一番風味 (已結業)

踏入秋冬涼涼地感覺，除咗打邊爐，好想食返一碗熱騰騰的蟹粥，二話不說，我哋一家四口就去咗一番風味食蟹粥。門口已經貼着好多雜誌介紹的招牌蟹粥，見到已經流晒口水😋😋😋他們的餐牌上有好多不同的小菜及套餐，剛剛好有個四人套餐諗都唔使諗就點了個四人海鮮套餐。餐前小食-萵筍有少少辣辣地，好爽脆！招牌羔蟹粥-粥底好濃蟹的味道，入口非常鮮甜，軟綿綿，蟹肉非常多又多羔，肉質一d都吾鞋，非常好食，每人食咗兩大碗👍👍👍黃金軟殼蟹-炸到脆卜卜，軟殼蟹加入蛋黃一齊炸，非常香口，不油膩👍花雕蒸圍蝦-廚師好細心蝦殼一早搣開，食的時候連埋加入左花彫蛋白一齊食，味道好夾。果皮蒸鮑魚-鮑魚大大隻好爽口，連果皮清蒸一流。 XO醬炒班球-魚肉炸過再加人xo醬炒已經好入味鮮甜👍👍👍

今日本來攞左半日假同姑姐姑丈接風, 帶佢地去西貢老公相熟嘅海鮮店食海鮮, 不過由於飛機延誤, 去到佢地下榻間酒店時已經5點半, 老公提議我地改去灣仔嘅一番風味食呢度嘅海鮮餐。老公6點半左右收工到酒店帶我地走過去, 餐廳位於灣仔道, 人流車流都好多, 門面設計簡約之餘亦都好有風格, 不過如果唔係老公推介, 單從店名同門面設計, 我地經過都未必會知道呢度係一間以海鮮聞名嘅食店。我地4個人點左一個4人餐, 連同2款前菜共有8樣食物, 4個人share好夠食。😙晚市海鮮套餐 1088餐前小食有篙筍同雞絲, 味道唔錯, 微微辣嘅篙筍都幾惹味。黃金軟殼蟹軟殼蟹外層好香脆, 蟹肉夠飽滿, 帶有香濃咸蛋香味。xo醬炒斑球斑球好嫩滑, 用xo醬炒香, 魚味好濃。👍花彫蒸圍蝦蝦好大隻, 鮮味濃郁, 而且富有酒香, 特別美味。果皮蒸鮮鮑鮑魚厚肉, 口感彈牙, 味道唔錯。招牌羔蟹粥羔蟹粥燈黃色充滿蟹羔, 以原隻羔蟹煲成, 粥底鮮甜, 啖啖都食到鮮甜濃郁嘅蟹羔。蒜茸炒時蔬菜嘅份量唔多, 不過蒜茸味濃, 好惹味。我地4個人食呢個餐因為實在太豐富, 最後捧住個肚都仲要打包部分走。😅餐牌

今日本來同老婆回老家陪爸媽食飯, 不過媽媽中午通知我因為屋企停電所以要改出街食。由於爸爸好鍾意食蟹, 加上我地剛好係4個人, 我第一時間諗起灣仔呢間羔蟹粥非常出色嘅”一番風味”, 之前同老婆去過, 羔蟹勁鮮甜, 相信爸爸一定好鍾意。我地7點未夠已到餐廳, 客人未算好多, 不過7點後就開始多人, 餐廳裝修簡潔明亮, 座位寬敞, 4人卡座尤其舒適。餐牌設計簡單, 不過款式種類都唔少, 當中最吸引係4位用嘅晚市海鮮套餐, $988包括羔蟹粥, 蝦, 鮑魚, 軟殼蟹同斑球, 價錢相當貼地。👍晚市海鮮套餐(4人前) $1088餐前小食餐前小食份量都唔少, 有2款, 分別係篙筍同拌青瓜, 青瓜口感爽脆, 篙筍帶有微辣, 惹味又醒胃。 😊招牌羔蟹粥餐廳招牌菜羔蟹粥相當有水準, 羔蟹蟹膏飽滿, 濃濃嘅蟹膏熬底粥底呈金黃色, 每啖粥都食到香濃嘅蟹膏香味, 蟹肉肉質結實, 非常鮮甜, 大大煲4個人share都食得好滿足。😍黃金軟殼蟹軟殼蟹以咸蛋黃同牛油避風塘炸香, 蟹殼都非常鬆脆, 蟹肉飽滿爽口, 台香味濃, 香脆可口。👍果皮蒸鮮鮑老婆最鍾意呢個蒸鮑魚, 鮑魚大大隻, 富有彈性, 沾滿果皮香味, 鮮味濃郁

幾位很久都沒有聚餐的舊同事忽然又在群組活躍起來，約了今日收工食個晚飯，回味一下以前放工一起大魚大肉的日子。幸好我們四人都是海鮮精，所以選擇餐廳時就不用考慮太久了。看過很多食評都讚賞這間一番風味的蟹粥，位置又方便，所以沒有考慮就訂位留座了。餐廳的裝潢都很有風味，有種懷舊的風味。入座後見到有個四人餐價格便宜，而且我們想吃的菜式都有，就直接下單了。首先想不到前菜的份量都如此多，職員先上拍青瓜及拌雞絲。絕對不只餐前小食的份量，而且味道都不錯，青瓜清爽。拌雞絲帶點微辣，很開胃。而星洲辣炒軟殼蟹的份量都不容忽視，每人可以分到一整隻軟殼蟹，軟殼蟹炸得香脆，而且醬汁只屬微微辣，酸酸甜甜的味道更加突出，跟炸軟殼蟹非常配合。而避風塘炒蝦的殼炸得很鬆脆，所以可以連殼食，更加食到避風塘嘅風味。而且蝦身都相當大隻，肉質爽口。連入面的炸薑都好好味，值得一試。食完油炸食物就上蒸的菜式。欖豉龍躉球的魚肉很鮮甜，而且蒸的火候控制得好好，保留到滑嫩的口感，而且醬汁的味道帶點甜味，連平時不太愛食魚類的朋友都食得津津有味。蒜蓉粉絲蒸蟶子都相當出色，蟶子口感彈牙，帶甜的醬油汁加蒜蓉的味道好好，粉絲將醬汁的味道完美地吸收。蒜蓉炒

快到中秋，總要和朋友吃團圓飯。難得做節就要吃點好料，選了一間價格合理的中餐館～在銅鑼灣收工大概十分鐘就到了這家在灣仔道的餐廳。門面有別於傳統的中菜館，裝修比較簡約和新派。餐廳主要以海鮮為主打，牆上亦有餐廳的推介菜式～剛好這裡四人海鮮餐，所以我們也懶得想了，就來一份套餐。連同兩款餐前小食，一共有八款菜式，當中大部分都是海鮮，夠豐富了吧！前菜先有一份拍青瓜，很爽脆，加上特調的醋和醬汁，十分開胃～前菜還有手撕雞，帶點微辣的涼菜～接下來就進入重點的部份，羔！蟹！粥！看到金黃色澤就知道有很多蟹膏吧！蟹膏都溶入了粥裡面，蟹膏甘香而蟹肉極鮮甜～蟹超大一隻，除了多膏外，還很厚肉，就算四人分也一定夠吃！除了蟹以外，套餐還有海蝦～避風塘炒蟹就吃得多，避風塘炒海蝦也是第一次吃！避風塘的精隨就在滿滿的炸蒜酥，味道還帶點香辣～蝦肉彈牙，酸上炸蒜酥很好下飯！蒜茸蟶子皇原價也要$58一隻，套餐就已經有四隻了，很化算～稱得上蟶子皇就是很大隻啊！蟶子洗得很乾淨，不會有沙。而粉絲就吸收了蟶子的鮮味和豉油精華，的確是不可或缺的配角～不過粉絲有點硬，如果可以蒸得更軟更透就更加分了～除了傳統的海鮮，還有fusion菜～這個星洲

約左朋友一行四人去食個晚飯，大家都不約而同想食蟹粥，來到灣仔一間港式菜館食海鮮啦～我地揀左一個四人餐，呢個餐有5款海鮮，2款小食，1款蔬菜。小食方面有雲耳同雞絲粉皮，雞絲偏辣但係令人好醒胃～星洲辣炒軟殼蟹有4隻，都好大隻好香脆，上面的醬汁有蛋花、作為第一道菜甜甜酸酸令人都開胃😄蒜蓉粉絲蒸蟶子蟶子比我想象中大隻，好新鮮，咬落爽口，粉絲最妙之處係吸晒蒜香同蟶子鮮味，正到！避風塘炒海蝦海蝦都用大隻的，成碟都有9至10隻左右，煮得香脆惹味，我直程連蝦殼都食埋😂欖豉龍躉球有多塊雲耳盡吸龍躉、欖角味道，龍躉好滑好鮮，時間蒸得剛剛好☺️招牌羔蟹粥，主角出場實在不得了，好大隻羔蟹！羔多到成煲粥都變成金黃色，肉質夠實唔係水蟹，每啖都係啖啖肉，超級美味！下次再來都一定要再食！另外仲有一碟炒菜，好香蒜味，夠新鮮乾淨，炒得香～～最後埋單每人二百幾蚊，成到羔蟹粥同咁多海鮮，好抵食👍🏻

成日都想食海鮮但又唔想去到西貢呢d偏遠地區，叫朋友諗諗計，於是佢地帶左我黎呢間灣仔小店食餐勁！放工黎到都八點幾，睇完menu好多都想食，特別係黃金蝦！但見隔離枱個四人餐好似幾正咁，於是我地決定跟風！XD餐前小食都有兩大碟，仲要味道唔錯。木耳個碟酸酸地幾開胃，青瓜雞絲辣辣地走惹味路線。先黎軟殼蟹，四大隻卜卜脆！佢配埋個辣汁一食齊，好balance, 唔會覺得好油。蟹粥真係超正！碗粥同d蟹羔溶合左，重點係隻蟹，勁鮮甜勁多肉！我係不重顧儀態咁拆左差唔多成隻蟹。XD避風塘蝦，都幾多隻蝦，好惹味。蒜蓉炒菜，呢個較為普通，但食返d菜balance 下都好。蒸蟶子係全晚第二愛，蟶子大隻彈牙新鮮，d粉絲同蒜蓉一齊食真係無得頂。最後係蒸龍躉，呢個真係要趁熱食，魚凍左會冇左個鮮味。侍應姐姐好好咁幫手分蟹粥，大家唔使爭～

今晚朋友提議食海鮮，初時以為係去西貢or屯門三聖，點知佢地話灣仔都有得食，咁就緊係去試試啦😍😍（今次4個人食，可以試多啲唔同種類嘅野😋）黃金蝦🦐一上碟，大家都嘩左，因為佢比出面嘅黃金蝦大隻好多！我地二話不說即刻拎嚟食，哇！好脆呀，又勁重嘅咸蛋味，又唔油，我一口氣食左兩大隻，蝦頭、蝦殻通通食曬😆😆招牌羔蟹粥🦀服務員捧住一個瓦煲，一開蓋，見到一個好大嘅蟹蓋，初時以為個蟹蓋可能係裝飾，點知原來有好多蟹羔係裡面，我和朋友當然一齊開心share啦😝。至於個粥底，又真係好好食，雖然未去到好綿，但因為佢係用一隻羔蟹去煮，所以都特別鮮甜！😋欖豉蒸斑球🐟斑球好大塊、肉好滑、魚皮好爽口，正👍🏻脆炸牛腩🐮原來佢地係用牛坑腩炸，超好味！一咬落去係半肥瘦嘅牛腩，完全唔韌，最最最緊要係唔油！😎

想食大排檔小炒又唔想坐大排檔行過見到有間裝修懷舊既餐廳就一心試下門口見到佢地最出名既係蟹粥當然就會點黎試下啦另外仲點左雜菌炒豬肚同埋蒜茸聖子先黎既係雜菌炒豬肚鑊氣都幾夠D菇都好香仲有加辣椒炒所以好香好惹味再黎既係蒜茸聖子先試上面既粉絲都幾唔錯唔會太軟身聖子唔會煮得太老同唔夠味配有炸蒜一齊上別有一番風味最後係大大窩蟹粥雖然係2－3人份量兩個人食真係有點誇張份量勁足粥地本身唔會水汪汪入面既蟹都係可以慢慢食有膏又有肉食完大滿足

今日係灣仔放工，同班同事想搵D中菜食但又唔想食大排檔同洒樓，就上網搵左呢間一番風味，8點鐘入到黎唔洗等位，坐底一打開個餐牌就已經被第一頁吸引既菜式吸引住，就係招牌蟹粥，其後我地重叫左黃金蝦、脆皮牛腩、欖菜蒸班球、上湯時菜.......黃金蝦先打頭陣，蝦連頭一齊炸，再加上鹹蛋黃漿，入口一D都唔粉，連蝦頭都食得，之後重頭戲就黎啦，糕蟹蟹粥，一開蓋撲鼻而來好香既蟹味，個粥不但好足料，用足一隻糕蟹煮，侍應幫我地分個陣，每一碗都有蟹糕，成碗粥有好有蟹味，值得反食繼而黎左味班球，魚都係新鮮，食唔到有腥味，之後個牛腩好有驚喜，我未試過咁樣食牛腩，外脆內軟既感覺真係好正，無幾何食牛腩會有呢種感覺，最後既時菜可以清一清腸胃，上湯一D都咸，食完都唔覺口渴！

行開灣仔做完運動，同埋啲朋友仔一齊食飯，朋友推介依間嘅水蟹粥好好食，所以我地試吓先，叫咗個招牌水蟹粥，四個人每人可以有兩碗，一黎到見到個水蟹粥顏色已經好吸引，仲好大隻糕蟹，蟹粥好鮮味，非常多蟹膏，整整一隻糕蟹去煮，個粥索晒糕蟹嘅精華，另一個，叫左脆皮牛腩，炸得好香脆，牛腩鬆軟吾so，黃金蝦，炸得好香脆，連嗰啲皮都食得，勁香鹹蛋味，正到爆，回味無窮，欖菜蒸斑球，魚鮮甜，吾腥，斑球大件冇骨，配上欖菜一絕，上湯菜心，菜心爽口，正，而且服務很好👍🏻

充滿懷舊中菜風情既餐廳主打海鮮套餐 幾豐富同埋抵食晚市海鮮套餐 $988/4位首先有一系列既餐前小食市面比較少食到既貢菜仲有陳醋拍青瓜食落清脆爽甜招牌羔蟹粥採用肥美鮮甜嘅羔蟹除咗啖啖肉仲有非常濃厚嘅羔 甜到不得了粥底都煲得非常綿 好高質素避風塘炒海蝦海蝦都幾大隻 分量十足食落好惹味刺激 令人回味蒜蓉粉絲蒸蟶子超級大隻嘅蟶子 鮮甜爽口加上粉絲吸哂海鮮嘅精華 超正星洲辣汁炒軟殼蟹軟殼蟹炸得非常香脆而且咬開非常好肉 令人滿足如果醬汁可以辣一啲就更好欖豉蒸龍躉球非常出色既一道菜式烹調時間得宜 魚肉鮮嫩是晚蒜蓉炒時蔬係菜心清甜有益 簡單而美味

今天一早在灣仔辦證，辦完證就回大有商場那邊吃飯。灣仔和中環一樣，午飯時間人頭湧湧，相當嚇人。於是早點吃飯，避免擠迫。行過灣仔道，有間地舖，不太顯眼，叫一番風味，有多款簡單午市套餐，於是進去試試。一番風味佈置簡簡單單，擺設整整齊齊，環境舒適。叫了午市套餐咕嚕肉和蝦膏海鮮炒飯。咕嚕肉配飯，屬街坊小菜，炒得火候十足，咕嚕肉肉厚嫩滑，肉汁豐富，配上洋蔥、青紅椒和菠蘿片，炒得酸甜惹味，十分開胃。蝦膏海鮮炒飯，即叫即炒。材料有鮮蝦、鮮魷、蛋絲和蔥花。夠大碟，份量十足，飯炒得粒粒分明，爽而不乾，加上鮮蝦肉和鮮魷亦夠鮮甜彈牙，水準不錯，惟稍嫌蝦膏味不足。另加錢叫了凍奶茶和凍檸茶，味道不過不失。

來到週末，今日行程非常緊湊，先去灣仔覆診，然後去尖沙咀提取蛋糕，夜晚再去筲箕灣朋友屋企攞月餅。喺診所拆完線，小鬼來電問我是否有空，原來這個鬼靈精，下晝要去會展出席 2018 Hong Kong Law Fair，趁中間空檔，想陪我吃午飯。記得灣仔道有間食膏蟹粥好出名嘅粵菜館，店裡嘅午市套餐，非常抵食，反正店子離診所不遠，提議去哪裡開餐。餐廳門口貼有 Lunch Set Menu，另外亦有午市商務套餐、下午茶餐同晚市海鮮套餐嘅餐牌，價錢一目了然。入座後先細看餐牌，午市套餐項目非常豐富，共有 16 款選擇，而且價錢十分經濟，由 $52-$78 不等，仲要免收加一。不過如果要另點熱飲，就要加 $4、凍飲或汽水加 $6、鮮搾果汁加 $12、足料老火湯加 $6，而白灼時蔬則另加 $12。就簡簡單單，一人一個餐。小鬼點了黃金蝦球 ($68)，而我就揀咗 XO 醬野菌炒豬頸肉。套餐會跟白飯一碗，蝦球用搓爛的鹹蛋黃包住，外形飽滿，色澤金黃冶艷，光看賣相已令人食指大動。挾起一件入口，蝦球結實爽甜，啖啖肉，非常彈牙，食落帶濃郁的鹹蛋黃甘香，膽固醇極高，邪惡卻十分好吃。，我點的 XO 醬野菌炒豬頸肉 ($5