一寿司 (已結業)

之前同朋友一齊去過旺角一壽司，食物質數同服務都十分好，服務員雖然忙碌但仍很有禮；食物新鮮。因為印象良好，所以上星期同男友去銅鑼灣o個間食。食物︰當日雖然唔算早，已經10 點，但唔知點解好多壽司都話賣晒！旺角同尖沙咀o個間 10 點開始先多人，仲有半價，但食物依然新鮮 & 不停供應！但當晚o既食物都ok算新鮮o既。 不過我見住 d 師傅不停講笑，又冇戴手套，你 d 壽司就咁比佢捏黎捏去…呢個畫面已經嚇親，拎到埋黎個賣相…飲品︰得幾款！但旺角同尖沙咀分店有一大張 menu！ 服務︰簡直係最差o既一節！睇得出當時唔算好忙，但總係唔想理你咁。"傳菜員" 放低碟壽司比你時勁晦氣，好似你得罪左佢咁！埋單時，冇聽到過一句 "多謝"，簽卡，又係勁晦氣咁放低o個個黑色o既皮夾比你自己打開自己搵黎簽！到我地離開時都未聽到過一句 "多謝"！總結︰一定唔會再去銅鑼灣呢間！比錢仲要受氣！

以前都黎過呢個餐廳食飯，覺得佢係全港最好味的壽司店，可惜現在她的質素卻強差人意。首先講一講以前，佢嘅甜蝦真是甜的，帆立貝的確很鮮味，三文魚真是與別不同！不經不覺無來幾個月，她的質素以經下降至屋邨水準，真是令我大失所望！究竟佢地係轉左供應商還是轉了老闆？最不滿意她的壽司飯，太過鬆散兼且太酸；帆立貝乾身沒有鮮味又不彈牙！另外點解餐牌無左「極級挪威三文魚」嘅呢？我地以後都唔會再去！

此壽司店初開店時, 門口大排長龍. 上星期日, 見此店冇咩人又唔使等位, 與友人到了此壽司店食dinner. 嘩! 此店比到你無限嘅失望. 食物方面: 魚生唔新鮮同冇味, 炸物外層炸粉難食. 湯嘅蜆肉都係唔新鮮. 公道講句, 食品來貨是公司選購問題, 公司唔肯落本選購靚貨, 食品自然差. 但最差嘅係服務員, 叫佢落order時, 佢好似好趕時間, 客人未落完, 佢(此人是高級服務員)嘅態度係好想行開, 唔想幫你落order感. 重有, 服務員送來之燒玉子時, 是隔2吋就放落枱, 好明顯會有”嘭”一大聲. 但她當冇事就行開. Sorry 都冇句. 都唔知係咩嘅服務態度. 還有, 隔離枱結帳, 等左15分鐘先來張單比佢. 係佢發火先有咁快. 唔發火, 可能要重要等…等..等.難得一樣可稱讚是門口取位時嘅服務員, 有禮貌, 有笑容. 但, 仍不會再到此垃圾壽司店.

每次食壽司都會試下唔同的餐廳，今次去左一壽司首先環境，餐廳佈置OK，但台與台之間好窄，有種壓逼感，周圍好吵，同朋友仔去，好難傾計！不是品嘗壽司的好a 方另外服務態度有待改善，雖然D侍應好好靚仔，但態度麻麻，放低壽司很快就講左一句「XX壽司」完全聽唔到佢講咩，收碟動作超快，又唔問下仲要唔要接著是味道和價錢，價錢合理，味道也不道，特別個初吻，幾有創意，帶子超大，又鮮甜，但唔抵食，如果去羽壽司是不錯的選擇，同樣大件，但價錢平好多如果想嘗新壽司，不是好選擇，因為我見到餐牌，都有d後悔，平時去其他間，起碼食3-4round，但今次食左一round就走左，第一次逗留壽司店半小時！！！！！

比起旺角個間呢間竟然唔洗等位去到order左好多野最好味既係三文魚- 新鮮唔錯玉子旦- 好juice帶子- 好大件好有口感好新鮮唔錯下次會再來

糟了..為何那麼多人都討厭這裡呢?我倆可還是依夠的熱愛這裡的食物近來不知為何很喜歡吃冰冰的魚生飯最喜歡這裡的**雜錦魚生飯($25)**價錢可是很便宜丫看著師傅用心的慢慢製作覺得很有心而且亦真的很美味…有三文魚劍魚玉子蟹柳蟹子..一壽司的風格依然是最愛也嘗過峰壽司及板前…可是…..不堪回首..只覺是羊群吧...

同朋友行完街, 朋友想食雞軟骨, 記得上次去'一'食唔錯(又大碟!), 就去啦~~~去到大概係10:00pm, 入面得幾個客, 以前排晒隊既情景無晒... 如果去'峰'相信重有一球人響門口食物,真係剩係得雞軟骨食得過, 牡丹蝦大但唔鮮甜, 蟹膏我朋友嫌生腥(呢樣比較個人), toro 同'肥'有段距離...服務, 我地坐正響waitor個服務台前面, 但係成3個人企響度都要等2分鐘先有人望到我地舉起手要落單, 唔知佢地望著張檯忘乜? 唉... 除左個魚缸呢間餐廳再無令我想去既意欲

10.5 (FRI) dinner補祝朋友生日，她喜歡日本菜，加上七點半也不用等位，便入去了，現在我知為什麼不用等位了…雖然有些食物味道也不錯（記著只是有些），但食物size太小，不太值！三人完全不飽也要$220。最值也是圖中的燒玉子($9)，幾甜幾好味！火焰系列好味（三文魚、帆立貝），三文魚刺身也鮮甜。千萬不要order那些有"特別名字/fancy name"的食物，必定後悔!越吃越覺不對路，我們三人決定去其他地方再吃第二餐晚餐。

星期六老闆幫我做完搬運工人後, 我就請左佢食飯啦...(哼...次次都係我請)星期六晚上6時15分左右啦...無咩人又唔使等位..最好不過.今次d食物都係好一般...可能我地2個都係對峰壽司情有獨鐘啦...不過今次d劍魚刺身就非常美味...不過三文魚子壽司就麻麻地, 仲有軟殼蟹天婦羅都非常唔得太乾身啦, 有一款叫蟹膏軍艦都非常之腥呀...所以結論係...我地下次都係去回峰壽司啦

常常和男友經過，都想去試試在銅鑼灣也開業了一段日子的壽司店。因為有一缸好大好大的魚，好靚。餐廳環境很舒服, 四周以深色為主, 我地坐迴轉枱，可以看到師傅整野。我地點了：火舞黑蜘蛛卷(軟殼蟹&三色魚籽)，賣相已經很討好，食落亦好得，軟殼蟹炸得好香脆，配上魚籽飯，很好味。帶子壽司，粒帶子好厚身，好鮮甜，$20算抵食。甜蝦壽司:隻蝦好大，好鮮甜!$22算抵食。赤貝刺身:得兩少片，但係好鮮甜!好味道!不過$35又唔係咁抵食。加州手卷，有蟹籽，蟹柳絲等。唔錯。辣味三文魚手卷，呢個我覺得好好味，三文魚配合一個辣汁，好野味。蟹籽花之卷，用成三片三文魚包住舊飯，配合都幾多蟹籽，真係好味道!芒果沙律，嘩，都幾大碟，d菜絲同蟹柳絲都切得好幼，真係好唔錯。玉子壽司，呢度d玉子好大片，好好味道!呢度的壽司飯幾唔錯，又彈牙，又夠味。總的來說，呢度d食品都唔錯，幾新鮮，款式又多，都可以再黎的。

第一幕： 奴隸獸感到非常納悶，因為轉只有六七碟令人失去食慾的壽司。主人見狀，即時為奴隸獸點了：1. 火灸極品黑和牛(HK$35)2. 海膽花之戀軍艦(HK$35)3. 蟹膏蟹肉軍艦(HK$18)4. 雜錦天婦羅(HK$35) 及5. 三文魚蟹籽飯(HK$28) 第二幕：　　　等待食物時，奴隸獸注視著一名壽司師傅切三文魚刺身，竟然發現他按著三文魚的手有一道長長的傷口，（那傷口頗「新鮮」）好噁心啊！！慶幸那碟刺身不是我們的。結尾： 急急食完，主人用信用卡結帳，但等了十多分鐘，為我們結帳的女服務員仍站在收銀機旁，與另外兩名女服務員不停交談，主人向她們揮手示意，但她們視若無睹。實在忍無可忍，於是走到收銀機前，才發覺簽帳單原來早已經列印好，擱置在收銀機旁。簡直火冒三丈，此店如此差勁的服務，令人噁心的衛生，永不再光顧。

26-7-07 (四) 午餐很久沒來這裏了，順路又不用等位，便又再試試。都是吃平時愛吃的種類，也沒有什麼特別。只是叫了一個名叫火舞黑蜘蛛卷(軟殼蟹&三色魚籽)，送来時賣相討好，但吃落難吃極了，軟殼蟹冷冰冰，表面的炸粉有“油益”味，又硬又凍。回家才想起其他壽司落單後等許久，這碟很快就送来，當時Ｔ還說第二張單反而來得快，現在回想甚有可能將早已做好的給我們，這種待客之道，真不要得。下次還是去峰壽司，起碼有即叫即製的軟殼蟹啊。另外，有一碟叫蟹膏蟹肉軍艦，圖片精美，送來的像縮水似的，壽司上的蟹膏超迷你，和圖片相距甚遠。不愜意的一餐，又不值，雖有美麗的魚缸，也不吸引我們了，拜拜！

我爆粗係我唔岩~~事後已知錯及辭職~~在此我亦因我既行為向你道歉~~但係由此至終~~我都認為我冇錯~~因為我忍左個tb經理3個星期~~返左3個星期工~~差不多日日俾佢罵~~仲要係一d好微不足道既事~~雖然佢冇爆粗罵我~~但佢講d野十分極度黑人憎~~令到我冇哂自尊~~講真屋企又唔係等我養,我點解要俾我塊面佢踩~~仲要踩到我一o的尊嚴都冇~~我覺得唔值囉~~而個晚就因為一個牙籤筒放早左俾個客而罵我~~所以我個3個星期既火就爆左出泥~~唔想再講~~放假打哂個3個星期所發生既事俾你睇~~你就知佢有幾惡頂~~

first time to go here, the quality of the sushi is just okay, nth special, the price is expensive though! and the rice is realie so fragile, easy to break up when taken by the chopsticks!!

9點幾鐘.....下著細雨...同女朋友想食壽司,但又唔想排隊,銅鑼灣最偏僻都係呢間,唯有去這間評價唔錯的壽司,壽司價錢偏高,款式都算多...但飯一夾就散,而且應該係米浸得太耐...變到一粒粒,打飯時間唔足夠，沒有黏性,又可能係唔用手套既關係，手濕水後尚有水份，令到飯沒有黏性,所以用套有用套既好...服務一般，比起坊間迴轉壽司店，唔可以話差，但要說好．．．又太牽強了，壽司料方面，都係一般迴轉貨色，但值得一讚係卷物方面，好有心思，但迴轉壽司的壽司做得不好，反而在卷物方面浪費人手和心思，卻有種”本沒倒志”...不如改名叫迴轉卷物罷了，應該係"一卷物"，板前既成功，不但在於名氣，而係在於對壽司既重視，坊間各大迴轉都仿效板前既運作，但都沒辦法像板前一樣成功,每天排隊２個鐘，百多萬生意一個月,輸既是名氣，但”一壽司”輸既係行錯方向，斤資百多萬既係裝修，舖天蓋地既宣傳，同埋西化既餐牌,本以為可以殺出一條新血路,但執著既香港人不太受落，始終．．．．．．食壽司，都係去出品行先既舖頭好，裝修???都係按日本既傳統，簡單既好．．．所以各大迴轉之中，只有呢間係有宵夜優惠，係有原因的．．．