三一餃子 (利源西街)

營業中

休息中

三一餃子 - 中環📍中環利源西街7號地舖呢間餃子店聞名已久，今日終於有機會嚟食啦。店舖喺中環嘅一條小巷，好有風味。店舖位置，大概有10幾個，星期五晚上人流不絕，我哋坐咗咁耐都係full House嘅。喺中環嚟講，有質素價錢有相宜嘅舖頭嚟講，呢間真係大推。三一餃子咖喱飯 - $58咖喱飯喺呢度唯一嘅飯，好好彩叫到最後一份。飯量超級多，係珍珠米嚟嘅。咖喱係日式甜甜地果款，唔會太辣，送飯一流，入面有好多洋蔥同甘筍。咖喱仲有配六粒餃子，有三款口味可以揀薑蔥、蒜心、墨醉雞肉餃，我哋揀咗薑蔥。係係煎餃子嘅形式上嘅，外皮煎到好脆身，餃子醬卜卜，餡料味道好平均薑蔥配豬肉，仲有啲Juicy。壽喜燒餃子定食 - $72 呢個都係超有誠意嘅作品。首先會有一碗加左水波蛋嘅烏冬，用貓貓碗裝住真係加晒分。然後個壽喜燒係即燒，上枱嗰陣超級熱，仲渣渣聲，湯底唔係死甜，係清清地咁既，入面有鮮菇、椰菜、豆腐，係清甜既味道，佢重要配埋粟米豬肉餃，都係甜甜地既組合。個湯底配飯或者烏冬都好味。巴斯克蛋糕 - $42 呢個巴斯克蛋糕有驚喜，絕對比得上一啲Cafe，佢係原味，但係流心嘅。蛋糕質地幼滑，唔會太甜，芝士味都好濃，而且份

今次我試咗粟米豬肉餃🥟佢個外皮都幾薄 內餡好JUICEY！！同埋豬肉食落都幾有鮮味鰹魚昆布湯底清清地 整體推薦 會回訪❤️勁鍾意佢呢個餐6隻餃子配野菜 減緊肥都唔覺得罪惡 味道清甜 仲可以補充纖維 仲有cold brew飲💛

今日放工去咗食餃子🥟，雖然間鋪細，但野食絕對有驚喜🤤🤤 **冰花抄手**：呢個冰花抄手真係令人回味無窮！啲抄手皮薄餡靚，每口都感受到鮮美嘅肉汁，配埋冰花嘅口感，真係一試難忘。**芫荽豬肉餃**：芫荽豬肉餃係我嘅心頭好，肉餡鮮嫩多汁，芫荽香味濃郁，夠清新，食完一啖又一啖，停唔到口！**火焰醉雞翼**：火焰醉雞翼真係超正！雞翼外脆內嫩，淋上嗰陣帶醉意嘅醬汁，味道真係一流，絕對唔可以錯過！三一餃子 (利源西街) (中環)中環利源西街7號地舖

呢間好似係中上環都幾出名嘅餃子店，呢日平日下午嚟試吓，有下午茶，小店店面不大，座位不多。豆漿蝦皮湯米線算係menu內比較特別的食物，仲擔心會好奇怪，點知又幾好味，豆乳味都幾濃，亦都有少少蝦味。套餐豆漿飲品，係支裝的。炸花枝丸熱辣辣，幾香脆。招牌餃子幾香脆，不過比較細隻，豬肉幾香的。韮菜煎餃都幾香脆，韮菜味都幾香濃。味道都唔錯，豆漿米線有驚喜，餃子還好，不過份量不算太多，食個下午茶就ok。服務都ok。

唔係好餓又諗唔到食咩時既好選擇豆漿湯好好味餃子皮薄肉多加$7仲可以叫埋網春卷，抵到爛但如果外賣可以叫菜底就更好啦個人比較唔鐘意擬似鎮江醋既味，如果有其他醬汁可揀都唔錯

enjoy a free glass of sake @ttdumplings 🍶 savour a variety of dumplings in soup or pan-fried 🥟 don‘t miss out on their basque cheesecake 🍰香港中環餃子酒場 @ttdumplings 免費送清酒 （餃子の酒 ）🍶 主打多款湯餃同煎餃 飽滿足料 🥟 唔好錯過巴斯克芝士蛋糕 🍰🍲 壽喜燒餃子鍋物定食 + 竹輪 HK$78湯底清甜 融合和風風味蒜芯豬肉餃 帶有蒜香 爽脆肉嫩配料豐富 冬菇 豆腐 椰菜 雞蛋烏冬煙韌彈牙 滿滿香蔥紫菜🥟 (煎) 招牌餃子貮號6隻HKD$46🥟 (煎) 韭菜蝦皮豬肉餃6隻HKD$42外層冰花脆皮鬆脆 內餡肉嫩多汁招牌餃子貮號 濃濃香蔥 帶薑油香氣韭菜蝦皮豬肉 炒香蝦皮 鮮甜濃香🍢 炸花枝丸3粒HKD$24表面香脆 口感彈牙 🍗 炸餃子雞翼 HKD$39雞翼釀了餃子肉餡 飽滿口感豐富🍰 巴斯克芝士蛋糕(原味) HKD$42表面焦香 芝士香濃 濕潤柔軟🍶 日本清酒二段酵母仕込 150ml HKD$48醇厚口感 清爽餘🍶 日本清酒鮮榨生

三一餃子都開咗幾年，一直喺中環都超人氣，佢嘅套餐係中環嚟講真係好抵食，唔使$100就有齊小食、餃子同埋麵。每次去我都一定係叫蒜芯豬肉餃，佢餡料嘅比例好好，蒜芯味香得來又唔會蓋過咗豬肉味，揀煎餃就仲香口。麵嘅湯底最鍾意揀芫荽豆漿湯，對鍾意食芫荽嘅人嚟講，滿滿嘅芫荽真係好正，不過個豆漿湯底其實唔係好飲到豆漿味。另外小食炸花枝丸唔會好油，入面嘅花枝仲好彈牙，一共有三粒份量都適中，連埋啲餃子同埋麵，食完之後都好夠飽。

上網搵下中環lunch 有咩好食 見有多post都推薦呢間 於是決定搵日去試下店舖被橫巷嘅鐵皮檔遮住 驟眼睇毫不起眼我12點就已經到餐廳 仲未有排隊人龍收銀見我自己一個就指我去最入嘅卡位坐低餐廳用QR code落單 見到午市有唔同嘅lunch set combination 有主食+餃子🥟 or 主食+餃子🥟+小食 or 餃子🥟+餃子🥟/小食因為唔太想食主食 於是揀左墨醉雞湯餃6隻+松露豬肉煎餃6隻醉雞餃好似比較小聽到 好似幾特別所以想試下一上菜第一眼就覺得個貓貓🐱碗好得意🥰醉雞味好出 但又唔會話酒味太搶 好好食😋湯底有淡淡嘅粟米煲湯味松露煎餃未食一上菜就已經聞到濃烈嘅松露味 一咬落去就食到濃濃嘅松露味 鍾意松露味嘅我覺得好好食🤤 煎餃皮煎到香脆可口 果然餃子係要熱辣辣食就好好食餐廳環境似家族經營小店 座位大概廿餘個 未到12點半就已經坐滿 埋單走人嘅時候已經見到出面好多人排隊 呢間的確係幾好食嘅👍🏻

<蒜芯豬肉餃(湯) +鰹魚昆布湯米線 🥟> 💲58呢個套餐真係好抵食 有6隻餃子加一碗米線 呢款餃子真系唔錯 味道鮮美 餃子皮薄薄地, 肉汁多啲, 一口咬落去非常有口感🤤而鰹魚昆布湯米線都幾香濃 湯底偏甜 呢個價錢黎講 真係物超所值㗎呀 😋
<粟米豬肉餃(煎)+鰹魚昆布湯米線 🥟> 💲62如果想轉煎餃要加+$4 最鍾意食粟米豬肉餃 粟米嘅甜味同豬肉嘅鮮味好啱啱地融合埋一齊 煎到金黃香脆 配埋鰹魚昆布湯米線, 真係一絕! 不過相比起湯餃 煎餃嘅份量會比較小 男仔可能未必夠飽🤔<豆漿🥛>💲7套餐加$7就可以有一支豆漿 我幾鍾意呢家嘅豆漿 豆漿濃郁滑順 唔會太甜 啲豆味好濃郁 口感好滑順清爽 感覺上應該無添加其他味道 價錢都算合理 值得一試

最近想吃得健康點🥗這天來到中環一帶經過了一間在區內有點名氣的餃子舖終於都有機會來試試了🥟✩‧₊壽喜燒餃子定食($76)一窩共有六隻餃子可選擇雙拼😊今次嘗試了薑蔥豬肉餃和粟米豬肉餃兩款餃子的味道不錯豬肉的肥瘦比例平均沒有太油膩🐷還有冬菇、豆腐、椰菜、木耳和雞蛋等配料跟餐的烏冬要大贊真的是超級彈牙🍜食完一份都很想再encore🤩✩‧₊餃子大阪燒($58)選了招牌餃子作為主底餃子吃起來飽滿真材實料💪不過沒想到竟然是炸餃子以大阪燒這個烹調方式有點新奇醬汁和餃子味道都不錯不過如果醬汁再多一點就更好個人覺得有點略乾*☼*―――*☼*―――*☼*―――*☼*―――*☼*

壽喜燒餃子定食$72薑蔥豬肉餃餃子又有壽喜燒呢個配搭都幾特別😇壽喜燒醬汁意外地同餃子好夾😆一咬好香薑同埋蔥嘅味道😇配搭烏冬😊烏冬表面有隻蛋又可以撈埋啲蛋漿一齊食😀多重配搭😇唔同嘅享受😌性價比高粟米豬肉餃(煎) 6隻$42好鍾意佢煎到好似日式冰花餃子咁外脆內爆汁😊一咬有一粒粒粟米嘅口感😇層次豐富😌配搭佢個秘製醋同埋辣椒醬都好好食關東煮$39上次食完佢呢個關東煮之後念念不忘因為呢個價錢食到咁多款材料都真係性價比高蘿蔔非常之入味😀配搭冬菇同魚蛋清酒🍶$0最正嘅係呢間餃子竟然免費送清酒飲😉有一種日式嘅感覺😍清酒好易入口😍甜甜地好香

喺中環想食平靚正嘅美食真係唔容易，呢間位於利源西街嘅餃子小店，主打五花八門嘅日式煎餃，餃子嘅口味非常之有創意，價錢亦好經濟實惠添～(煎)大阪燒招牌餃子 + 鰹魚昆布湯烏冬💰HK$72大阪燒招牌餃子味道好特別，表面鋪滿咗滿滿嘅沙律醬、木魚絲同埋紫菜，外皮好香脆，餡料充滿肉汁！鰹魚昆布湯好清甜，烏冬口感彈牙！成個餐嘅份量剛剛好～

同朋友放lunch想搵間平價又好食嘅餐廳唔係咁易，呢間中環餃子店非常抵食，食過幾次都覺得好好味🥹今次就叫咗個大阪燒煎餃🥟基本上就係大阪燒會有嘅味道，餃子多餡，煎得夠脆口，配埋紫菜同柴魚碎食口感十足🤤另外套餐加小小錢轉左鰹魚湯烏冬，烏冬一樣煙靭，唔係用普通嗰啲平價烏冬🥹總結係一間會繼續支持既餃子店😆

今天午餐外賣自取了三一餃子的韮菜豬肉煎餃+鰹魚昆布烏冬+炸花枝丸。餃子皮脆肉汁鮮，烏冬正常，昆布湯好飲，炸花子丸也不錯等外賣時，店舖坐滿客人，門口也聚滿了等位及等外賣的人，午餐時間比較多人

店舖面積小，有一啲新奇少見嘅餃子口味，同埋唔同主食嘅套餐combinations 。選擇餃子同主食嘅時候，可以揀多蔥，正！墨醉雞餃：醉雞味唔算濃郁，肉都算爽，皮唔厚。唔係好明個「墨」字代表乜嘢，我仲以為係有啲墨魚味，但食落又唔覺得有墨魚丸嗰種彈牙感覺。總結就係正正常常，我會期待更重啲嘅酒味，同埋以為會彈牙啲。芫荽豆漿湯米線未攪勻飲一啖，就係豆漿雞湯嘅味道。攪勻咗之後再食吓食吓，就覺得啲芫荽同蔥搶咗豆漿嘅甜味，剩低啲青草味。覺得都係就咁豆漿湯，芫荽都係溝落麻辣湯會比較合我嘅口味。炸醉雞翼：呢個酒嘅感覺比起個醉餃濃郁，個皮都炸得鬆脆。整體係滿意嘅。雖然試咗，都係覺得醉雞都係平時浸酒嗰種，會更加嫩滑同酒香味濃郁啲。但係不失係新奇值得一試，整體都唔錯。整體嚟講，都係OK嘅選擇。應該都會回頭，再試吓其他口味。環境： ★★☆☆☆ 味道： ★★★☆☆ 值得試指數：★★★★☆