一日三餐 (已結業)

6點後禁止堂食.. 去幫襯下新黃店😌當晚譚文豪駐場幫手.. 可能仲係好新啦收銀哥哥係亂既.. 唔可以一心幾用😆除左現場落單既客人中間又會穿插用拎得app既客人要收錢所以在場落單收錢都等左佢十幾分鐘先落到單不過唔緊要😌 等下無乜所謂但如果返工既朋友就自己預返時間落完單 大概等左20-30分鐘左右晚市無常餐食 咁就轉左叫炒粉麵或者焗飯本來我係落左太極鴛鴦炒飯同干燒伊面點知返到屋企 變左焗豬扒飯🙈🙈味道幾好 茄汁底唔會得好假既茄汁味份量係正常一個焗飯size男仔食可能只會岩岩好 未去到好飽干燒伊面好大兜🤣 一個人食晒係會飽到反艇😆對比起個焗飯 炒粉麵份量就更抵食更適合胃口較大既人味道好好🤩 好夠味 我拎到返屋企 個麵底都唔會淋batbat

喺旺角食完午餐，剛好下午茶時間路經新開張的一日三餐，門口有大概10人等位，雖然已經食得好飽，但都忍唔住買咗個下午茶外賣支持一下。之前睇訪問介紹一日三餐，老闆s就係想香港人一日三餐有頓安樂茶飯，所以餐廳價格非常貼地，食物選擇亦非常地道。當日老闆就喺收銀處，我叫咗一個乾炒牛河，$42連飲品，外賣盒🥡用上環保盒所以收取$3亦相當合理。雖然係下午茶但份量一d都唔少，牛河味道ok但如果炒得再乾身一點會更好。餐廳亦有同其他💛小店合作，見到餐牌上有提供燒賣皇后燒賣和珈咖公義咖啡，互相支持👍

在網上看到新舖試業中，今日跟同事下班後一於試下。1:45到已看到大排長龍，相信我倆排到入餐廳已到下午茶時段🤣果然大概三時入座，望望下午茶的餐牌，最想試的是星洲炒米，可惜已售罄。同事點了乾炒牛河，而我則點了迷你焗洋蔥雞扒飯。下午茶餐奉上餐飲，凍飲另加$3。乾炒牛河很夠鑊氣，牛肉好腍，加上辣椒醬食一流。至於迷你焗洋蔥雞扒飯，一點也不迷你，雞扒肉質鮮嫩，焗飯為炒飯底，加上最而惡的芝士，比一般連鎖快餐店更佳。臨走時巧遇老闆，跟他說下午茶簡直重量級。真香港人，撐一日三餐。

一早起來便決定要到一日三餐去撑場, 誰不知冷清清一條街竞然唯獨它門前己排滿人龍, 撑香港人盲撑的, 等了差不多半小時, 入座時可以吃午餐了. 老公索性叫了個鐵板什扒, 我祇點了all day beakfast.其實都沒有抱太大祈望,估不到反而又驚喜 什扒份量十足, 肉質稱得上新鲜,價錢吾貴. 看見隣座乾炒牛河鑊氣十足很吸引, 可惜我們己落單,真有衝動改吃牛河

餐廳試業中，連招牌既紅紙都未揭開就要試食，皆因理念相同，食得安心。人氣店，等位預左要啲時間，但今次等左唔太耐，不過要人齊先可以入坐，ok既，生意難做，大家食完就走，希望食店可多翻一次兩次枱。老闆係男神，有求必應影相留念，其他員工招呼都ok，大家都在學習階段，同路人會支持💪🏻今次食下午茶，福建炒飯&肉絲炒麵。炒飯個汁多左啲&唔夠熱，但味道ok既，清碟；肉絲炒麵就好好多，朋友話唔錯。辣椒油夠香，但唔夠辣，可能朋友食得辣。以後去旺角，又多一個聚腳點👍🏻

見到新餐廳開，就去試一試。未夠12點，去到已見有十幾人排緊，不過好彩都係等咗十分鐘，就有位坐。坐底叫咗兩個午餐，呢度既飯，多數都係分開汁上，好細心，多少自己控制。 豬扒飯塊豬扒大大塊，仲有兩塊咁多，上枱時仲見到扒面既油仲滋滋卜卜咁，熱辣辣。牛扒蛋既牛扒，唔係大集團個隻薄薄，仲有濃濃牛味同埋兩隻蛋。望到其他人食既午餐，好似咸旦肉餅、梅菜扣肉都好吸引，不過會吸引我再去，會係個常餐。我一向都鐘意食早餐多過午餐既人，常餐係我經常食，見到左邊枱個人食緊豬扒麵，右邊枱食牛扒米，大大碗。但我個胃唔夠大再食，唯有下一次啦。臨走，仲見到老細，佢會幫手收野抹枱，親力親為。