一碗一串

營業中

休息中

中環OL午餐黎過都唔少次，這間店很多年，小小的空間，餐桌也小小的，在蘭桂坊附近的士丹利街一幢很多食肆的大廈。Quick lunch 之選。Menu 選擇也不缺。之前比較多食五色蔬菜烏冬同埋蟹肉手打稻庭烏冬。今日天氣熱，選擇了E餐，花雕醉雞拼飯，蔬菜份量也很充足（今次有翠玉瓜、茄子、椰菜等等，仲有小杯的一口茹片熱湯），飽肚也很均衡。Set lunch 附送飲品，選了熱咖啡，是日式的。串燒之前也試過，印象中燒粟米、海鹽雞翼是不錯的。

約咗三位靚女去中環食lunch,揀咗呢間樓上舖,貪佢冇地舖咁人多擠逼,順便試下啲烏冬係咪咁正先。Lunch 餐牌每樣都過百蚊,食烏冬都要咁貴,一定要試清楚係咪真材實料。四個人一致決定全部都食signature dish -- 鮮蟹肉蟹黃油煮手打烏冬。唔……果然名不虛傳! 成碗烏冬嘅source都係黃咁咁結撻撻嘅蟹皇芡汁,充滿著蟹肉同蟹油味。其實可以話係冇湯,因為成碗都係好杰嘅蟹黃芡撈埋新鮮蟹肉同免治豬肉,由於蟹肉嘅比例一d都唔少,加上侍應一早遞左樽黑酷用嚟撈烏冬,提升咗成碗烏冬嘅鮮味。烏冬食落煙韌韌,又唔會太淋,好ok。大家都食晒成個烏冬,一滴不漏。不過,烏冬加餐飲,加埋一就要二百大洋,就麻麻地滿意囉。

🍽 Inaniwa Udon With Crab Meat And Pork Meat In Crab Sauce💰 HK$178 (Lunch, 10% service charge)My favorite udon restaurant in town🤭🤭 This crab udon has tons of crab meat in it and the sauce was so rich. Adding a bit of vinegar in order to enhance the flavor~! If those who doesn't like to remove meat from the crab shell, this is a must go place to visit!

由於想食啲有關海鮮類嘅食物，所以就搵咗一間餐廳試吓睇到佢嘅蟹黃烏冬好出名，所以就嚟咗試吓！佢之前因為怕lunch time要等位，所以就訂咗位先。去到大概12.3都仲未有人但係12:30就已經滿晒人😂海赤蝦煎魚柳濃蝦湯泡飯($148)🦐我本身好鍾意食龍蝦泡飯，如果係餐廳見到有泡飯我都會叫黎試吓😂個蝦湯好鮮味好好食，啲🍚飯吸晒所有嘅汁，所以每一粒飯都充滿下嘅香味好好味，另外上面仲有蝦同埋魚柳🐟，隻蝦都好彈牙，但係只有一隻略嫌少咗啲😢，魚柳就一般，因為煎好咗放上去，先落湯搞到塊魚柳濕晒😣，同埋個味道鹹咗少少😅。如果可以好似出邊餐廳咁加番啲米脆我諗會更加好食😋😋鮮蟹肉蟹黃油煮手打稻庭烏冬($178)🦀今日嘅主角就係呢個蟹黃烏冬，一上枱見佢份量都好多，食落口有好重嘅蟹膏未同埋佢嘅蟹肉份量都唔少👍🏻！絕對可以夠攞嚟撈勻成個烏冬，其實仲有啲可以剩低就咁食🤣但係蟹肉蟹黃落咗啲薑我，估係攞嚟癖腥味。但係我覺得其實冇薑味會更加好食，可能我唔鍾意食薑🙈。但係呢一個烏冬整體來講係絕會票價💸午市套餐個包飲品一杯，每位人客最低消費$128。推薦？🟡🟡🟡🟡⚪️，味道好好同埋好足料唯一嘅缺點就係價錢比較貴。🎈一碗一串

🍽 Inaniwa udon with Crab meat & Pork meat in Crab sauce💰 HK$ 178 (lunch set, 10% service charge)One of my canteens in Central for lunch with high quality🦀 sauce udon! The sauce is so rich and with a slight amount of vinegar the whole flavour elevates to another level 🤤 Fresh crab meat is carefully extracted out of the shell and mixed in the sauce so you won’t need to get your hands dirty. Don’t forget adding extra udon to enjoy all the sauce even tho food coma will definitely kick in 🤣

Lunch time 想試試一碗一串出名既蟹肉蟹黃稻庭烏冬, 好彩打左電話book枱, 黎到已經9成full。建議黎食之前先打個電話, 咁就唔會無位啦蟹肉蟹黃稻庭烏冬無令我失望, 個蟹肉蟹黃份量係無諗過咁多, 而且食到有不少蟹膏, 味道就可以再香口d, 但總體非常不錯喜歡蟹黃既朋友可以一試呀加埋一around $200一位, 價錢略貴。另外有d奇怪食評不少comments 話服務唔好, 反而當日就算爆場, 服務都好好, 又好貼心提議幫我地野飲少冰。可能服務員已經換左一批了。

本身喜歡蟹黃，看了雜誌的介紹 ，看似很高質，自己也很喜歡澎湃的蟹黃，特意到來一試鮮蟹肉蟹黃油煮手打稻庭烏冬午餐來說價錢真的比較貴，不過蟹黃的份量的確很多，算是值回票價🦀 蟹肉頗多蟹味不算濃郁🥄 黑醋必落 消膩兼帶出更多鮮味🙄 這個明顯高質完勝但我竟然比較喜歡沙嗲王的多一點

第一次食呢間，係樓上舖，唔係同事帶我黎都唔知有呢間野，12:00 左右去比較清靜，之後都開始多人，見到menu d菜式幾貴，最平都好似要$148，今日我就試左A餐咖哩蠔蛋餅飯，一黎到我嚇親，因為好大份，個蠔餅好似pizza咁大，但碗飯又好細碗，咖哩唔辣既正正常常，蠔餅幾好食，但冇咩蛋香，少少腥味，但都接受到，最後我都食唔哂，兩個女仔食就差唔多。服務態度都值得一讚，侍應主動幫我放好把遮，又幫我拉等，仲俾個信封仔裝口罩，幾貼心。

依到嘅lunch選擇都算幾多每款都係百幾蚊左右見好多人嗌龍蝦湯泡飯，不過泡飯又唔係好啱我🤔我都係揀咗個蕃茄烏冬炒蛋肉碎蕃茄蓉湯稻庭烏冬 $128 望落好好濃郁，聞落都好香嘅蕃茄湯😳而炒蛋就夠香夠滑稻庭烏冬就正常質素啦~依個餐有一份肉可以揀雞/魚/豬咁我就揀牛肉粒串燒 (+$38) 但係。。。好失望耶~好油又偏鞋至於飲品我就揀咗凍柚子蜜淡到水咁整體嚟講，依到坐得幾舒服，嘢食正常質素，價錢唔特別平另外就係份量都幾小食完都唔係好飽

WFH前同事帶我食既donka🍜又真係唔錯woo😙下次要帶大食仔黎試下！·🦐韓國小辣汁 大蝦、石班柳稻庭烏冬（$178）雖然donka出名蟹肉意粉，但我唔食得蟹唯有點蝦🧏🏻‍♀️湯底完勝，好濃郁好好味！😋😋😋辣度愈食愈出～大蝦開邊，容易起肉🤤跟餐配餐飲.奶茶都不錯啊.·🐟煎石班柳 鮮甜濃魚湯稻庭烏冬（$178）同事點的～試左啖，濃魚湯底鮮甜😋愛清淡的必點·價錢略貴，份量唔算多～超肚餓果日千期唔好食🤣·📍一碗一串中環士丹利街11號11樓

約咗同事食lunch，同事話想食日本菜，一於就去依間一碗一串，因為印象中係唔需要等位嘅。嚟到一睇，真係好彩，lunchtime 都真係唔使等位，好快入咗去坐。入面嘅空間唔太大，坐得比較密，但係未去到擁擠嘅地步。叫咗炒蛋蕃茄用肉碎稻庭烏冬，跟餐可以選擇雞扒，牛柳串，炸魚柳等等。我揀咗雞扒。一食落去，佢嘅蕃茄蓉湯底非常美味，稻庭烏冬真係冇呃你，係真正嘅稻庭烏冬，非常有有趙口，滑蛋亦都好滑。總括而言，烏冬我會比滿分。雞扒就有啲太粗鞋啦，可能下次會揀牛柳串。

喺中環番工, 經常周圍覓食, 今日Blue Monday就梨左呢間餐廳食lunch, menu唔算多選擇, 但都勝在多元化, 至於價錢都係中上睇完menu又再望下隔離台, 都好多人叫左個橙橙地色、賣相好靚既烏冬, 咁即管跟風試下啦蟹肉蟹黃油煮手打稻庭烏冬上枱, 未食落口已經聞到好濃既蟹膏味, 份量絕對足夠, 而蟹黃油都滿佈成個碟, 所以每一條烏冬都沾到蟹黃油, 每一啖都好juicy, 烏冬就正常standard, 都算滑身至於蟹肉其實都唔算多, 但overall都唔錯  

蟹肉蟹黃油稻庭烏冬($158)食肉蟹未必太多膏, 食膏蟹又唔夠啖啖肉, 呢個烏冬就一次過滿足愛蟹之人兩個願望, 盡情鯨吞蟹黃蟹肉。蟹肉蟹黃撈埋一齊煮, 蟹黃濃郁得黎又不失蟹肉質感, 一個字: 豐富! 因為用了上盛的稻庭烏冬，麵方面有質感亦彈牙, 軟硬適中。夾起烏冬, 見到麵條上掛滿厚厚既蟹黃, 真係望到都覺得幸福 (>﹏<) 158可是午餐價格, 而且份量亦未必可以餵飽精壯的男士們，雖然價錢不算便宜，但所謂一分錢一分貨，我而覺得人一世物一世，都要試下！

今日小編又出發食好西既時候，本來打算食KIKUSAN，因為有D同事未試過，雖然小編都LIKE但略嫌冇新意，好彩有位同事話唔想排隊，所以我地拉大隊去幫襯DONKA， 小編聽聞同事話呢間既蟹黃蟹肉稻庭烏冬好味，當然想去試下啦。好開心，又有新野試。但食過之後真心覺得好一般，好一般既原因有三，一，烏冬頗軟身，二，蟹黃唔夠，三，味道唔濃厚，既食唔到鮮味，又食唔到好濃烈既蟹味，雖然蟹肉都唔算少，但整體而言味道頗一般，可能小編覺得價錢唔係平，對佢確實有幾大期望。總括而言，ENCORE指數唔夠，小編見我同事點既石斑魚湯烏冬賣相都頗DRY， ANY肥，呢個價錢其實有好多選擇，可能仲未系食蟹既季節啦所以蟹黃蟹膏都唔夠多，亦唔夠鮮味！

呢間店既《海赤蝦煎魚柳濃蝦湯泡飯》非常美味，得閒都會上黎食下。之前造訪都冇咩問題，今日中午12:25上到店鋪先拿個兩人位，朋友遲小小到，當時店中只有4成滿，一坐低帶位阿嬸毫不客氣話：叫你朋友快d到，今日好多人😯😯😯呢度係茶餐廳嗎？？？