一喜‧拉麺

營業中

休息中

今日嚟到石門嘅一喜拉麵，店內以簡約嘅日式木系裝修為主，感覺舒服。入座之後店員遞上餐牌，就可以選擇自己想要嘅拉麵組合，餐牌設計簡單，可以因應自己口味選擇麵質同湯底濃度。而且仲可以加 $30 叫滿腹套餐，追加小食同飲品。另外仲有抵食嘅下午茶餐，下次經過都可以再嚟食呀！✨濃厚醬油豚骨湯拉麵湯底味道香淳，唔會過鹹或太濃，而拉麵入口有咬勁，軟硬適中，叉燒軟腍滑嫩，加埋香濃帶有蛋香味嘅溏心蛋🥚，口感豐富。✨特濃黑蒜豚叉燒拉麵 香濃嘅湯底，加咗黑蒜油之後，一上菜就聞到濃濃嘅蒜香味啦，配埋煙韌爽口嘅粗拉麵，味道岩岩好👍✨炸海苔魷魚 香脆魷魚充滿濃郁嘅海苔味，酥脆又可口，就算隔咗一陣先食都依然好脆。✨羽根燒餃子🥟餃子皮薄肉厚，底部微微脆，仲有豐富肉汁都幾香口。