七重天餐廳 (已結業)

午餐勁難食，服務態度勁差，以後唔會去！1. 叫咗個黑椒汁牛脷午餐跟薯菜， 因為我要俾啲薯條小朋友食，怕黑椒汁有啲辣 ，所以叫佢幫忙薯條分開上， 佢話唔可以分開上，啲汁係唔會淋到落啲薯條度， 送餐嚟的時候， 啲汁都淋咗上去啲薯條度， 我即刻同佢講，佢好冇禮貌黑曬面咁攞咗一兜薯條畀我放低就走!2. 餐湯跟羅宋湯， 我從未飲過咁難飲嘅羅宋湯， 個湯好似飲水咁淡而無味!3. 我用88蚊叫咗一個卡邦尼意粉， 個意粉又硬同啲卡邦尼汁勁少又無味， 直頭係干食硬意粉， 食咗一啖已經唔想食， 跟住我同佢講話好難食我唔食喇， 佢笑一笑同我講唔好意思跟住就收咗碟意粉走， 但最後錢照收我!

今天想吃平價西餐,因同區花園餐廳已食多次, 便想到來七重天。首先羅宋湯不錯, 足料, 我個人喜歡多雜菜, 湯底較清, 不會有很重的茄膏味。我點了意粉,個牛脷咬落口感較實. 唔會好淋pat pat 果種, 個汁就一般, 絕對無酒味,但撈意粉食都唔錯。

我地係新界人，今晚突然黎左港島區揾食。睇完食評，又見價錢相宜所以入去試下。現場只有3個食客，後尾多返幾個。其實唸緊佢地其實cover 到唔到呢？！入正題，我叫左個洋蔥湯，黑毛豬配黑醋汁，先生叫左羅宋湯，羊扒。洋蔥湯，咸左少少，羅宋湯就好足料。仲有2塊蒜茸包。主菜，黑毛豬好鬆軟同juicy，加埋黑醋汁，好醒胃。先生既羊扒有3塊，唔會太so同埋好淋。我地都係叫焗薯，面頭有煙肉粒同沙律醬。最後有餐飲同什果啫喱。餐廳唔收加一，而且服務都好好。

這間於美食林立的天后附近, 所以有點偏遠, 失色◦ 但其實味道不錯, 價錢相宜◦ 今次平日的晚餐來到, 只有小貓三,四買隻◦是日晚餐之選有:菠菜忌廉汁扒三文魚 $88澳洲西冷扒 $88蜜糖咸豬手 $108紐西蘭蘑菇汁羊柳 $118西班牙黑毛豬鞍扒 $118T骨扒 $118大蝦牛柳 $138餐湯有羅宋湯, 忌廉湯, 洋蔥湯可選, 配蒜蓉法包◦ 忌廉湯有點偏咸, 洋蔥湯有種肉骨茶的味道◦可以配飯, 意粉, 薯菜◦ 而薯是一個焗薯, 有沙律醬跟煙肉碎◦ 較外面特別, 值得一試◦T骨扒- 好大塊扒, 即使我要全熟, 也煎得很淋, 好有肉味, 好滿意◦ 蜜糖咸豬手- 賣相不錯, 好大隻豬手, 有點難處理, 但$108真的好抵◦ 由於蜜糖味重, 所以有點over甜◦ 連墊底的菜也沾上蜜糖甜香◦甜品則是最節省成本的菠蘿啫喱柸◦

最近多咗去七重天食晚飯以前都成個月先去一次點解?因為啲野抵食囉!!!以前去親都食燒羊架🐑不過最近去親都唔見有😵咁又係嘅...冇可能只係賣羊架賣足365日咁冇新意嘅唯有食下新嘢啦三文魚煎得啱啱好,唔會太熟,太熟會好乾好難食個柚子汁微酸,好開胃嘻嘻...下次都食先...唯一係個餐湯重手咗少少咸咗dd...仍然繼續支持 讚讚👍👍👍

返到公司處理一下野，就同老細去食個QUICK LUNCH唔想諗就是但落樓下過對面食算了人唔洗諗當然是SET LUNCH啦餐湯羅宋湯~~~好濃，味道不錯，夠HOT，不過就稍為咸左D肉醬意粉~~~NO GOOD！意粉冇味過"林"又好乾，意粉又凍凍地，肉醬得好少，味道麻麻

有事去開嗰邊，見地方較靜就入去試吓。嗰湯好飲，有3款選擇，試咗忌廉湯先。個羊架太肥，個人不太喜歡肥野，好難咬。甜品有些hea, 比cake 或布丁會吸引d。下次可試吓個沙律。

餐廳內用藍色做主題，像以地中海的感覺概念。有一種能令人放鬆的感覺，適合聊天。 今次點了一個牛扒餐，主湯有很多選擇，最後選了忌廉湯，牛扒六成熟，還能見小小血，但肉質不夠嫩，意粉味道不錯，適中。飯後還有驚喜的是啫喱甜品。餐飲，凍飲不用另收費。整體而言不錯，服務生也有笑容。

跑完渣打馬拉松10公里,消耗晒D體力,係時候開餐補充番了! 銅鑼灣一帶的食肆定必好多人,所以我同老公及友人一行5人就由天后一路行一路搵食,直至行到呢間餐廳. 當時未夠9點,店內只得2個食客,大家都有點猶豫點解會無咩人,但同時間又被門面及店內裝修所吸引,所以決定一試!我叫咗沙嗲牛肉出前一丁,一上枱就聞到好香la,牛肉份量都唔少,底仲有一層,肉質鮮嫰,不錯! 而老公嗰set早餐就有脆脆豬仔包+煎雙蛋+薯角+牛扒,樣樣有D,啱晒佢,咁多嘢食都係$32,抵!食物不錯,環境舒適,價錢又唔貴(不用加一),有機會再嚟試下其他嘢食先!

因為有事去炮台山，攞完嘢再醫肚，見到呢間餐廳，十幾年前在北角返工有食過，那間店已經關閉了，今日來呢度再食！店在一條較暗嘅橫街中，希臘藍白色門面好亮眼，店內貫切藍白色，新傢俬好光鮮，有啲日式西餐廳嘅感覺，環境乾淨！門口店員好笑容，招呼我坐低之後上杯水及餐具！已經下午茶時間，茶餐選擇都多！我未食午餐，所以叫個炒粉！食物好快上枱！老干媽肉絲炒意粉：其實唔知老干媽係乜，上網查先知係中國一種出名嘅辣椒醬，食一啖意粉，已經好鍾意嗰種微辣豆豉香，平時我唔鍾意豆豉，覺得好臭，但呢個辣椒豆豉好香好惹味，意粉有咬口，炒得乾身，肉絲用叉燒，淋身半肥瘦略甜嘅叉燒肉，辣辣地好味！中間夾雜洋蔥絲爽脆！好味道！ 熱檸茶：茶餐廳水準，夠濃唔澀，有耳杯方便！店員都好好禮貌，上菜收碟都會招呼一聲！廁所女廁比較窄，不過乾淨企理！仲會用個好靚嘅藍色燈罩放乾花！好靚！希望佢可以保持到！