一意點心燉湯專門店 (已結業)

今晚開完個 online 會，轉眼已接近8點。快快手執嘢走人。想起呢度二話不說，趕上食個靚飯。今晚轉涼當然食個臘味飯 (加潤腸) 最正確！😋 雖然係蒸的，我卻好鍾意。唔知係咪個會太 Kang，今晚單叫個飯有點寡，少有地決定豪啲加多個點心燒賣。一出來見到粒粒飽滿，相當吸引。辛苦砌完一日，食到自己喜歡嘅 comfort food，咁已經好滿足了！呢度場地不太，4-5張枱，不過這就是小店的魅力，不是嗎？😌P.S. 其實佢哋本身主打燉湯，不過我人少食唔到咁多，唯就要就住叫餸了。P.P.S. 由於字數不足，未能在 “開飯” 裡評分。都想以個人立場手動評分，給大家一個參考：味道 5環境 3服務 3衛生 3扺食 3

由大窩口小店變成光輝圍、荃錦兩店，燉湯是鐵膽，點心拖蒸飯，真正連贏位置一拖二。湯佬（老闆）真心鑽研燉湯學問，湯水火喉夠，又體貼當區客人的需要。始終我哋長時間係辦公室，加上香港夏天又熱又濕，祛濕清熱湯水好重要。今晚覺得有啲熱氣，想清吓熱，湯佬推薦「百海無雪」，加多籠臘腸卷，變咗我柯打唔到蒸飯啦！原本第一籠蒸出來個皮濕咗水，湯佬堅持要再蒸多籠，這份執着既窩心又感動。湯佬要保重！經濟吹逆風，大家的確守得好艱難。

餐廳服務完全無品格，欠訂單食物不盡力解決竟然照收取食物費用，事後電話聯絡態度惡劣兼無禮，只隨便叫客戶向外送平台申請退款，欠客戶食物，仍泰然自若振振有詞照收錢，並無心提出解決方法（例如客戶到店補取食物）。客戶電話已經清晰記錄在外送平台戶口，仍然聲稱不能聯絡。食物質素重要，服務品質和態度更加重要。

真心推介依間隱世燉湯點心店，舖頭位於一個好舊嘅大廈內，一啲都唔起眼，好彩佢有一邊係對住條街，咁先見到佢啲招牌，這裡地方不大，座位唔算多，但燉湯選擇幾多吓，湯嘅價錢雖然唔算平，平均六、七十點一盅，有啲價錢仲高啲，但真材實料，燉得好夠味，味道又調校得好好，冬天飲仲正，飲完暖笠笠，今次叫咗川芎天麻白芯紅棗燉魚頭湯$72，好好飲，湯嘅份量都唔少，另外叫咗牛肉餅飯$45，完全就係煲仔飯咁，牛肉大大舊，口感淋得嚟有彈性，豉油份量剛剛好，仲有幾條菜均衡營養，整體來講好好，值得支持小店.#午飯#lunch#牛肉#飯#rice#beef#湯#yummy#葵涌#隱世

一意點心燉湯專門店 (葵涌) @yatyeedimsumsoup 📍：葵涌葵涌道1001號德昌大廈地下24號舖🚗：葵興地鐵D出口 步行12分鐘📞：+852 2488-1888💲：~HKD120/head for dim sum Food quality✔️：黑金流沙包、燒賣、蝦餃、柱候金錢肚、鱷魚肉花膠陳皮貝肉燉肉排、准山杞子花膠螺片燉雞👌🏼：咖哩魷魚、鳳爪、小籠包、排骨總結：😋黃店售賣燉湯及點心嘅專門店 暫時有兩間分店 今次嚟葵興分店真係非常少人 食完後覺得性價比咁高 仲要係黃店嘅真小店 絕對值得大家支持☝🏼😋我覺得整體就燉湯正過點心 本身我就偏愛飲清甜啲嘅 咁佢中藥味唔太重啱我口味 湯頭睇落都唔濁 $48-$78一碗足料湯水真係抵飲 推薦😎😋點心基本上都好抵食 $26-$30左右 高質雖然未到 但呢個價錢已經滿意有突 試咗幾款 黑金流沙包就最推薦 熱辣辣一開為二啲結稠嘅流沙好快就泌出嚟 正😝😋燒賣有蝦籽在上 蝦又大粒 魚肉都彈力 好食🤤 蝦餃都係大粒嘅 抵食 金錢肚就成本貴 但$28幾抵玩 cp值首選🤔️其餘點心都好食嘅 但冇咩特別之處 不過認真小店賣咁多款做到冇伏已經很厲害👍🏼🤔️環境

尋晚順路經過入黎飲湯，門口跟裝修係有點簡陋，但店員煲湯的心機卻很認真，我叫左1. 鳳爪排骨煲仔飯（$45）：鳳爪跟排骨惹味，但煲底啲飯有點黏，我冇食晒2. 百花無雪（$68）：燉湯，飲得出靚料而且好夠火喉，骨都軟稔晒可以食。雖然份量有點小，但啖啖精華，飲完有回氣Feel～3. 紅棗茶（免費）：好甜好潤，而且無限添飲，大家黎到要飲多幾杯呀燉湯熱潮過左，執左好多間燉湯鋪，依家有心機既燉湯店越黎越小，大家路過就試下啦 🤣

之前去葵涌工廈玩workshop，發現附近有好味點心黃店💛💛一入到去姐姐就比一壺紅棗杞子桂圓茶我哋，超級好飲，仲要係送嘅😍蝦餃同燒賣都大大隻🤩流心包黑色幾特別，黑襯金色心心好靚，奶黃好香🤤小籠包好細心有個兜兜，即使整爛咗皮都可以飲到曬啲湯🥣食到好飽，一件都無淨，下次有機會試吓佢啲燉湯😈

第五波期間 基本上沒有跟友人出外堂食 難得見疫情稍緩 於是跟友人到附近的小店聚聚其實幫襯了這間小店一段時間 但十居其九都是外賣自取(禁堂食我都唔想)  點心燉湯這些食物回到家後 質素一定打個折頭 所以堂食先可以真真正正叫品嚐基本上 燉湯是必點的 盅盅真材實料 老闆說湯料幾乎都可以全食 不要浪費 但切記不要混飲 始終大部份湯品都有藥材 怕會有反效果小弟叫了羅漢果無花果雪梨雪耳燉肉排 此品極其潤肺 當中的雪耳真的不要錯過 而友人則點了黑蒜螺片雞腳燉排骨 可以抗氧化同護心 友人十分滿意兩個大男孩點都要嗅下米氣 點了個鳳爪排骨飯 米飯乾身 鳳爪入味 排骨啖啖肉 大滿足點心方面 先來的是黑金流沙包 此品必要趁熱食 而且必須小心地食 必爆漿的接著是柱候金錢肚 此乃惹味之選 而鋪底的小豆卜千萬不要錯過呀淮山木耳餃是我每次必點的 爽口的淮山加上脆口的木耳 就算我不是茹素者也覺得美味非常雞札是穩陣之選 雞腿肉 冬菇 火腿 魚肚 四位一體 但我個人認為雞札必須要有芋頭的 軟糯入味的芋頭必定大加分 但這裡的已經合格有餘壓軸的是鮑魚燒賣 不要以為是隨便交行貨 鮑魚本身也有成年男仕拇指般大 而且是先用汁扣過 已

今日見有空閒時間.相約家人到湯佬延續上一次未完的美食滋味！今次主要延續未食過之點心.今日點餐如下：每次都要食的蝦餃.另外燒賣/山竹牛肉/叉燒飽/雞扎/金錢肚蒸飯等。食評如下：蝦餃我唔再講.因為每次都有講.每次都有食！燒賣每籠有四粒.燒賣中間夾住啲碎蝦肉及肥瘦適中豬肉.爽口彈牙！山竹牛肉每碟有三粒.牛肉有馬蹄及芫荽.牛肉墊底有鮮竹.牛肉加喼汁好好味！叉燒飽.包皮鬆軟.包內有碎叉燒粒及叉燒片.有咬口.醬汁好味.鹹甜適中！雞扎一碟有兩大件.外皮鮮竹包紮着魚肚/蟹柳/豬肉條及大大件雞柳.雞扎多汁好味！金錢肚蒸飯.金錢肚有六大件.還有五條菜心.飯面有紅辣椒及蔥條.飯粒分明.甘香.金錢肚醬汁撈飯超好吃.吃到煲裡乾乾淨淨.回味無窮！

前幾天已經到咗另一間樓上店試味！今次和家人一起三人行到此新店.新店光猛.新店有舊店擺設.地方比舊舖大得多.店內光猛.坐位舒適.每枱面放有一壺紅棗/元肉/杞子茶.自助斟茶.店主好客氣特地送來一壺甘草/薑茶.叫我哋試吓這茶的味道.看看你們喜歡哪一種.兩種味道我哋都很喜歡.多謝🙏店主的熱誠招待.今次點餐如下：1. 柱侯金錢肚.2. 蝦餃.3. 小籠包.4. 鮑魚燒賣.5. 咖哩魷魚.6. 花菇蒸雞飯.食評如下：1. 及 2. 上次已經品評過.今次唔再講。3. 小籠包.要趁熱食.有湯汁不然外皮會變硬。4. 鮑魚燒賣.燒賣正常.面層加配鮑魚.賣相超贊.鮑魚好霖。5. 咖哩魷魚.魷魚彈牙爽口.咖哩入味.好食。6. 花菇蒸雞飯.飯粒分明.好有飯味.雞件入口軟滑有汁.超贊！註：當我們正想埋單結帳的時候.見到店員剛剛在工場送來新鮮包扎的應節食品咸肉糉.見到新鮮及賣相好好.便外帶了兩隻回家試吓！糉子試味如下：糭內餡料包括如下：有栗子/蠔豉/冬菇/豬肉/花生.味道都唔錯好食.不妨一試！

這間店之前喺荃灣.我都食過兩次.後來再度光臨.發現已經玩舖.但沒有其他資訊下.一直到最近在OpenRice.發現兩間同名寶號在葵涌區開設新舖.兩間店都在葵涌.今天到工廠大廈試味.店舖設在非常舊工廈高層內20樓. 步出電梯大堂就見到.個面光猛.步入店內見到荃灣店之舊老闆.老闆熱誠前來招呼.大家互相問好.此處俾舊鋪寬闊.有卡位有散枱.地方整潔.老闆熱誠斟來兩杯紅棗/元肉/杞子茶.我坐的是卡位.都很舒服.點餐如下：1. 蝦餃 2. 柱侯金錢肚 3. 黑金流沙奶皇包. 4. 起雙飛.牛肉餅拼鹹魚肉餅飯.紅棗/元肉/杞子茶（自助斟）食評如下：1. 蝦餃.大粒.蝦肉超爽彈牙。2. 柱侯金錢肚.美味夠大件.可惜汁液唔夠.墊底豆卜乾硬索唔到味.有點可惜。3. 黑金流沙奶皇包.包皮鬆軟.奶皇飽爆漿.好味甘香.超贊！4. 起雙飛.牛肉餅拼鹹魚肉餅飯.牛肉餅及豬肉餅肉質鮮嫩.鹹魚甘香.飯粒分明.好食！所有食品還保持舊舖水準.相信這舖要守一點長時間！老闆 加油.加油.過兩天再到另一店試吓！

上個月去荃灣舊鋪，發現閉門大吉，當時非常唔開心，但今日竟然俾我發現佢響葵興開左新舖，我二話不說即入去幫襯，見到老闆仲同佢傾左幾句，老闆即時斟杯紅棗杞子茶俾我飲，即刻有回家的感覺🥺，對於我呢啲成日屋企冇湯飲嘅男士，佢嗰碗足料燉湯簡直喺暖在心頭，佢D點心我覺得好食過好多酒樓，而老闆亦都係一位好有愛心嘅人，以前舊舖佢會有送湯服務，送去護老院及附近啲醫院比病人，但依家唔知仲有無？! 不過唔緊要，慢慢做，好人喺會有好報。💪👍

《一意燉湯點心專門店》光輝圍💛終於等到‘一意’有返門巿，以前喺大窩口舖面實在太細，所以好難堂食🥰新舖位置喺光輝圍德昌大廈入面，正正喺商場入口第一間，所以唔難揾😙我11點左右黎到岩岩先開門，填完紙仔再慢慢睇下食d咩😋＜鳳爪排骨飯＞$39好好食呀🤤飯底仲係粒粒飯，又有飯香😊排骨微胖鳳爪好入味，份量有一個煲仔飯咁大，好夠食🤗＜黑心流沙包＞$28熱辣辣蒸出黎，包好軟熟超流心🥰有圖奶黃夠香，淨底一個我地隔左成10分鐘先再食，仍然係流心👍👍👍＜金錢肚＞$28大推薦👍全部大大件，入哂末又夠軟唔會難咬，仲有幾夠豆卜配搭💞＜山竹牛肉＞$24三粒份量都偏大，唔會有梳打粉既味道末算特別出色＜燒賣＞$28好正❤主要因為唔會成口肥肉佢每粒都無咩肥肉但又唔會好乾，都唔會過咸，口感係好爽口依到沒有茶提供，但有更好既“紅棗杞肉圓肉”免費提供，係濃郁版好補😏佢地仲好出名燉湯，下次我夜晚再黎試下

湯佬和師妹的新地舖開始營業了，梗係要多多支持! 一如既往，要飲靚湯又要食即叫即蒸點心。新店交通非常方便，葵興光輝圍附近，新舖的牆上面保留了舊舖的食客留言，真有💛心！

12-11-2021 (Fri)放假,一個人食完德國熱狗https://www.openrice.com/zh/hongkong/r-%E5%BE%B7%E5%9C%8B%E7%86%B1%E7%8B%97-x-%E7%84%B6%E8%8C%B6-%E8%91%B5%E6%B6%8C-%E5%BE%B7%E5%9C%8B%E8%8F%9C-%E6%BC%A2%E5%A0%A1%E5%8C%85-r716405後,就行嚟買燉湯喇,睇完後,揀咗$78.00嘅鱷魚肉花膠陳皮貝母燉肉排俾爸爸,我就要$68.00嘅淮山杞子花膠螺片燉雞,外賣每個加$1.00,老闆話要等15分鐘,冇問題.佢叫我坐低等,喺等嘅時候,又睇到每款$38.00凍飲,專程嚟到就順便買埋啦,就買麥冬花旗蔘鬚俾爸爸,桃膠雪燕蘆薈俾我同老公.等嘅時候,見到枱上依然好似大窩口舊店咁(上次食評係2021年4月19日刊登嘅呢篇:https://www.openrice.com/zh/hongkong/review/yeah-%E5%B0%8F%E5%BF%83%E5%A5%BD%E9%A3%B2%E5%88%B0%E7%99%B2-e