影片
以上資料只供參考, 請與餐廳確認詳情
$225 嘆安格斯牛板腱燒肉 + 壽喜燒鍋！雙重肉慾盛宴 + 港產榴槤豆腐雪糕超驚喜今晚同朋友去試呢間燒肉店，目標明確：就係衝住佢個 「澳洲安格斯牛板腱燒肉餐連壽喜燒鍋」套餐！連埋加一 $225，睇落幾抵玩，一於試真啲！主角登場：澳洲安格斯牛板腱燒肉牛板腱上枱，賣相唔錯，脂肪紋理均勻，唔係薄切嗰種，有一定厚度。燒嘅時候香氣已經飄出嚟，夠晒吸引！入口果然冇令人失望，肉質軟嫩得嚟帶少少咬口，安格斯嘅牛味濃郁得嚟唔會過羶，油脂比例啱啱好，唔會膩。簡單蘸少少燒肉汁，已經非常好食！呢個價錢有咁嘅質素，真心抵讚。壽喜燒鍋：暖胃之選套餐包埋個壽喜燒鍋，絕對係加分位！湯底係日式甜醬油風味，甜鹹度調得幾平衡，唔會死鹹。入面有基本嘅蔬菜、金菇等配料。食完燒肉再打個邊爐，感覺好滿足。特別係燒完肉，用啲暖笠笠嘅湯同蔬菜中和下，感覺冇咁「熱氣」。其他肉類：選擇豐富，性價比高套餐雖然主角係牛板腱，但佢哋仲有供應美國牛肩肉、牛舌、豚肉、牛胸肉、雞腿肉等等。我哋另外點咗啲牛肩肉同豚肉試下。牛肩肉脂肪少啲，肉味突出，鍾意實淨啲口感嘅朋友會鍾意；豚肉燒香後油脂溢出，配飯一流；雞腿肉就預期之中嘅嫩滑。整體肉類選擇算多，質素對得住價錢。必食亮點：香港製造雪糕！榴槤 + 豆腐味超推！榴槤控必點！豆腐味一樣出色，豆香清新自然，口感細滑，食完燒肉再食佢，感覺好清爽解膩。重點係兩款都唔會死甜，真係食得出係用心做嘅本地出品，為成餐飯畫上完美句號。總結：$225 雙重享受，雪糕係神來之筆$225 (已連加一) 食到高質嘅安格斯牛板腱燒肉，再加個暖胃壽喜燒鍋，仲有唔錯嘅其他肉類選擇，性價比相當高。最最最驚喜係完場嘅香港製造雪糕，尤其榴槤味真係誠意爆棚，豆腐味亦清新討好，絕對係套餐嘅神來之筆，甚至成為再訪嘅理由！如果你鍾意燒肉又想試啲有質素嘅本地雪糕，呢個套餐值得一試！推薦：安格斯牛板腱燒肉 (質素對辦)壽喜燒鍋(平衡燒肉嘅膩感)香港製造榴槤味雪糕(超濃郁，必試！)香港製造豆腐味雪糕 (清新之選)
繼續閱讀
今天，我約了一個很久沒見的朋友食晚餐。我們經過看到這間燒肉正在做優惠，所以我們決定試下。壽喜燒薄切的牛肉在醬汁中煮至剛好熟透，肉質鮮嫩，油脂適中，帶有豐富的肉香味。新鮮的蔬菜如白菜、豆腐、香菇等，吸收了醬汁的味道，增添了清爽的口感。牛肩肉的肉汁和醬料混合，味道濃郁，讓人回味無窮。燒到外焦內嫩的口感，再配上一個紫菜飯，非常滋味。吃了太多肉都要吃多點菜，沙律是一道健康且多變化的料理，令我們有均衡飲食和幫助消化。多款汽水果汁任君選擇雪糕雪條也有幾款不同味道，甜品也有多款泡芙，奶凍，布甸，餐後食甜品非常滿足。 價錢比較大眾化，有不同嘅時段和套餐選擇。
繼續閱讀
收工坐車去屯門行吓街，見到有間燒肉做推廣，仲可以免費食火鍋，咁我哋就揀個最平嘅餐嚟食，都有好多款肉同牛舌俾你點入位之前佢問我哋火鍋食豬骨湯定壽喜燒咁我哋就揀咗豬骨湯佢出邊仲有啲火鍋蔬菜配料俾你拎，亦都有啲炸物比你拎嚟食，雖然擺咗出去，但係都仲好脆口，我最鍾意就係個炸餃子配個mayonnaise嚟食我哋點咗好多rounds牛肉同牛舌，仲有雞翼，佢啲調味非常適中，我最鍾意就係喺出邊拎個孜然粉同辣椒粉，配搭黎一齊食，好似食緊大陸嗰啲串燒嘅口味，估唔到日式放題都有唔同口味嘅食法佢啲牛肉肉好嫩口，而且好多肉汁，亦好香牛肉味。牛脷做非常之嫩滑，完全唔會話好韌佢出邊仲有沙律同沙律菜俾你拎，喺個飲品櫃入面佢啲雪糕我就最鍾意食芋頭味嘅雪糕
繼續閱讀
最近下班後與朋友到屯門時代廣場吃燒肉。一喜‧燒肉這家餐廳主打燒肉任食形式，且常有優惠，性價比相當高。當天選擇了澳洲安格斯牛板腱套餐$198/1位，套餐還附有火鍋，火鍋湯底有豬骨湯與壽喜燒兩種選擇。餐廳裝潢採用簡約的日式風格，環境整潔且明亮，座位安排寬敞，即使多人聚餐也不顯擁擠。食物方面，澳洲安格斯牛板腱肉質鮮嫩，油花分布均勻，肉類配有4款口味選擇。美國牛肩肉與牛舌的品質雖不算頂級，但以價格來說已屬不錯。其他肉類有雞中翼、多春魚、牛油帶子及墨魚仔等，點餐均能快速送達。火鍋部分提供專門的牛肉片及豬肉片，還可搭配自助區蔬菜及丸類。飲品選擇多樣，還有甜品及雪糕雪條任食添。🎈一喜‧燒肉🎈屯隆街2號屯門時代廣場L3樓40號舖
繼續閱讀
同朋友2人睇完戲去搵食,見到依間燒肉店入去睇下,時間尚早未係太多人不用等位,先點了個澳洲安格斯牛板腱放題,配埋個打邊爐,要咗壽喜燒鍋,甜甜的美味,最開心係食燒肉放題可以同時打埋邊爐,燒肉同邊爐既肉類食品不同,燒肉可選原味,味噌,燒肉汁,辛味,鹽醬味夠多選擇,燒肉點了澳洲安格斯牛板腱配燒汁,好出色,肉質結實燒落好香口,再點了牛舌夠Q彈,脆口,再點了多春魚燒到好香口,個人很喜歡!食放題最開心係自取飲品,都有好多選擇,汽水同埋茶類,仲有加錢可以飲埋啤酒任飲,自助區仲有蛋糕甜品雪糕,有邊爐食品丸類,仲有沙律,生菜,魚皮,中華沙律,泡菜任取,欣賞所提供既肉類夠新鮮,同朋友傾下食下係一個好地方,下次會再嚟幫襯.
繼續閱讀