較為大粒，賣相打左折扣）

喺石門做完馬沙池梳乎完，梗係順便食返碗熱辣辣嘅拉麵補充一下😚🍜 雞叉燒味肉博多雞白湯拉麵 85加$30追加滿腹套餐~ 四款小食入邊揀咗炸海苔魷魚, 另外送嘢飲. 百零蚊送小食嘢飲, 只有石門先搵到。雞白湯濃郁，鮮味程度唔會差得過喺港島食嘅日本過江龍！雞叉燒類近雞扒形式, 灸燒過表皮同油脂令到焦香味更出，拉麵軟硬度適中，very good👍小食炸得香脆，魷魚Q彈，非常合格有餘。店員亦都熱愛工作，會一路隨着音樂聞歌起舞，娛樂十足🤣🤣🤣📍一喜‧拉麺 (沙田)沙田石門安群街3號京瑞廣場1期地下G18號舗

石門都開左間好食既拉面! 餐廳位置坐得好闊落，晚市都幾多人食!拉面款式有雞白湯, 豚骨湯, 黑蒜油等等，再加埋期間限定款既拉面，選擇都幾多。呢到可以選擇埋面質既口感, 面款 仲可以簡埋濃稠度。雞叉燒醬油雞白湯拉面湯底望落好濃稠，食面前先飲湯，湯底有好清甜既雞味，感覺好多精華咁，有少少漿口。所以夾起D面個陣，仲會掛汁。配料有雞叉燒, 蔥同埋荀。雞叉燒外皮燒到好香，邊邊位仲會有脆口感覺。雞叉燒大塊而且厚身，好有鮮味。博多豚骨拉面 呢款簡左幼面, 湯底係奶白色，味道都係好濃厚，感覺充滿骨膠原，食完都唔會覺得好口乾。配料有叉燒, 木耳同蔥。叉燒有燒過，所以食落好香。我地各自都跟左套餐，加$30就有小食同飲品。小食有唐揚炸雞同埋羽根燒餃子3隻。餃子好食，皮薄多汁。

沙田友的我，石門是經常光顧之地。本來昨午只打算隨意搵間日或台式醫肚。見仲有下午茶便試試。都係諗住大路嘢可。點知有麵，有小吃，再有薯條及紙包飲品。個麵的叉燒見用火熗燒燒，是入口即溶。醬油清湯好味不濁，麵又好QQ。咀雕的大人竟都很欣賞。哥哥仔的服務態度又好。埋單時說下次光顧仲有9折。店內裝修素簡,整潔亦可愛（有Sanrio公仔）。下次光顧要即場like social media 先，因有紙包飲品送。不過都已在OpenRice投票。順便講埋以前附近角落有間頗多人光顧的較高檔的日式拉麵店，但我一點也不喜歡。都不明仲見到有人排過隊。請你們加油！實在很心痛一些好的小店卻做不長久。我會多多來的了。

無嚟石門一排，又好似熱鬧咗好多 ，多咗好多餐廳，見到呢間選擇都幾多，就入咗去試。呢間拉麵店比起其他拉麵店相當闊落，拉麵嘅選擇都好多。 店員都同我哋推介佢哋新出嘅蟹皇湯拉麵，係佢哋店長自己研發，見到配料除咗圖入面嘅豬軟骨之外，感覺上呢個湯底配雞應該會夾好多，所以我哋就揀咗雞叉燒。蟹皇湯拉麵上碟之後吸睛嘅除咗係蟹鉗之外，見到雞叉燒都有火炙嘅痕跡，放湯底雖然好清澈，但靠近一聞有濃濃嘅海鮮味一嚟就梗係飲個湯底先啦，一啖落肚已經飲到滿滿嘅鮮味，食落去已經非常開胃，雞叉燒有微微燒過，感覺一般慢煮嘅增添了風味。好味指數：🌕🌕🌕🌗🌑第二個拉麵我哋揀嘅係豬軟骨拉麵。我哋就選擇咗醬油加豬骨湯因為擔心淨係醬油嘅話味道會太過單一，果然濃濃嘅豬骨加上啖啖醬油香味道好有層次，唔會一味死鹹。拉麵都好掛湯，豬軟骨味道非常入味，略略有咬口，唔會軟淋淋，適合我呢啲鍾意爽脆口感嘅人士。好味指數：🌕🌕🌕🌕🌑

今日沙田友又帶我周圍食好西✨仲揀咗我最鍾意嘅日式餐廳俾我試吓😍醬油雞叉燒雞白湯拉麵 $79雞白湯好濃稠、鹹淡適中，配搭新鮮青蔥好夾好清新，飲落唔會覺得油膩🤩麵質我揀咗軟身，食落去軟硬度適中，帶煙靭有咬口。仲有其他麵質俾客人選擇，總有一個質地岩晒你😎厚切醬油雞肉質嫩滑，充滿甜甜地嘅醬油味；拉麵配料有筍，好有筍味，食落去爽爽甜甜冇渣，正😙追加嘅流心蛋都好有醬油味，食幾隻都仲得整體拉麵嘅份量都好足夠，大食嘅我都覺得飽😌辛口醬油豚骨湯拉麵 $79朋友食左豚骨湯拉麵，湯底仲濃仲杰身，充滿濃濃豬骨味。麵質爽口，每條拉麵都掛滿晒豚骨湯，加上少少辛口 因為，見到都流晒口水🤤叉燒厚薄適中，配上爽口木耳絲，醬油流心蛋，搞到我都想食埋佢個碗🤭追加滿腹套餐 - 炸蠔3pcs新鮮炸起熱辣辣 ，蠔肉都算大粒，兼好有蠔味，唔係雪藏貨👍🏻炸衣炸到卜卜脆，食完一粒想繼續食另一粒🙂‍↕️追加滿腹套餐 - 唐揚炸雞3pcs朋友叫左炸雞做小食，雞皮炸到脆卜卜，食落去一啲都唔油膩🙊雞肉仲保持到鮮味同肉汁，好彩有追加到，如果有鮮檸檬點檸檬汁就更加好啦😍套餐仲有4款飲品俾我揀，有汽水綠茶抹茶烏龍茶。我同朋友都揀咗麥茶，食完拉麵飲啖麥

大家好今晚到了石門站附近既一喜‧拉麵食拉麵這裏既拉麵只要加工$30就可以跟埋小食到飲品首先上飲品係道地綠茶同麥茶係無糖果一隻 比較解膩兩款小食係唐揚炸雞同羽根燒餃子唐揚炸雞好香脆仲有肉汁仲有蛋黃醬可以點餃子都係正常既日式餃子煎得幾脆口仲有甜甜酸酸既醬汁我會鐘意餃子多少少第一碗拉麵係期間限定既蟹皇湯拉麵首先這個拉麵既湯底充滿左蟹味係好清唔係落重味精果隻基本湯都會飲晒料方面有兩隻蟹蚶己經剝左殼同埋幾片炙燒過既叉燒叉燒炙燒過入口即溶甘濟吸收埋D蟹湯係好正第二碗拉麵係原隻蕃茄湯拉麵 湯底係好濃既蕃茄湯同埋有原隻蕃茄酸酸甜甜好開胃仲好健康追加豬軟骨都幾夠腍同入味骨都可以食埋仲有一隻流心蛋這一碗又係湯都飲埋總括呢度既小食同拉麵都幾出色