一芋

營業中

休息中

新年去拜年嘅時候經過呢間小店竟然有開😳仲要價錢好都幾抵就買黎試了😚質素不過不失但台式飲品買一送一真係好抵🫦🔸朱古力奶茶(半糖少冰) $25(買一送一)25蚊買一送一真係冇咩好講🤪如果要講就係朱古力粉冇溶好~未撈勻的關係所以一開頭的味有點奇怪但去到中段就正常了😆整個感覺就係貢茶~🔸芒果愛玉茶 $25(買一送一)呢個個人麻麻,偏酸同芒果有點科學味🥭🔸雞蛋糕串串 $15/2串即叫即整🔥雞蛋榚都幾軟鬆,有微微的蛋香外皮有少少脆再加上糖漿💫整體幾好食同夾,值得一試！🔸大紅大紫 $32新年期間嘅期間限定飲品就係紫薯紅豆鮮奶🤍紫薯和紅豆都好足料,奶味也幾重🥛🔸芋泥肉鬆三文治🥪$28呢個就真係一般般😶麵包冇烘過已經有點減分了,口感真的不算很好🫦而內饀芋泥都算綿密,肉鬆就正常~🤤好味度 : 6/10🔙回頭率 : 6/10 (價錢真的很吸引,經過可以幫襯)

因為外賣平台做緊優惠，係指定餐廳買滿$100可以減$50，所以係app到買咗兩碗糖水，一杯芋泥鮮奶🥛 星期六晏晝4點都要等大約都要20分鐘以上，本身以為因為好多人嗌，點知去到一個人都無🥲 呢度食物質素真係好麻麻🫨 本身係外賣平台見到啲相真係覺得幾吸引，但事實唔係咁芒椰愛玉芋圓 - 芒果甜得有啲假，我食咗兩啖，然後扔咗😲 我都覺得自己浪費，但完全唔知自己食緊乜咁😅手工芋泥鮮奶 (熱)- 少甜50%，變返正常🫡 但飲品唔夠熱，都係失分位自選百搭撈- 我揀咗凍椰汁西米，無糖，呢嗰反而係最好食嘅❤️有自製手工芋圓、椰果、乳酸爆珠，估唔到呢嗰組合都有啲驚喜‼️整體來講，可能期待值好高，所以有一定嘅反差，但用我平時嗌開少冰少甜嘅角度可以嗌走甜/半糖，真係唔會再幫襯😕 不過值得讚嘅係佢服務態度唔錯👍🏻

夜闌人靜，陪老婆在置樂散步，天氣實在太熱，遠處見到一間台飲店，所以支持下。珍珠烏龍奶茶- 珍珠不是黑糖珍珠，所以冇甜味，彈牙的- 半甜飲落似微甜- 烏龍茶味似鐵觀音整體不像那會事，價錢不值

路過買外賣，好失望⋯⋯紅豆硬，芋圓好似求其煮，硬到感覺似係淥一下就煮完放入碗到⋯⋯之前食完全唔係咁樣架👉🏻👈🏻對今次外賣好失望⋯⋯一碗都有一定價錢，如果忙煮唔切可以講聲⋯⋯

好味指數：😋😋😋😋😋推薦指數：⭐⭐⭐⭐⭐過咗嚟屯門附近食晚餐，經過附近見到有間芋圓店，買左個芋圓&飲品試下 🥤芋圓叫咗熱食，搭車返屋企半個鐘度都仲暖笠笠☺️芋泥西米奶露芋圓 $42 必試‼️糖水底唔算太甜😆配料份量勁多😍芋圓好大粒，有咬口而且芋泥量勁多，食極都有咁兩個人食啱啱好👫🏻芝士奶蓋果味四季春$35叫咗芒果味，水果味比茶味濃🥭甜度適中唔會太酸奶蓋偏稀小小，自己偏向中意濃厚嘅口感😜

在家晚飯，口痕想話食啲甜品🤤最方便一定係打開外賣app 搵食🤣又搵到間之前都想試既鋪頭，一於就呢間。.一芋芋泥芋圓芋泥好滑身，芋圓都好Q仙草唔太甜，幾喜歡竟然可以揀50% 甜👍仙草芋圓愛玉芋圓愛玉甜左啲

食完團年飯總覺得差少少咁🤔番到屋企即刻同男朋友叫個甜品爽一爽呢間真係不得了 非常高質同抵食✨最值得一讚係每個糖水都用保鮮紙包好先冚蓋👍🏻一滴不流送到面前😍.芒椰愛玉芋圓 HKD46芋泥西米奶露芋圓 HKD46糖水甜度適中 唔會死甜 即使食哂成碗都唔會覺得好滯芋圓Q彈Q彈好有咬口 大大堆芋泥 配料多多 大滿足💕.珍珠烏龍奶茶 HKD25愛玉烏冬奶茶 HKD25少少美中不足係奶茶冇選擇半甜或者走甜但依然甜度不足 再加上食完糖水先飲就更加淡但總括而言都係非常高質💯