一鍋烽

營業中

休息中

經過Wegomall見到新開無耐既「一鍋烽」火鍋店，比佢既古色古香裝修吸引咗入去🥰✨午市一人火鍋套餐 $88見到個價錢好抵，以為唔多野食點知一上枱好豐富！💜湯底有多款特別選擇，芫荽豆腐/胡椒豬肚/豬骨/昆布魚湯等💜套餐包咗肥牛，黑豚肉，唔同嘅丸，芝士腸，同時令蔬菜💜仲可以揀公仔麵/飯/米線或者烏冬一個人食一定食得飽肚👍🏻☺️✨特盛牛肉任食二重奏 $288有靚牛🐮美國🇺🇸封門柳同特級牛板腱，肉質高質另外可任食其他火鍋配料，包括牛肉豬肉羊肉，手打蝦丸墨魚丸，雲吞同大量蔬菜仲有任飲同任食雪糕，有好多口味如豆腐，益力多味❤️除咗食物好食，餐廳裝修都令人坐得好舒服，而且staff服務好好👍🏻

得三個服務員，每台人上菜都要等好耐，基本上要吹十幾次，每次來配菜係肥牛一人一片，肉丸一人粒總之一人一件。菜菇已經黃晒仲好意思攞出嚟，我食左冬瓜臭嘅。店員太少，每枱人都要自己行去加湯，加水，自己招呼自己，唔係你就有排等。醬料無曬無人加，自助區食物又係無人加。叫菜等足成個鐘吹幾次先上。雞煲唔熟又無汁，但又唔俾人開火，店員話驚燒燶鍋，仲話雞煲係無汁㗎啦。配菜款式極少又唔新鮮，自問腸胃一向百毒不侵，竟然都肚痛左兩日，真係貼錢買難受，問題太多寫唔完，枱枱客都發老脾，期望早日結業唔好再害人

1）發霉的粟米都放出來給食客夾。我忘記先拍照後叫職員掉哂成盆。後來職員再拿[新］的一盆出來，我見到呢一個之前有的一片有黑點的粟米仍在，明顯不是成盆掉走，而是只掉走發霉的一片。2）食物質素很明顯不是優質，除了特定的牛肉片是有標準水平外，任叫的牛片，豬肉片和羊肉片的色澤似是浸了很久水，暗淡無色，一點紅血色都沒有。不知放出來已經有多久時間。3）麻辣湯底竟有豬紅，本來都有驚喜。但一食就想吐，不新鮮之餘還有發臭味。4）可以選擇的食物真少。性價比很低。難怪當其他舖頭客似雲來時，這間餐廳像任坐一樣，有專人服務一枱。服務是性價比很高，但質素就非常差劣，但是這間餐廳在這商場開業至今仍屹立不倒，只能說背後財力不弱。推薦下一間會摺埋的餐廳

見到宣傳話有米線食，諗住去試下，點知中左伏。首先，要等成20分鐘先有得食。黎到發現個米線都幾難食，米線好淋，湯底好油。埋單既時候，原本餐廳出面大大隻字寫有9折同免加一，但突然話今日唔提供優惠。總結黎講唔洗再去…

通常出去食飯🍽️湊住大小熹寶👦🏻👶🏻嘅我地，打邊爐，放題類別一定唔係首選，今日難得小型家庭聚會夠晒人腳幫手，梗係要拆餐飽行行下wegomall 發現有間古色古香嘅餐廳🍴一鍋烽🍲裝修特別👍🏻座位仲非常闊落，一望之下原來係任食火鍋😍咁就岩晒我地啦‼️火鍋款式都有好多種-烤魚🐟/雞煲🐔/牛肉🥩/啖啖肉套餐,最終店員推介之下我哋揀咗任食惹味雞煲套餐先品嘗雞煲，再揀選湯底打邊爐2️⃣款食法雞煲肉質滑嫩一啲都唔嚡，配埋香噴噴醬汁，非常惹味😋而且份量仲非常足料👍🏻睇下大小熹寶食得幾開心❤️火鍋方面，湯底我地揀選鴛鴦鍋，美人豬骨鍋同馬來沙嗲鍋，湯底濃郁有辣有唔辣，咁就可以滿足到大人小朋友嘅口味啦💕套餐仲包埋極品海鮮拼盤，鍾意食海鮮嘅朋友一定唔可以錯過，賣相吸引之餘，佢哋嘅游水海生蝦🦐新鮮鮑魚、日本帶子、扇貝，爽脆魚片🐟鮮味十足，非常清甜而其他火鍋美食，美國肥牛🥩一定唔少得，肉質幼嫩，油份適中唔肥膩，令人食到停唔到口。手打丸🍢款式種類多，爽滑彈牙，香脆魚皮鬆香可口，脆卜卜，火鍋美食，多達50款，任飲多款飲料及指定啤酒🍻今餐大小熹寶都非常拆得，由頭食到尾無停口，要快諗定下次幾時再嚟嚕

帶小朋友上完興趣班之後，就喺商場裏食， 食這間充滿中國風， 同時可以有一個價錢可以食到雞鍋同打邊爐🥰，當然要試吓啦。 （5⭐️最高）雞煲：味道好香濃，加了芫荽、洋蔥🧅味道份外香濃，份量又夠足料。火鍋：上菜都好快，而且選擇都幾多元化🩷，湯底包括咗麻辣、豬骨、蕃茄、沙嗲及芫荽皮蛋湯底。 價錢亦都包括咗海鮮拼盤。 當中包括：帶子、鮮蝦、魚片、鮑魚及扇貝👍🏻等等… 當中有牛丸，墨魚滑，午餐肉腸仔肥牛，頂級梅頭、烏冬、薯粉等😋飲品區亦都有好多選擇，自助甜品有中式甜品腐竹糖水及雪糕🍦可供選擇😍

有日行過一鍋烽發現有任食雞煲火鍋套餐，因為好耐無食過雞煲，就決定試下啦入座落單之後就率先拎好飲品同火鍋醬料，無耐個雞煲就已經預備好，而且仲係 超 級 香，今次雞煲只係叫咗小辣，雞肉嫩滑之餘仲係啖啖肉，醬汁香濃惹味，而且雞肉越煮越入味，真係食完都仲想加碼，不過因為之後仲有得打邊爐所以今次就忍手無加打邊爐方面就揀咗麻辣拼豬骨湯底，套餐本身跟一份極品海鮮拼盤 (游水海生蝦、新鮮鮑魚、日本帶子、扇貝、魚片)，然後有大概50款任食火鍋配料，應有盡有，食到超滿足套餐已經包括多款飲品、甜品同雪糕任飲任食，其實餐廳仲有滋味牛二重奏套餐同埋特色烤魚火鍋套餐好似都幾吸引，下次再去試埋佢先

牛肉質素勁差，衰過街市最平果啲劣質肥牛，之後額外俾298叫份安格斯手切，仲難食！套餐送左個海鮮拼盤，全部蝦都係死蝦，煮熟之後冇一隻係食得嘅！送嘅扇貝裙邊勁多沙！其他海鮮一食就知係急凍海鮮！服務員態度吾太良好，叫完野食等勁耐都算，個服務員就咁放低一大個鐵盤，完全吾理啲野係咪你叫就放低走左！飲品款式少，而且清一式係隻叫「楊協成」嘅雜版子😑勁難飲。。。。。總括而言，吾會再去！。。。。。。。。。。。。。。。。。。。。。。。。。。。。。。

平時夜晚都有過嚟呢度食火鍋，因為佢係馬鞍山好少有嘅任食邊爐而今日我哋晏晝過到嚟唔係咁肚餓，但係又想入去食啲嘢發現佢門口放咗一系列嘅午餐菜單原來晏晝係有飯食㗎喎而家佢碟頭飯都唔係好貴大概都係六十幾70蚊左右咁我哋就叫咗一個台式滷肉肉燥鹽酥雞飯同埋一個台式滷肉肉燥鹽酥豬扒飯豬扒咬落去非常之鬆軟鬆脆有口感而且豐富嘅鹽酥味肉燥嘅味道亦都恰到好處唔會太鹹亦都唔會甜而當中嘅醬油味非常之出色然後好想講佢個湯真係好飲到嘩一聲

走落去這間台式火鍋店，忽然間覺得好有親切感！我哋一行人揀咗香滑嘅芫茜豆腐同麻辣火辣嘅台灣麻辣湯底，入口嘅時候總係帶啲期待。🍲 入魂嘅芫茜豆腐湯底，飲一啖，簡直暢快！再講講呢個麻辣湯，香而唔過火，夠晒刺激，令人回味無窮。料理方面，嚟講下呢個澳洲和牛，簡直係肉中極品，軟熟得嚟肉味十足。同埋啲海鮮，勁，尤其係蝦同桶蠔，新鮮得嚟又飽滿，隻隻爭創出鏡。🦐啲配菜樣樣齊全，令人目不暇給。我個人超級鍾意嘅雜錦餃，一啖咬落去，薄皮爆餡，味道層次分明，真係不得了！至於青菜方面，水蓮清新頂呱呱，脆爽開胃。一邊傾計，一邊搵食，真係夜晚嘅大享受！飲料方面亦做得好圓滿，有得啤酒汽水隨便飲，清涼解渴就咁簡單。🥤食罷嗰餐又唔使太貴，真心覺得呢度，係個性價比超高嘅選擇，相信唔使幾耐，又會掛住佢哋嘅味，再去一次！

今日去咗馬鞍山踩單車踩完之後見肚餓就去醫肚啦，經過呢個we go Mall上面有間食火鍋嘅店舖一鍋烽新式火鍋專門店夜晚時間嚟到人唔太多，兩個人都被安排咗坐四人位座位夠闊落好舒服 餐廳用咗好多中式嘅元素去做裝飾 感覺上好似去咗成都、四川等等到食晚餐呀叫咗個啖啖肉套餐 馬來椰子雞鍋同埋豬骨美人鍋 個人最喜歡椰子雞鍋 椰香十足仲有半隻鮮雞 雞肉嫩滑 建議可以飲啖湯先開始打邊爐 自選咗安格斯牛肩胛 肉質紅潤肥瘦適中，牛肉味濃郁夠晒新鮮啊 日本白豚肉 超有驚喜同樣地，肥瘦適中 血色豐富到好似牛肉咁呀 食肉質彈牙富有豬味其他材料都係任食，而且仲10分新鮮有誠意個人最鍾意就係大大粒嘅鮮蝦雲吞 皮薄餡靚蝦肉彈牙鮮甜海鮮仲有鮮魷都係任食㗎 夠晒新鮮爽口彈牙

《一鍋烽》火鍋店，佢哋嘅啖啖肉火鍋套餐，午市只要$198蚊一位，晚市就$298蚊一位。安格斯牛肩胛、日本白豚肉、紐西蘭羊肩肉（選二款）份量都好足夠，每位有300克肉。湯底方面，你可以自選指定湯底，如果你鍾意辣辣嘅味道，可以揀四川麻辣鍋或者馬來沙嗲鍋。如果你鍾意清湯味，可以揀美人豬骨鍋、芫荽皮蛋鍋或者鮮茄雜菌鍋。如果你想試下特別口味，可以加$60蚊揀西洋菜豆腐魚雲鍋，加$40蚊揀馬來椰子雞鍋，或者加$30蚊揀胡椒豬肚筒骨鍋。我揀咗馬來椰子雞鍋同胡椒豬肚筒骨鍋，味道香濃！最精彩嘅部分就係佢哋超過50款任食火鍋美食，仲有任飲多款飲料同指定啤酒，甜品有雪糕。我揀咗山水滑豆腐、即炸脆響鈴、油麥菜、牛柏葉、韮菜餃、雞肉腸、牛筋丸、墨魚丸、潮州白魚蛋、魚片角、午餐肉同薯粉。真係食到好滿足！《一鍋烽》火鍋絕對係一個抵又好食嘅選擇。唔單止價錢合理，仲有超多款美食可以任食，配合啤酒同飲品，真係好豐富！

馬鞍山終於有好食嘅雞煲火鍋，見人唔算多，快有位，同母親大人去試下。重點嘅雞煲，雞肉好有咬口，結實，汁醬好惹味，一口接一口好快食哂。食完雞煲，就係火鍋時間。加左$40食馬來椰子雞鍋，超多雞件，味道好香。$298嘅餐包左海鮮拼盤（蝦、鮑魚、帶子、松葉蟹柳）火鍋，隻隻都幾新鮮同大隻，擺盤靚。其他任食嘅野大概有五十幾種，算唔錯。尤其是魷魚、炸魚皮，魷魚烚一烚好爽，炸魚皮咸香脆。食完仲有雪糕做甜品，飲品任飲。

一鍋烽 (馬鞍山).男朋友唔係好舒服，就近佢地方食野見下面馬鞍山呢個商場靚又pet friendly. ▪️ 任食雞煲火鍋套餐▪️$298.其實呢到仲有烤魚/啖啖肉套餐，但由於好耐無食雞煲所以想食！.雞煲好香又惹味，仲要份量勁多雞件又唔會太大太小，仲有大量芫荽🌿葱同洋蔥調味.食完雞煲可以打邊爐，呢個set仲要包極味海鮮拼盤，扇貝鮑魚墨魚仔帶子等，新鮮.另外仲有海量配料任叫，丸類餃類都係人頭份量，但菜就真係好多，建議兩個人叫一款都好夠🤣惜食嘛.飲品都係罐裝同紙包，另外仲有雪糕食！.📌 一鍋烽 (馬鞍山)馬鞍山保泰街16號We Go Mall 2樓208號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

天氣真係好凍, 最適合就係打邊爐, 探完朋友, 友人提議黎到佢家附近的這間新式火鍋專門店打邊爐. 之前佢食過覺得唔錯, 今次再黎食過.入面裝潢很古色古香, 座位有卡位和圓枱, 適合唔同聚會既朋友, 座位亦都舒適. 火鍋晚餐有三款 🥳($298/位)：雞煲+火鍋🐔、啖啖肉火鍋🥩、烤魚+火鍋🐟, 我喜歡雞煲, 所以就選擇了雞煲+火鍋(小辣), 首先黎左雞煲先, 份量十足, 十分惹味, 先辣後越食越麻, 我食到一半已經飽左一半, 這個份量足夠3至4位用. 好抵食食完之後就係火鍋時間啦, 所有套餐任選任食火鍋美食, 我點左鴛鴦鍋, 馬來沙嗲鍋和美人豬骨煲, 沙嗲鍋很香和惹味, 豬骨煲很香藥材味, 我喜歡的黨參~🥘 嘩! 先黎個海鮮拼盤, 包括有日本帶子, 新鮮鮑魚, 海蝦、幾塊大魚片, 魷魚, 很新鮮, 海蝦彈牙, 鮑魚爽口!  🦑🦐🐠 之後我就點左美國肥牛片🥩, 西洋菜, 菠菜, 滑豆腐, 即炸響脆鈴, 炸魚皮,鮮淮山, 日本金菇, 食材新鮮, 推介菠菜很鮮嫩, 即炸響脆鈴吸收了火鍋湯, 味道濃郁又脆口呀!  🥬🥦🌽 飲品都很多選擇, 最後仲有雪糕和綠豆糖水做甜品, 食到又飽又滿足!! 🧃🧋