一樂日本料理 (已結業)

最鍾意食放題的我， 今日食這間一尖沙咀嘅一樂放題。 入到呢間放題嘅感覺很好, 沒有一般放題餐廳既壓迫感， 反而枱與枱之間非常寬敞。一樂採用電子落單， 既方便又環保， 是我十分欣賞的（當然， 如沒有裝app都可以用手寫落單）。而且職員從未有試過漏單， 值得一讚。好大既自助凍飲櫃， 飲品種類及數目比超級市場還要多。一樂放題有很多品種食物選擇， 刺身、軍艦、壽司、炸物、燒物、串燒甚至燉翅、花膠、蟹粥...應有盡有。刺身非常新鮮、肥美。鵝肝壽司鐵塔必食， 鵝肝入口即溶。鬆脆嘅芝麻雞翼同炸鮮奶卷，如果炸鮮奶皮再薄一點會更好👍海鮮蟹粥好綿， 又鮮甜， 值得推介。鮑汁野菌燴花膠， 放題都有咁大塊花膠， 抵讚。原盅雞燉翅，味道適中，若翅有更佳咬口會更細緻。炸物串燒都好多選擇， 個人最鐘意食牛舌串燒，入口爽嫩，一食再食。壽司款式多又新鮮， 而且每件都細細件， 可以試多好多唔同款式。一樂自創挪亞方舟， 以甜腐皮做船身， 上面配有蝦刺身、魚子、海膽， 創意十足。到咗甜品時間， 都好頗多選擇，最值得一讚既係竟然有MOVENPICK雪糕。出面一杯都賣緊3x， 而家任食唔嬲。總括黎講，一樂食物質素有保證， 亦多貴

打電話去想查詢生日壽星免費優惠，電話接線員工態度極串極差，唔俾客人問問題架？條款又寫到一舊舊，接線果個唔願意解釋條款。即刻去都唔想去，亦唔會打算再去。幾優惠幾好食都無用！未去已經一吐氣！趕客！

同好姊妹GATHERING，梗係要搵一個坐得舒服，食物又要一流既地方啦。朋友介紹尖沙咀既一樂日本料理，前身係相撲手。朋友話呢度坐位舒適，有足夠空間傾計，食物質素一流，所以一於BOOK位試下啦！6點鐘準時入座，一入門口就見到有師傅係度即開生蠔。仲有六、七款唔同既既生蠔醬汁任你揀。坐底後發現原來加$48/位可以任食愛爾蘭同日本生蠔。唔洗諗，梗係加啦！嘩....生蠔一到，真係忍唔住嘩左出黎，好肥美既日本生蠔喔！仲要非常CREAMY，除左淡淡既海口味，仲有濃濃既奶香味！真係正到不得了！我地每人食左十隻，咩都抵番晒呀！除左生蠔正之外，刺身都好鮮甜，我自己最鐘意既就係帶子同北寄貝。帶子鮮甜彈牙，北寄貝夠爽口！海膽火炙三文魚，入口有微微海膽味，火炙沒有過火，岩岩好！配埋隻"卡娃衣"既碟，真係天衣無縫！門口旁邊有SALAD BAR同有D熟食，可以自己出去拎，我拎左每款少少試下，味道都唔錯，海蜇頭同鵝掌都好好味！我好姊妹話豬腳薑都超正喔，超入味！試左碗茶碗蒸，蛋夠熱夠滑，配埋蟹籽食口感一流！串燒玉子加左明太子醬，令玉子食落去唔單調，配搭得非常好！講到飲品呢度真係無得輸，幾個大雪櫃不同款式不同種類，有汽無

之前見到網上有介紹呢間放題有生蠔，有刺身，就同朋友來一試！店內空間都算寬敞，但奇怪星期六繁忙時間竟然都無爆場既情況，後來睇餐牌就明白，因為真係唔係一般放題咁多選擇。呢度係要你用WeChat follow咗佢個account之後先可以點餐，其實都幾好，環保啲嘛。但食物種類每個category只有幾項，最多係刺身有8款左右。刺身都靚仔同埋新鮮既，我地都有encore。生蠔就要專登出去order，每人每次限一隻，真係即開既，都算新鮮，唔算好大隻但都OK！熟食方面其實都好少選擇，不過呢個牛舌串燒真係唔錯，我地叫咗幾次。呢個蒸蛋既海膽就唔多新鮮了，食咗兩啖就放棄。呢個牛筋牛腩好似煮咗好耐咁⋯⋯所以都唔好食。由於生蠔係要另加$48/位，我地每人食咗4隻左右，所以其實又唔算好抵。每人埋單$400，放題嚟講，應該多啲選擇會好啲囉。如果可以食到好多生蠔既朋友都可以一試既，因為環境無一般放題餐廳咁迫，會舒服啲。

上網見到話好好食，諗住試下拉，刺身又唔食，龍蝦湯個d仲衰，煎炸物懷疑番炸無限次，有理由相信大量打手,除左杯橙汁好飲，寧願食麥當當都唔食佢，嘢食款式又唔多，完全唔抵，十级後悔！

有一晚天氣麻麻地落住毛毛細雨，同一班朋友在尖沙咀逛街，後來行到寶勒巷見到有一間新嘅日本放題，肚餓，我哋就即刻上去等位啦。見到裝修非常靚，食物種類都好多，頭一輪我們就叫左刺身，味道一般般，唔算話太新鮮，值得一提嘅係這餐廳食物種類不多，最令到我驚喜就係佢個點菜系統係用手機連結微信去叫東西的，這樣就可以有一個環保嘅訊息唔需要曬浪費太多紙餐廳內有生蠔，但係生蠔嘅味道很差不夠新鮮所以我食到一半就冇食，整體質素不合格，最後我們食完雪糕就離開。

一直都知道家姐好鍾意食生蠔，收到風呢一間日式放題非常之高質素，所以親家姐休閑嘅時候帶佢嚟試吓地點位於尖沙咀非常方便，上到去值得一讚嘅係，位置好闊落！大多數以梳化位為主先講解一下首選食物-生蠔，每人只要再加$48，就有得任食日本同愛爾蘭即開生蠔！真係超抵隻隻新鮮開！新鮮好重海水味！食到停唔到口醬汁都有好多選擇非常用心！刺身時間-又要一讚嘅係呢度好環保，都會用Apps比我哋落單，方便快捷！吞拿魚刺身入口即溶！海膽手卷-睇相就知道啲海膽有幾新鮮重奶香味！熟食都有超多選擇！呢個雞肉串真係好正！超嫩胡椒炒辣椒蝦-都係好推介好香辣炸鮮奶-愛甜食嘅一定要叫！炸到香脆之餘，外面再灑上砂糖同煉奶總括來講-呢個價錢去食我覺得超值得！食物睇相都知道高質素，位置舒適款式又多！一句講晒開心滿足

bodypump+bodycombat後會十分肚餓，選吃放題實在是最好不過！平日九點場次人流不多，最適合四人一起去喪食！一開始又是慣例十二版入面每版都點幾款，先來多客刺身，款式很多，有很多款魚類，然後喝個湯，和飲身後的綠茶，接著就上來一大堆熟食：有天婦羅，炸蝦最好吃！炸軟殼蟹也炸得很香口，還有串燒，各款不同製作方法的雞翼，還有我朋友們的至愛！炸榴槤！我本身不愛吃榴槤，但看見朋友們一口接一口，讚不絕口，還不停加單，究竟真的太美味，還是為某快餐店一推出榴槤甜品就售罄而賭氣？我還是專心吃我的壽司，其實師傅製作都很用心，壽司船用心的排好和整理食材，就連排放一堆海膽手卷也排出一把扇型，這年代用心製作食物的師傅我們可要珍惜啊！

用左50分去整炸鮮奶叫左埋單佢先同我上炸鮮奶，燒波羅刺身上好快 個廚房慢到喊 本來 因為唔想嘥嘢所以呢份量都係叫剛剛好唔會叫好多，但點知好多都冇上叫一玉子燒 炸魚冇來過 隔離食剩3-4條 冇食丟哂我地想食一條就冇上過20點叫左花膠，到21點幾都沒有上，再落，5分鐘後上左， 漏單 得太過分之前見評論話呢到鬆動d, 諗住終於可以食次放堤吾洗比隔離枱聽到哂對話點知都系貼得好埋 唯一最好系 鮮榨橙汁 同埋收餐嘅員工好勤力差 不會再來

上網見到依個放題，專誠去尖沙咀試吓，點知好失望😞話說係因為見佢有生蠔所以去試下，點知生蠔好係好大隻，但冇味既另外每一台會有一隻燒嘅帆立貝送，呢個都ok還可以不過刺身選擇好少，而且冇鮮味最好食係佢嘅串燒，係新鮮笑出黎嘅整體來講價錢偏貴，種類唔多，完

今日朋友生日, 幾個人去咗尖沙咀一樂日式放題食生日飯, 點解我地係雲雲放題中揀中佢? 點解? 因為佢有MOVENPICK 任食, 加48蚊即開生蠔任食, 但係今次生日個位小姐唔食生蠔, 咁我地無謂加啦~ 為有下次,今次暫時狂隊MOVENPICK 回本, (資料: MOVENPICK一田做緊199蚊8杯) 即係食到3杯以上你個餐已經好扺架啦~日式放題黎黎去去都係刺身, 串燒, 鍋物, 同炸物, 所以我要重點講下佢邊D正~刺身--赤貝, 甜蝦, 兩哩款係我心水~ 赤貝鮮甜程度可以同活赤貝比美, 仲好爽口, 海水味重, 甜蝦甜, 膏香~串燒---牛舌, 雞翼, 牛舌不嬲都係串燒必食, 但係食過好多間都係薄EE咁~ 燒得好乾~ 但係一樂切得幾厚下,焦香之餘, 牛舌中間仲保留咗應有既肉汁同油脂, 所以越趙越香~ 炸物-- 榴槤波波贏哂~ 真係好食到不得之了, 趁熱食流心效果出色, ORDER咗 3 ROUND~ 甜品--- MOVENPICK 唔講LU~ 大家睇到個名都知佢係好食啦~ 今次跑出係一隻韓國TRIAMISU雪糕,佢真原原本本既TRIAMISU 入杯急凍出黎~ 芝

久唔久就會想食下放題放縱下，今次就揀左呢間係尖沙咀既一樂！唔似一般放題店，一樂既坐位十分闊落，雖然多人食，但唔會覺得好迫好嘈只要加$48就有生蠔任食！但我同朋友都不太餓，冇加到，下次黎一定要試！第一轉緊係叫刺身，一上枱係嘩左一聲！好大盤擺得好靚，而且睇落好新鮮甜蝦十分大隻，咬落去蝦膏湧出黎，正！ 帶子都係必叫之選，肥美鮮甜！叫左一樂獨有既創作壽司挪亞方舟同鵝肝壽司鐵塔，原來係腐皮壽司裝住海膽，魚籽同甜蝦，簡直係將所有最強集一身！好味到唔捨得吞熟食方面榴連波係必食推介，一咬落去榴連汁大量必出黎，好香好甜，食左3個都唔夠候！一樂最令人念念不忘既原因係movenpick任食！$40一杯，食幾杯已經回本啦！好期待下次再黎食過，推介！

環境可以，服務員都好，但係食物太少。 刺身 太少啦! 有啲失望 。下次都唔會嚟食希望改善下啲食物， 個龍蝦湯好似飲緊水咁 一啲都唔好飲。 講真呢個價錢唔值得來食。 實在好失望囉

朋友生日飯，想食放題，之前食過旺角區果d，又嘈又迫，見呢間環境相d位都幾闊落，就去試試。平日宵夜時段$268位再85折，生日仲6位free 1位，可惜我哋得4人，冇得享用生日優惠。講吓環境先，枱同枱之間有d空間，唔會好迫，落單亦唔需要好似街市咁大嗌侍應，畫完order form可以靜靜地揮手叫侍應，成件事高級晒！食物方面，刺身、壽司、熟食選擇多，用料新鮮，賣相精緻！最正嘅係仲有多款一口甜品，movenpick 雪糕，日韓雪糕雪條任食！不得不讚嘅係炸榴槤波，咬落去煙煙韌韌，榴槤夠香，我食咗3粒！一口甜品有好多款，我揀咗藍莓芝士同咖啡味，出乎意料地好味！movenpick就得一隻味，但俾朋友搵到杯韓國正嘢！Tiramisu 雪糕！呢個雪糕真係不得了，有幾層口感，好似食緊真嘅Tiramisu 咁！今次晚飯真係物超所值，攬住肚咁走！

今日同事生日，一早約好去尖沙咀一樂食放題，因為之前另一同事生日去過，讚句不絕，佢話無論環境食材都好好，提議今次慶生一定要去一樂，大家都贊同去試試！一樂位於樓上舖，地方雅潔，座位寬敞舒適，設有自助區，有沙律吧、熟食區，飲品、甜品也有很多選擇。其他食品就要用微信落單，方便快捷又環保！飲品種類繁多，但最吸引我的就是這部鮮搾橙汁機，滴滴橙汁精華，甜甜的滋味，一杯又一杯，客人飲不停，侍應也不停加橙！刺身拼盤：刺身好新鮮，有厚切的三文魚、帶子、鮮味十足。大大隻原隻蝦好鮮甜，北寄貝爽口。追加48元可以任食生蠔。每位敬送一隻珍寶帆立貝，三種食法自選其一，我選了香草蒜焗，帆立貝鮮甜，香草蒜味香濃！芝蔴雞翼：炸至金黃色，皮脆肉嫩，加入芝麻十分香口。香草孜然燒紐西蘭羊鞍：羊鞍燒得比較乾，但肉質入味，孜然粉香氣四溢，味道不錯！海膽茶碗蒸：材料有海膽、蟹柳、蟹籽，蛋蒸得剛好，不會過老，好嫩滑又鮮甜！火炙手蒲燒鰻魚壽司、火炙三文魚腩壽司：壽司調得好好味，火炙過的縵魚加有燒汁好惹味，三文魚腩魚油豐富，經過火炙魚油味突出，一口食落，齒頰留香！鹽花燒海蝦串：海蝦燒得好香，口感彈牙，加了鹽花更惹味！豬腳薑醋蛋：自助吧自取