影片
開飯介紹
店面以磚瓦屋頂設計扮成日式仿古小店，並以大量燈籠作裝飾。價格相宜，主打台式及日式便當，適合附近的上班族。
繼續閱讀
營業時間
今日營業
11:30 - 20:30
星期一至五
11:30 - 20:30
星期六至日
12:00 - 20:30
公眾假期
12:00 - 20:30
以上資料只供參考, 請與餐廳確認詳情
-
網上訂座服務暫停
呢間餐廳小編第一次食係喺中環街市對面嘅分店食，發現都幾高質🙏🏼，所以半年內都食咗幾次😋。🍲 花雕麻油雞湯面 $79必食！！！ 花雕味唔會太苦，同藥材同埋麻油嘅味道好夾，如果怕苦/唔鐘意酒，你可以自行選擇經份量~ 因為花雕同個麵係分開上的！(呢個位加分) 湯底好好味，建議飲一兩啖先開始食🤣，啲烏龍麵好彈牙，亦都掛到湯汁。主角雞肉卷好厚，食落好滑唔"鞋"😋，好食！隨餐送小食(中華沙律，細蕃薯，蕨餅），味道正常，紫薯好甜😋🍲 豆乳雞烏龍面 $79正常豆乳湯底，相對花雕麻油湯冇咁精彩，味道偏淡，同烏龍麵冇咁夾，雞肉卷都係好好食。賣相：⭐⭐⭐⭐味道：⭐⭐⭐⭐⭐CP值：⭐⭐⭐⭐⭐好似冇加一服務費，店入面闊落，坐得都算舒服🙏🏼間唔中食下都幾開心，但係灣仔分店晚餐冇小食送🥹。#Foodporn #Foodie #平民 #小資 #中環美食 #灣仔美食 #觀塘美食 #美食 #香港美食
繼續閱讀
豆乳雞烏龍面冰凍的雞冰凍的雞，你沒看錯，不是微溫，室溫，真的是帶點冰凍。但雞本身是熟的放進雪櫃儲存的，所以也不太怕，還好湯夠熱才能變成室溫。看到雞卷就知道會一般了。豆卜剛熟，吸不了湯汁，湯底還可以。仙草奶茶：港式奶茶味不是台式，你要知道這價錢茶餐廳+3元就好，這邊加了14元，仙草比較實，😂仙草我感覺應該要比較軟身才算是。難得飲料我嫌棄喝不完。就很一般。總價$93午餐，觀塘區絕對有更好的選擇。我覺得這價錢，這食物質數，最多2.5*不能再多了。
繼續閱讀
「一起食堂」提供豐富多樣嘅台灣美食。味道地道，而且份量十足。❇️紅燒三寶牛肉麵（牛腱•牛丸•牛肋條）滋味濃郁，香氣四溢。牛肉的質感好軟嫩，入口即化，湯底的味道有藥材味道，令人回味無窮！麵條又彈牙有嚼勁，配合牛肉，真係一絕！❇️鹽酥雞外皮香酥脆，內裡嘅雞肉鮮嫩多汁，鹽酥雞的調味剛剛好，不會過鹹。❇️烤台灣香腸香氣四溢，外皮煎得酥脆，內裡多汁，真的會一口接一口地吃！❇️庥城蝦卷。第一次吃！是用特選魚肉漿加上蝦肉而成的！一樣是香脆多汁！❇️古早滷水拼盤滷水拼盤有四款食物，包括雞翼、滷蛋、豬耳、牛𦟌，其中我最愛就係是豬耳，好爽脆！
繼續閱讀
有一次約咗朋友食飯，我哋都好鍾意食台灣野。所以我哋就揀咗呢一間餐廳去試下。我哋就叫咗花雕麻油雞湯麵，紅燒三寶牛肉麵。首先講下花雕麻油雞湯麵，食嘅時候要自己落紹興酒，入口嘅時候啖湯會有浸浸嘅酒味，而本身佢嘅湯頭非常之唔錯，好補，係藥材湯，入面有啲藥材同埋紅棗喺度。之後紅燒三寶牛肉麵嘅湯頭就比較遜色喇，佢個湯頭冇我想像中咁濃，反而有啲清淡唔夠鹹，但係食佢嘅牛腩牛展，都非常之好食，食落煙韌，而唔痴牙齒。
繼續閱讀
以前係中環返工最鐘意星期五同同事搭叮叮去灣仔食lunch,灣仔係港島嘅飯堂，餐廳由低中高都有。最近鐘意同陳生周圍去做gym,今次去灣仔做gym前先簡單咁食小小野，我哋揀左食台灣野。📍灣仔 一起食堂我哋食左：🌟必食推薦：蒲燒鰻魚飯💰126餐廳仲有原條鰻魚飯貴小小，但是我想食小小鰻魚就揀咗蒲燒鰻魚。冇諗過上台係咁多，應該至少有半條，鰻魚汁好juicy ,鰻魚啖啖肉，撈埋糖心蛋好滋味。🌟和風牛肉烏龍麵💰110陳生食牛肉烏龍麵，牛肉份量好多差唔多有半個大碗，牛肉係半肥瘦，牛肉嘅油脂撈埋糖心蛋一齊食更香滑。烏龍麵麵質正常爽滑。兩個set仲有小食：日本蕃薯🍠仔，中華沙律🥗，黃糖蕨餅。🌟貢丸湯💰18貢丸好大粒，彈牙，有3大粒，食完飯飲啖湯可以解解膩。🌟肉燥燙青菜🥬💰34超多肉燥，多到要撈飯食，平時啲餐廳單叫一碟菜都二十幾三十蚊，依家青菜加埋超多肉燥先三十幾好抵食。🌟芋圓仙草（迷你）💰+14堂食set餐加14蚊就可以食到芋圓仙草真係好抵食，雖然係迷你但是芋圓都唔少，一定要嗌呀。仙草奶草💰+14:表現正常，仙草多。黑糖薑母茶+💰14:呢個薑母茶唔算辣，但是飲完好暖胃。我哋隔離有台父子不停話紅燒牛肉麵好好食，個仔係咁同佢爸爸講呢間餐廳好食，搞到我心思思想食牛肉麵，下次要試吓個紅燒牛肉麵。總結：一起食堂價錢親民，味道改良左香港口味嘅台灣菜，更岩香港人。下次可以再食，+14蚊可以食到芋圓仙草過口癮幾好，好過一大碗食唔晒。老闆幾有生意頭腦。2人總數💰288人均💰144📍 一起食堂 (軒尼詩道) (灣仔)灣仔軒尼詩道153號地舖10分滿分味道：7.5/10環境：7/10價格：7.5/10#hkfoodie #hkigers #hkig #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #香港探店 #香港探店分享 #香港探店打卡#灣仔美食 #台灣餐廳推薦 #鰻魚飯🍱
繼續閱讀
您可能會有興趣的...