一線軒雲南桂林過橋米線 (已結業)

因工作關係要到太古坊工作尋尋覓覓飲飲食食一日午飯時間走過一線軒人多得擠不進去店內店外都盡是人加上我是個米線痴決意要試一試一早12點3去到已經滿座一會兒落單點了小辣乍醬腩肉腐皮小鍋米線腩肉少得可憐乍醬味道淡,只是多油腐皮中規中矩但太煮得太久米線卻太硬煮得不夠時間湯底亦太淡.....就是普普通通.....米線...還是深水埗的好~

愛吃這裡的腩肉牛肝菌米線 (中辣)湯底: 酸中帶辣，又酸又辣但不會令你的舌頭麻痺，對我來說剛剛好腩肉: 入味和爽口牛肝菌: 滑滑的，比較特別的菇類。吸了湯的味道，好吃!配豆漿 服務和坐位都不好，但係"預左"。所以能夠接受，吃完就走

金牌腩肉大腸米線(少辣)腩肉太廋，非常薄切，無咬口，不過都算入味，作為招牌菜不合格。大腸直頭係差。少辣湯底，都OK，當然味精就無走雞。整體是有神無髓，最好味係罐裝汽水。太古坊無咩酸辣米線店，所以就算位置奇差中午生意都好到不得了。太古坊食店的水準真係阿水都係大廚。

本人在鰂魚涌返工, 每日lunch時間最頭痛, 因為每一間鋪頭都是人山人海!!但是每次食不同既鋪頭, 都為咗填飽個肚, 都唔會太介意好唔好食, 只要唔係太難食就ok!!但這間米線, 食完後會令我覺得好好食, 想再去食. 我和我的同事每星期都會食一次, 這間鋪頭會比較難搵, 因為係巷仔入面, 坦白講, 入去果段路感覺不太好, 但是一d都冇影響到佢既生意, 每日佢都係人山人海. 要等齊人先比你入, 可想佢地d位幾咁緊張. 我食得辣, 每次都食中麻辣, 擔佢夠晒味, 我最鍾意食佢既木耳, 腩肉. 每次都淨係叫呢兩款餸, 真係食極都唔厭!!!佢d 木耳真係好好食, 好爽, 真係唔知點解咁爽, 每次食都一定叫. 另外, 佢既腩肉又係好食,唔算太肥, 而且入味, 份量都唔算少, 真係稱得上金牌腩肉. 如果叫4個餸,先係$40蚊 , 仲包一罐飲品, 都算ok, 唔算太貴. 我都試過食佢既撈米線, 唔算太辣, 但係佢調較既咪好, 唔辣都好食, 夠濃, 所以我都唔明白點解成日有人話佢食物好啖!!!雖然佢環境不太好, 係巷入面, 但我食過咁多次, 都未試過肚痛, 而且日日多人到你唔信, 如果佢食到人地

落開太古坊, 之前一直食food court, 是日約朋友食lunch, 佢話呢度都算幾好味, 咁就試下啦叫左米線 - 有鴨腎, 金牌魷魚同埋蘿蔔鴨腎有咬口, 幾對口胃金牌魷魚就好好味, 個汁好惹味, 又唔係整到好硬嗰種~蘿蔔灼得好淋, 冇乜根, 好好味~試左朋友的腩肉一啖 (因為佢話好味叫我試) 又真係妁淋幾惹味喎~個湯真係濁左啲, 同ok 辣 (我叫小辣) 同埋唔係好酸, 但係都ok既～仲有野飲, 都係36蚊, 低!

平時lunctime 都會同事去一線軒食野. 記得第一次去嗰度時無人帶真係唔識去....要走入一條小巷先見到間鋪.lunchtime 時簡直可以用"萬人空巷"嚟形容...啲桌椅開到成巷都係, 好似條巷佢買咗咁遲一點到都無位坐, 有時更要落定單等位...我廷喜歡佢鋪裡面嘅裝修, 以紅/黑做主色, 鋪內燈光暗暗的, 加上一幅很大的"明上河圖"掛畫,簡約得來帶點中國味(裡面放著一缸魚-我諗係風水)我最鍾意食肉燕餃/腩肉米線(少辣)..雖然係急住做order, 但其味道不過不失, 再加上一罐汽水埋單都只三十多啲. 喺呢區嚟講算唔錯.

都唔明點解咁多人話呢間冇乜人幫襯,我一個星期總會幫襯呢間雲南米線一至兩次, 每次都要排隊, 連落order 都要排隊. 咁叫冇人??另外, 冬天期間最多人會坐出面, 因為鋪入面唔夠位, 要坐出面, 雖然冷, 但是一邊吃米線, 很暖胃, 都唔覺得凍.而且碗米線很入味...完全都唔覺話冇味law..只是麻辣不算太辣. 但它的金牌腩肉及木耳實在好味, 木耳很爽脆, 腩肉又入味...而且包含飲品, 實在冇得頂. 地方是不太好, 在後巷裏, 但每天都是人山人海.不錯的選擇.

二月十四係情人節, 諗住浪漫下啦,點知錢就洗左,換黎係一肚火!!! 點了2個小窩米線和2個小食。個個Waitress D服務好似無里神氣咁,上親菜都"平玲棚冷".反應個個都好似"以達"咁.食食下人越黎越多, 服務開始亂,有人等位有檯又冇人執, 食物成日要追, 於是我地拿拿聲食完鬆人, 整體食物OK，係比較油以及湯的分量不夠, 環境都唔錯，價錢中等，但服務真係要改善。成日想搵好野食,到頭來都係空歡喜多！

在太古坊附近開了家新的店子賣雲南桂林米線，店不好找，在後巷裡頭，紅炯炯的裝修在這小巷子中顯得很雅緻，開店數天後找來同事K 和J 一起去嚐一下。12.30noon 到達，侍應好像過多，都堵在走廊，說起來服務也實在不濟，招呼我們的少女侍應好像有點很慌張的樣子，我一度懷疑會有漏單的狀況，還好沒有，不過只是我們比較幸運，同桌的兩位女子就得到錯單的狀況了。這裡的餐牌很簡單，有一個自選搭配的像車仔麵，有8-10個是預先制定的。我點了自選配搭，這是肉燕餃+ 金牌腩肉小鍋米線，午膳時段送罐裝可樂或者冷豆漿，就點了豆漿來試一下，不大夠冷。小鍋米線我要了小辣的選擇(可以選清湯/ 大至小辣)，吃起來一點辣味都沒有，反而是偏酸的，失望。另外也附了酸菜，芽菜，和大量芫茜，肉燕餃是用燕皮包的餃子，是店家自己做的，味道也不錯，但餃子皮破開了，內跌了出來，感覺過於油膩。另外腩肉則好像切的太薄沒甚麼咬頭，味道像鎮江骨般酸酸甜甜。芽菜沒有先灼一下去掉腥氣則是不夠細心。買單每人約$30，也很划算。不過，也許湯料用太多香料調製，完膳後有少許胃熱情況，需要些暖飲調和。喜歡吃酸的米線可選這間，但要有心理準備衞生情況只算一般，裝修

我是第一次寫食評，真係不吐不快。經過太古坊見客，以為係土瓜灣一線軒分店，因為土瓜灣一線軒出名用料新鮮，試過幾次都覺得不錯。太古坊這間一線軒，有酸辣米線，試了中辣，有牛展和豬腩肉，另點了一客豆腐。首先，質數和土瓜灣一線軒不一樣。這裏的肉沒什肉味，應該是用冰鮮，辣味頗重手，酸菜感覺少少油壓味。豆腐算滑，這味菜好少少。其次，他用了別的餐廳名，引人誤解，問待應，一個４０幾的女人只推說他們老闆做了很多年飲食生意。HK$40幾一個餐，可以有更好的選擇。土瓜灣一線軒HK$２０－　HK$30已可吃得飽，而且配料很多。無分店又在默認，總概而言，質數一般，收費頗貴，如果想傾生意的可以選這裡，因為這間太古坊一線軒裝修可以，而且沒多少客人。

食左紅麵鴨腎，鴨腎有朕酸味，問左待應，佢話係正常，加左菜和腩肉，但ｏ的菜係苦既，試左湯，湯係確喉既，肉係硬既！！！！！係麵好少少，但湯唔熱，唔岩冬天食！加埋野飲３０幾蚊，質素差過大快活。難怪咁多劣評！

天氣好冷，想吃點暖湯，便去了這間雲南米線的店。但好奇怪，午飯時段都沒什麼人，不過很餓，便坐下來試試。都幾多選擇，但點選了腩肉，牛肝菌和菜。這店很冷，風透了入來，等了１０分鐘才有得食。米線的湯不熱，只能說暖，冷天吃真的不夠。起初吃的時候都沒什麼特別的感覺，只覺湯比較鹹和菜很淋，不爽，但都可以接受，因為有餐飲。可是．．．我回家後肚痛，係攪肚的肚痛。這裡的東西不夠熱，加上在橫街窄巷，近渠位，外在環境不清潔，可能因為水源或其他東西不潔而影響食品質數，無端端吃壞肚子，迫著要看醫生。價錢平不一定吸引人，只要好吃，有質數，多貴都會有人吃。

下午和同事去食了一個腩肉米線,口感好乾,無肉汁,配菜不夠,湯底好雜,味道太濃太辣,食完當晚係咁嗽,覺得個口好乾,都唔知落左什麼雲南配料係個湯度。一句講晒,唔好食! 難怪經常有位,都無人幫襯,唔店當。價錢不算好貴,但食物質數真係要改善,短期內無第二次。

因為最愛品嚐雲南菜，我和女朋友特為品嚐牛肝菌而去，可借失望而回，不夠入味，而且錯用湯底，蓋\了原有的鮮味，金牌腩肉亦不算出色，味道不正宗，也許\用料有關，感覺豬肉欠新鮮，整體味精很重，難怪職員不斷推薦客人要點選餐\飲。此餐\廳位置偏僻，加上人手不夠，上菜很慢，我們二人於晚飯時間等了１５分鐘。這裡的人好似新移民的樣子，說話有種口音，但肯定唔係雲南人，所以做不出正宗的雲南菜。

由於想試新野，所以和同事一齊行去呢間試下，位置很偏僻，見呢間有位就試下。點左個腩肉米線，好乾身，好一般的貨色，湯底味精很厚。食物味道偏濃，水準只係好普通。可惜地方不太清潔，好像不夠人手，拿給我們用的筷子有些許油迹，似是未洗乾旱，呢點要注意。