一粥麵 (東堤灣畔商場)

營業中

休息中

星期天早上人不算非常多，落單早餐時間10.49，取餐時間竟然等至11.15，足足等了26分鐘 😩 如果想吃過快早餐的朋友仔，請切勿來這裡。 快餐店要等差不多半小時才有食物，還是第一次 🙄

今次買兩份外賣，取時已覺得少咗D野，叫个職員打開check吓，佢话齐啦齐啦。我堅持话真的不是咁少，佢無奈打開包裝check，對住張單check真的少了兩樣😡佢若無其事叫人比番完全沒有歉意。若果唔check清楚返到家才發覺就一肚氣🤬都不是第一次了😤😤大家到這間分店買外賣真的要check清楚呀！

今日中午買咗外賣，凍奶茶差唔多飲完發現有曱甴！！！餐廳通常一大壺茶沖好多杯奶茶檸檬茶等，好難想像呢隻曱甴到底浸咗喺裏面幾耐。發現之後立即通知一粥麵客服, 隔咗一段時間打返俾我, 話係因為餐廳前幾日做清潔所以先會有曱甴，同埋會賠償現金券。我真係多謝你, 留返俾你食啦！到底你哋餐廳有冇諗過我感受？乜餐廳淨係最近先清潔，平時唔清潔嘅？清潔完反而有曱甴喺奶茶，都唔知係咩道理！我以後都唔會再食，亦會叫朋友唔好食！大家如果唔想加料，就要慎選餐廳啦！直到而家寫呢篇評論嘅時候我都覺得好嘔心，個心好唔舒服

今天游完水，在東涌時剛好是午餐時間。很久沒有到這間連鎖式的快餐集團，一向覺得質素不差，於是便到東涌這間分店食午餐。午餐的款式很多有雲吞麵、魚蛋麵、墨魚片頭墨魚丸粗麵，又有各種粥品，例如碎牛粥、豬潤粥、皮蛋瘦肉粥，還有艇仔粥腸粉套餐等等我最喜歡吃牛腩，叫了牛腩粒河，份量頗多，牛腩少少肥，正好滿足我的慾望。食落夠晒味，細細粒一啖一口，甚為好吃。河粉沒有過冧，湯底做得不錯。腸粉非常滑，雖然是連鎖快餐店，但質素絕不差。食腸粉最重要是醬汁這個甜豉油，味道不錯，放在腸粉上錦上添花。$44的價錢來說，價性比甚高，十分抵食！炒飯也多料👍🏻

帶小朋友去東薈城玩，餓了一起點了三個下午茶套餐，一個烏冬，一個面，一個河粉，服務極其混亂，出單出菜品不是按照先來後到的順序，不知道是按照什麼邏輯順序，可能是按照分配菜的那個人心情而定！小朋友喊餓，我就一直等待在出餐櫃檯前，看著準備拿，第一份餐等待了差不多15分鐘，出了烏冬，然後讓小朋友先吃，想著一起下單的，應該也很快了，就回到出餐櫃檯等。 然後。 。 。 就基本沒有然後了。 。 。 等待了又有20分鐘，忍不住了，和櫃檯的人問了一下，會不會是漏單了，為什麼面和粉這麼久了還不出？ 說是還沒，讓再等，又乖乖的再等了15分鐘，實在忍不住了，我們後面連續5個單號的也出單了，而且還是和我們一樣的河粉，就是沒有我們的號，就又去櫃檯質問了，任誰等待這麼久也不可能還能保持心平氣和的了，還有位“受害者”和我一樣的，還在等，排我們後面的好幾個號都已經出了，還要是一樣的河粉套餐，就是那種我是3號，但是後面5-8號都已經出餐了，還要是完全一樣的河粉套餐，真是幾把火。 。 。真心很嬲，櫃檯是一個染全頭黃色頭髮的中年女人，態度惡劣，要理不理的，極度不負責，這樣的人也能做餐飲，真心覺得一粥面需要好好做一下

超級差，外賣1個粥和腸粉，等足1小時都未得，問男職員係咪飛左單，佢竟然回答（留意顯示牌，請耐心等候），跟都唔幫手跟張單，只顧出堂食客先，真係火都黎埋，立即去收銀台退款，呢間店我以後都唔會幫襯，非常差。就算即刻煮都唔會等成1小時啦，餐廳內顧客又不是多，場內有好幾位顧客都係等等等，他們上前問男職員，都是答請耐心等候，跟鐇音機1樣回覆，完全沒有服務態度，大家如果係有好多時間而又不是太肚餓而又想打發時間，呢間絕對適合。

2個粥，1個炒麵，一路都係製作中，等左差唔多1個鍾，個單號突然唔見左埋去問佢，原來係左出餐，但個no.從來無出現過取餐個電子板到，個餐無人包，個外籍阿姐靜係響到包煲仔飯，我個係一早出左無人理，間野單又唔係多，人又唔多，員工足夠，但個個超慢做野，眼見枱都無人執，勁唔得最後紅豆冰變紅豆水，粥變凍粥

未食完服務員嬸嬸已經係度執, 同人講呢度走喇可以坐, 比人趕走咁, 想坐多2分鐘都唔得, 講緊食個餐我只係用咗15分鐘。出菜又慢, 貼錢買難受。有得揀唔好食呢間, 食到成肚氣。

如趕時間，尤其係返工時間，千祈唔好入去食，一個早餐起碼等15-20分鐘，執野又慢，有枱都無位食，基本唔夠人時間耐左，面包又凍晒，成日漏比餐具牛油，個別員工態度有待改善..

出餐伙記勁差態度，用龜速極慢出餐，野食凍晒🥲花錢買難受。無限個客喺度乾等，淨係識講師傅做緊，明明睇到啲嘢食已經喺後面準備好晒，一碗雲吞麵等咗40分鐘，食到入口啲面已經浸到發脹。我覺得自己同啲麵都冇錯，點解要互相傷害。✅呢位出餐伙記懷疑係對手派來嘅臥底，專門倒米。（了解清楚垃圾餐廳到底是一種怎麽樣的存在，是解決一切問題的關鍵。我這幾天一直在思索這個問題，那麽，生活中，若垃圾餐廳出現了，我們就不得不考慮它出現了的事實。帶著這些問題，我們來審視一下垃圾餐廳。垃圾餐廳真的是很值得探究，其實垃圾餐廳是非常值得我們深思的。）

11月1日下午3點10分左右，念住去買個外賣。個收銀話前面有客買左50個雲吞麵，話要等耐小小，50個唔係咩大問題，本人叫佢可唔可以幫手叫廚房一邊做50個張單，其中一d/一個比左我先，咁樣佢哋就可以一邊做大單生意又可以比到其他客人，一舉兩得，點知個收銀同我講佢無能力，無權咁做。難聽d講句真係幫公司倒米，我都係念住唔想太影響佢做生意俾個提議佢佢都可以唔接受連爆機講一講都唔肯，真係嬲左，講完廚房唔做廚房問題唔係佢問題我冇咁嬲。

手機預先落單，顯示20分鐘內要取餐。但足足等咗超過35分鐘兼三催四請先至有餐出。啲職員還要錯漏百出，完全唔睇單執漏雞翼和糖水。工作人員非常懶散, 慢動作🤬話知你出邊排曬長龍.

咁熱天氣行完山特別想食凍野想起紅豆冰係東涌市中心都冇咩有得食朋友突然諗起有一間有紅豆冰即刻唔洗諗去下午茶有個特價餐細蓉 + 紅豆冰 $29 👍🏻真係fit配合呢餐出名中式麵都有三粒大雲吞😋

最近都有唔少廣告的羊城牛肉腸粉$20第一次食一粥麵既早餐腸粉喜出望外地咁好食😋因為係最鐘意既皺皮腸粉而且腸粉分量十足，食完都好滿足👍🏻涵料方面係碎牛肉，仲有加入小小蔥花令味道更香口👍🏻腸粉不能缺少醬料會有外賣獨立包裝既甜醬、麻醬和豉油可以隨意加入自己喜愛既醬料～

本人好少寫食評，但今次真係有感而發，仲記得上年2020去一粥麵食煲仔飯真係好出色，係香港黎講真係算好Top既質素，無論材料同味道都好有層次，所以今日抱住希望去食今年第一個煲仔飯，估唔到係失望到一個點……首先~煲仔飯個煲今年細左好多而且好似物料都有少少唔同左既感覺，所以份量比上年明顯細左好多，而Ｄ飯就好似食緊蒸飯咁，又爛又無香味，個底亦完全無飯焦，整體感覺係完全變左質！材料感覺味道亦變得好普通，上年食材料真係好新鮮好有層次，今年就連條臘腸都轉埋，一個普通食客都食得出有幾大分別，佢地既煲仔飯2020年我會評90分而今年2021係只有40分，一粥麵管理層真係應該認真去管理一下為何食物質素會差左咁多，希望你地日後會作出適當改善！