一越越南餐廳

營業中

休息中

外賣自取叫咗個燒牛肉撈濛，58蚊，得幾塊炒到鞋晒嘅牛肉碎片，完全唔似燒牛肉。配料少冇乜香料，個汁偏酸味道麻麻。應該都唔會再幫襯。假期夜晚都唔算多人食。做街坊生意但呢個價錢同質素應該冇乜人會繼續幫襯。

轉手後試過呢間幾次，可惜覺得價錢比以前貴左好多，食飯質素亦下降。最近比多次機會佢，結果喜出望外。今次試左香茅雞撈檬，個雞十分脆口好食，撈檬亦好足料，好多青瓜絲同菜，價錢亦有調整，絕對會成為之後常駐飯堂👍🏻

叫咗個$41嘅生熟牛河。加兩蚊有杯熱奶茶。落單嘅時候話要金邊粉，佢話好。最後嚟咗係一般普通河粉。唔知道係佢哋根本冇金邊粉定係佢比錯咗。不過冇所謂啦。來得呢度食到唔會預咗有五星級嘅服務。都係做啲街坊生意。嘢食來得好快。落咗單5分鐘都唔使就有啦。碗麵冇咩味。啲粉好林好散。唔知嘅話唔會知道食緊越南粉。叫咗一份小食拼盤，好油。真係唔好嗌。其實又唔係啲咩貴嘢，所以都無謂挑剔。只不過如果諗住食一碗好味嘅越南河，呢度唔係咁適合。求其有碗野熱熱地飽肚，食完唔會肚痛就算啦

舖頭係頂上一手既越南餐廳，新裝修有大枱，坐得舒服，菜單都同舊餐廳差唔多。 叫左鮮茄牛腩湯飯，整體味道唔錯，配菜有芽菜生菜，索左茄湯再食會更開胃，加埋牛腩一齊食都唔會覺得濟。

今日去到屯門碼頭散步,行到去啓豐商場見到有越南粉食,於是去試試,小店面積唔大,人手唔算充裕,但環境都算ok,加上又有露天位置選擇,於是坐出面,今次揀左特價套餐,越式火車頭金邊檬粉$48,加$3飲凍檸茶,另外再加左個小食香茅雞翼（4隻）$34火車頭金邊檬粉:成碗粉都足料,有牛肉丸,牛柏葉,牛展,生牛肉,成個湯牛肉味好足,加上個湯有辣汁,都幾惹味,檬粉完全吸哂牛肉湯精華,唔算香茅雞翼:炸得啱啱好,個皮好脆,而且肉汁豐富,加上有好重香茅味,幾好坐喺露天位置望住碼頭海景食越南粉過悠閑下午幾正

一個字伏呀！（我係食晚餐嘅首先個豬扒飯賣到咁貴又少比鬼食咩？（鬼都唔食啦豬扒最唔好食乾爭爭又靭個飯都唔係好過豬扒好多咋啲飯好油個麵湯底又油，啲麵又少，唔值40幾$囉最離譜係嗰碟小食，又貴嘢又少得，仲少過個飯間嘢味道一般，衛生又唔算好服務態度都唔算得上好咁嘅質素唔值咁貴囉如果賣20$或30$或者我都會再幫襯但搞到咁貴我真係唔會再幫襯啦間嘢都就快執笠啦放心，我已經內咗黑名單☺️大家如果試都唔好試呢間嘢，我就係因為肚餓所以求其搵一間嘢食之後就比佢伏咗，如果你唔信可以試吓囉😹包伏死你😹其實大家可以試吓隔離左右啲餐廳啦，不過應該起碼都唔會伏過呢間啦？

少了外遊，有時候食物可以讓我會感到已去了那裡轉一圈，今日就是遊越南之日。一想到越南，第一樣愛，就是其滴漏咖啡，凍檬粉，香茅系列，法包……。。。今次來到此越式小店，讓人感到簡單舒服，座位不多，但有親切感，如朋友般招呼。對愛啡之人……當然必選滴漏咖啡，再者就是那類香茅料理。真心滴漏咖啡好好飲，啡味濃，又有得玩，當然怕甜的朋友……可以不要攪拌太多（那麼甜奶，就不會太影響啡味）。炎熱的天氣，當然怕熱，所以今日點選了香茅豬扒凍檬……豬扒好好味，又易咬開，上面仲有我最愛的蔥油，令檬粉更惹味。凍檬另一樣吸引人的地方，就是多蔬菜，（生菜，青瓜）令凍檬更清新，令人覺得自己健康了。簡單欲顧念大家需要，越式小店，就令人喜愛

河內生牛肉湯河牛肉湯香味撲鼻而來，啖啖都是濃郁精華，非常鮮甜不油膩，食完不會有口渴感覺。生熟牛肉牛味濃，有厚度之餘，河粉口感夠滑，連吸湯能力也非常出色，每啖都鮮甜可口！香茅雞翼脆炸雞翼即叫即炸不厚粉，有滿滿香茅味，非常香口，但又不會炸得太乾身。分量足，味道好! 性價比咁高嘅餐廳!

商場入面其實有好多唔同種類嘅食肆，會入嚟係貪佢整體幾感覺幾光鮮企理，仲擺咗啲植物既裝飾。店員亦好有禮貌，食物種類多，而且價錢合理（抵）。豬扒撈檬: 豬扒醃得入味，味濃很清新，薄薄的煎得充滿肉汁，配撈檬加酸醋汁頗開胃。越式春卷：一咬落口「咔嚓」一聲，超級香脆，內餡飽滿，係自家製，必食!尼開屯門碼頭既朋友絕對要一試

啟豐商場越南餐廳越式扎肉順化辣湯河湯頭濃郁鮮甜，喝起來是淡淡的香茅香，不會太辣，酸酸maymay，非常獨特。香茅雞翼香茅雞翼新鮮炸起，食落外皮脆卜卜，香茅味好岀，雞肉保持嫩滑, 十分美味。環境都唔錯，都幾寬躺舒適，望落都好整潔。嘢食種類算多，而且夠抵食。會再試！

越南生熟牛肉湯河🐮湯汁顏色清澈鮮甜，飲多兩啖之後都無口渴，帶有淡淡嘅牛肉香, 味道十分濃郁, 牛肉色澤粉嫩, 口感軟腍, 湯粉份量多, 一定夠飽!越式春卷 & 香茅雞翼🐥兩樣都即叫即炸，炸春卷炸得香脆可口，點上酸辣醬汁更加好味。雞翼好大隻，炸粉唔厚，出面好脆，入面多汁，唔錯!!呢間係性價比不錯的越南餐廳!!店員服務都好細心殷勤，反應幾快！讚讚讚

扎肉春卷撈檬$52都等得幾耐 其他食物上齊後都仲要等五至10分鐘香茅豬扒撈檬$48好欣賞香茅味十足 豬扒肥瘦均勻香茅豬扒飯$48有蔥油都係真係幾好食嘅咖喱雞飯$48咖喱係冇乜味嘅不過凍凍地食熱野係唔錯雞都ok既喺屯門碼頭入邊都算係最好坐嘅一間餐廳

今日去此店買外賣。竟然當住我（人客）面前將我嘅外賣飯盒俾左另一個話自己好趕嘅熟客。其所謂熟客俾完錢就即刻由店主手上取走我嘅飯盒。我當場告知店主應該係我嘅外賣，店主只係一句對唔住….完全當我呢位企在門口，目擊及耳聽一切之人客透明！非常惡劣嘅待客之道，難道我不是人客？我不趕時間？為什麼不徵求本人同意，眼白白被別人打尖非常不爽！不知所謂嘅食店！我係街坊，此店易手後略為裝修過，環境一般，食物質素尚可，俾同一位置上手略貴，不會推介！

這間店先前是李錦基越南食店依家同樣是賣越南食物，今日去到叫左一碗牛肉凍檬及一杯凍檸茶！撈檬粉個汁，只係有魚露味，冇甜酸味道，牛肉係冇味，夾雜一些粗條形嘅青瓜條，係咁易比啲炸蒜粒伴住個碗比你，凍檸茶只係有苦澀味😰完全飲唔到有甜味，其實唔知佢哋識唔識冲凍檸茶我食咗飲咗三份一立即離開現場原本我張單48+3元個女人話飲品加$8才真總結：一間貼錢買難受😣的食店完全冇服務態度可言

最近天口甘㷫 一時又落雨甘 超悶焗🥱 想吃點開胃的菜式 碼頭附近新開左間越南餐廳「一越越南餐廳」 兩小口放工之後仲為兩餐諗爆頭咩 一於開定冷氣叫個C6放工買個外賣返屋企慢慢歎喇~💛春卷撈檬💛一講起越南菜 緊係食個撈檬喇 呢度個檬粉唔會太碎 個春卷仲整得好香 撈埋酸甜汁同埋炸蔥、蒜粒等配料 超夾 超醒胃呀! (個C6都抵讚既 識要多包魚露呀 食撈檬緊係要夠汁先得嫁喇)仲要撈檬個汁唔會話太搶味 酸酸甜甜 味道岩岩好！ 絕配！ 💛生炸雞翼 軟殼蟹💛嘩 小驚喜！完全係堂食水準! 有圖有真相 勁吸引！呢個雞翼拎到返屋企 仲係好熱㷫㷫呀！D雞翼仲好大隻添 好夠肉 唔係發育未健全既雞仔🐥外皮脆卜卜！入面啲肉好滑 又啖啖肉 一咬落去啲肉汁出晒嚟！而個軟殼蟹🦀絕對唔係水汪汪 又無油林林 完全無腥味 薄薄一層既炸粉 KEEP到咸香酥脆的軟殼蟹Tim埋絕配既泰色辣醬 超正呀💛 蔗蝦💛係啖啖蝦肉呀 🍤肉質厚實 Ummmm⋯一開始諗緊條蔗係咪做下配襯 令成件事睇落靚仔d甘炸點知食食下C6叫我試下咬開佢 原來係會食到清甜既蔗汁 最後兩公婆愈咬愈起勁lol 🐼整體外賣自取都幾方便，都好快出到餐，食物新鮮又夠晒熱，下