一點心 (擺花街)

營業中

休息中

放咗工去咗中環行街，諗嚟諗去唔知食乜好，見有間點心新派專門店，就去試吓。舖位細細，以外帶為主，有兩張吧枱可供堂食。一入到店內被大大幅壁畫吸引住，為傳統點心帶來活潑年青感。鮮蝦菜苗餃外皮煙韌唔黐牙，自設廠房果然唔同啲，菜苗和蝦肉比例啱啱好，用料十足。健康素菜餃素食者之選，餡料有菇類馬蹄西芹紅蘿蔔，爽爽地口感豐富。外皮同樣煙靭，豐料珍珠雞珍珠雞貪佢細細隻唔會太肥膩，一𠖥有兩隻，材料豐富，還有鹹蛋黃在中心。鮮蝦腐皮卷外皮鬆化，餡料豐富，材料新鮮，值得推介。總括嚟講，傳統點心年輕化，而且自設工場，材料品好，真心推介。

幾年前就食太子嘅一點心，而家返中環一樣有，見都好多人幫襯，多數外賣，舖頭都有幾個位可以坐低食～🥠咸水角外脆內軟，一向鐘意呢到嘅咸水角，以前食親都人頭一隻，口感煙韌～🦐鮮蝦菜苗餃好鐘意菜苗餃，加埋鮮蝦更豐富～🐽叉燒餐包餐包面頭有蜜糖，餡料味道幾好～🥢香滑奶皇包麵包軟熟，奶黃香甜都幾滿～🥢鮮蝦滑腸粉蝦幾大粒，爽口新鮮，腸粉都真係好滑溜～🐙鱆魚肉餅飯平時少食呢到盅飯，估唔到鱆魚肉餅都幾好食～

今天上班依舊買外賣，不過今天特別一點，是買點心外賣，拿回公司慢慢享受。餐牌：餐廳內在環境乾淨企理，主要做外賣，亦有少量座位可供堂食。北菇滑雞飯：估唔到份量都不少，很飽。底層的白飯軟硬適中，滑雞沒錯是肉嫩滑溜，而且很大塊，份量多舖滿了整個飯 ；還有兩粒冬菇和薑絲做配菜。蝦餃2粒：外皮蒸到剛剛好，不會糊掉，口感煙靭；蝦肉爽口彈牙，無雪藏味。香煎蘿蔔糕2件：煎到外脆內軟，餡料十足，有蝦米、臘腸臘肉，另外吃到有大大舊蘿蔔，加埋辣椒醬味道更佳。白灼青油菜：菜心翠綠清甜，而且不會很油膩，十分健康，另附送豉油可以自己加多與少 。這餐不夠完美，因為我沒有點甜品，這裏有芒果布甸、香芒奶皇卷等，期待下次吃 。

每次經過這間點心店都看到很多食客, 所以通常買外賣吃, 外賣會有保溫袋提供已保存溫度, 吃的時候仍保持新鮮熱辣, 這晚因為到大會堂欣賞音樂會, 沒時間坐低吃個晚餐, 所以點了些方便的外賣點心, 主要為包及餃健康素菜餃 $20味道清新, 口感層次豐富不單調鮮蝦菜苗餃 $20鮮蝦飽滿, 肉質彈牙香滑奶黃包 $12奶黃包有我最喜愛的流沙餡🥰精製馬拉糕 $23馬拉糕外型挺身, 味道清甜又有蛋香味, 口感鬆軟叉燒焗餐包 $18餐包軟熟, 加上濃郁的醬汁包裹著鹹香又帶點微甜的叉燒餡, 大滿足鮮豆漿 $9原裝鮮豆漿為大和原味豆漿, 豆味香濃這間點心專門店也有飯類及粥品, 店員友善又有禮, 價錢又合理👍

星期六夜晚喺中環唔係太肚餓，但又想搵啲嘢食吓，記得呢度有一間點心店就入咗嚟食啦～～買咗籠燒賣坐低食 店員服務好好～～～粒燒賣超巨型係平時嘅兩倍 仲超足料有兩大粒蝦 好好食呀～～～～～～～真係值得比一個好評 希望佢可以做得住啦😋😋🤓之前都食過佢其他點心，選擇都唔少～～對於有選擇困難症的我，真係好難揀呀！😆😆😆😆佢其他點心都好食 佢個鹹水角，奶皇包，燒賣，都真係好食喎😇一定會再嚟食 😆😆😆😆

中環呢間點心店嘅點心都係自家製造全日每籠點心都熱辣辣即叫即製．好有溫度吸引不少附近上班族同外地遊客有時lunch time 一個人食下點心嘆個包都幾好餐廳座位數量唔算太多所以外賣都係一個唔錯嘅選擇 ✨蟹皇蒸燒賣大大粒燒賣．肉質軟滑比酒樓的更有質數✨薄皮鮮蝦餃薄薄嘅餃皮晶瑩通透裡面蝦肉飽滿．你必點嘅招牌點心✨精製馬拉糕整籠原個馬拉糕口感非常鬆軟．啖啖香甜✨鳳爪排骨飯排骨同鳳爪係完美嘅配搭再淋上甜豉油在米飯之中全日免加一服務費的抵食午餐

行過路過擺花街「一點心」，我們中午就在此開餐了。鳳爪排骨飯~熱騰騰的鳳爪排骨飯，排骨口感爽滑可口，啖啖飯香吸收了鳳爪及排骨肉汁，非常美味！糯米雞~打開糯米雞，荷葉香氣、糯米飯香撲鼻而來，用料頗豐富：冬菇、咸蛋黃、雞、豬肉件、蝦米和冬菇粒，味道濃香而不鹹，吃得開懷又有滿足感。古法炸蛋散~蛋散很酥脆，蜜糖和芝麻是蛋散好配搭，令蛋散美味更上一層樓！香芒奶黃卷~甜美芒果肉有滿滿的果香，冰凍軟綿的奶黃卷，是很好的消暑甜品。點心舖是前舖後廚房的設置，所以吃到新鮮又熱騰騰的出爐粥飯、蒸炸點心之餘，又不設加一服務費。

星期五放工後想慰勞下自己，叫咗米芝蓮一點心嘅外賣，煲住劇慢慢享受。未食之前先講講佢嘅外賣包裝，美觀大方，而且唔係一般膠袋，厚身嘅質地同反光嘅內籠保暖效果一流。首先梗係食佢哋嘅招牌蟹皇蒸燒賣，燒賣嘅外皮夠薄，餡肉好實淨，每一啖都食到豬肉鮮味，份量剛好，滿足得嚟唔會覺得膩。薄皮鮮蝦餃，蝦餃大大粒，筷子都爭啲夾唔到，餃皮晶瑩剔透，蝦肉鮮甜彈牙，每一啖都好滿足。咖喱土魷咖喱味香濃但唔辣，土魷切得夠厚，口感彈牙，而且好入味，每一啖都充滿咖喱香氣。而且份量都幾多，唔會覺得唔夠喉。鮮蝦腐皮卷，腐皮夠脆，入面嘅蝦肉保持鮮甜，整體口感非常好。由紙袋可以見到佢唔算好油，冇咁大罪惡感。食咗咁多點心，乖乖哋叫個菜乾鹹骨粥先～粥底幼滑，材料豐富，甘甜嘅菜乾同鹹骨嘅味道融合得非常好，帶出多重層次。

曾兩度榮獲米芝蓮一星的一點心，原來在中環開了分店。見價格親民 ，立即入內買了個外賣午餐。 大大粒鮮蝦餃，皮薄餡靚，真材實料又新鮮，難以忘懷的味道。北菇滑雞飯 啖啖肉沒有骨，十分入味又帶點嚼勁的口感，加埋北菇陪襯讓人越咀越香。鹹水角內裡餡料有豬肉碎、韭菜、蝦米、冬菇、沙葛。 將炸至淺金黃色，口感脆而不韌。老火粉葛紅蘿蔔瘦肉湯 ，足料無味精、味道清甜，下火恩物。這裡的點心細緻與美味程度爆燈，正是大件夾抵食之選。

中午到中環吃點心，選了這間點心店試試。位處中環，店內有不少外國人在品嚐點心。餐廳設有獨立高枱位和向街外的吧台位，可一邊吃點心，一邊看到路人來來往往。相較茶樓，這裏一個人也能享受各式各樣的點心和蒸飯。餐廳提供䜴油給食客自行使用。可外賣。星期一至五設有午市套餐，比單點更划算，而且跟足料老火湯。餐牌設中英文，方便外國人點餐。點了一個香蒸牛肉飯($35)，牛肉放在飯上，量多。飯上桌時是熱的，飯香足。澆上少許放在枱面的䜴油，更能帶出牛肉的鮮味，也令白飯更可口。䜴汁蒸鳳爪($27)，鳳爪量足，廣東人喜歡稱雞為鳳，故鳳爪即時雞爪。䜴汁帶來鹹香，鳳爪皮入味，皮厚，能帶出其充滿骨膠原和爽滑感。這碟值得一嚐，很地道點心，也做得很好吃。凍大和豆漿($9)，配各類點心和飯類都很適合。豆漿豆味濃，甜度適中，在夏天喝一口，沁人心脾。新鮮芒果布甸($30)，份量適中。芒果布甸中有大量椰果粒，令芒果布甸更爽滑。布甸附花奶，澆上布甸，更能嚐到其奶香。芒甸甜度適中，有在酒樓吃芒果布甸的感覺。

Do not ever sit near the table beside the doors. The doors are not design well and it will cause the table to topple. This has happened to me and they will not claim responsibility. They blame us for shifting the table. Is probably not the first time that this has happened I reckoned but the shop had not taken any precautions about this. At the end of the day, no one was apologetic and remorseful about this. Terrible shop and terrible atmosphere

今日經過中環，有間外賣點心，仲有少量座位原來呢間嘅始祖店係太子，點心係每日即場製造‼️「叉燒焗餐包」集合左中西合璧嘅包點，熱辣辣最好食❤️餐包好軟熟，叉燒餡料唔會杰撻撻「咖哩土魷」略嫌咖喱味唔夠香，土魷質感好夠爽，唔會好韌「鮮蝦腐皮卷」放左一段時間，仲好脆口，中間有木耳絲、馬蹄、蔥花，蝦肉，一啖咬落去有多重口感好有傳統酒樓嘅質素‼️「香芒奶黃卷」呢個香芒卷唔係好多地方有得食，糯米皮做得非常軟糯，芒果夠清甜，嚟到真係要必食❤️

放工費事煮，買外賣返屋企，試左呢間中環新開冇幾耐嘅一點心分店，呢一間有少量堂食座位，主要做外賣。見到裏面啲點心即叫即正，熱辣辣，外賣包裝仲好精美添，有埋保溫袋，返到屋企都保持溫度，自然好食啲啦。蟹皇蒸燒賣$20燒賣大大粒，大過平時果啲起碼一半。豬肉好爽口，仲有啲蝦同冬菇，味道好好。鮮蝦菜苗餃 $20皮薄餡靚，望落去精螢剔透咁樣。鮮蝦爽菜苗嫩，好清爽。鮮蝦腐皮卷 $22腐皮煎得金黃香口，餡料一貫好味。蝦肉爽而且好香芫茜嘅調味。鱆魚肉餅飯 $35超級足料，塊肉餅真係鋪滿成個外賣盒咁大而且厚身。肉餅彈牙得嚟稔滑，又唔會太肥，仲有好多大大粒鱆魚同埋爽脆馬碲粒，落埋甜豉油佐飯一流。懷舊雞包仔 $12雞包仔好多餡，除咗雞肉之外仲有啲爽爽地嘅菇菌類，然後調味好香，充滿芫荽嘅香氣，好啱我口味。蜜汁叉燒包 $12叉燒包裏面夠多汁，最重要係多叉燒，肥瘦適中，叉燒唔會太細碎，口感好好，蜜汁甜甜地好好味。

一大班人去飲茶聊天固然係樂事，但有時候都想一個人靜靜地食啲點心，慢慢嘆！都一樣自在快樂。呢間點心舖，所售賣的都係細細份來吸引一至二人顧客。款式多，可食多幾款。可見廚房有好大蒸櫃，確保出品熱辣辣….。燒賣嘩！超大粒，鮮蝦爽脆，餡料豐富。山竹牛肉肉香顯著，還有馬蹄粒，好滋味。糯米雞打開荷葉，香氣四溢，熱呼呼的。餡料十足，有蛋黃，冬菇，花生，肉…. 軟糯好味，又飽肚。炸雲吞索索聲，好鬆脆。不油不膩，心滿意足。

和朋友行完山，已是傍晚時分，路經擺花街一隅，被對面街一間門面光潔明亮的點心舖吸引，鋪內放了兩張四人枱和靠牆的吧檯位，座位不多，主要做外賣為主，點心即點即做，熱辣辣，樣子精美，在中環區，這價錢亦算相宜，順理成章成為當晚的座上客。同多數食肆一樣，可以掃餐牌上 qr code落單，甚或到收銀處直接向職員落單。♨️蟹王蒸燒賣（2粒）$20燒賣體積較平日食的彷彿多出了半份，口感軟熟，饀內的豬肉很鮮甜，有肉汁，頂層添加了蟹籽， 增添脆口感覺♨️薄皮鮮蝦餃（2粒） $20蝦餃皮厚薄適中，口感煙韌，肉餡放了大大隻爽口鮮蝦，口感飽滿，吃起來相當滿足。♨️鮮蝦滑粉腸 $39晶瑩的腸粉皮，吃起來有米漿香味，滑嘟嘟，口感軟糯，包裹著鮮嫩彈牙的大蝦，添少許豉油提鮮，足夠有餘♨️蒜香蝦春卷 (2條) $20春卷皮炸得鬆脆可口，餡料同樣爆棚，有青菜、豬肉碎、鮮蝦、脆口筍絲，恰到好處的蒜香，為春卷增添風味♨️豐料糯米雞 $37份量大，以糯米包裹著鹹蛋黃、原粒厚肉冬菇、已預先調味的厚切五花肉粒、嫰滑雞件等，饀料完整新鮮；芡汁雖然不多，但糯米吸收了內饀的鮮味，加上軟糯口感、淡淡荷葉香，趁熱食味道更佳。♨️古法炸彈散 (3條) $29