三冠皇餐廳 (已結業)

2008年3月16日，三冠皇今天去維多利亞公園花展，早上來這裏吃早餐，叫了兩個餐：班尼迪蛋：個賣相一般啦，Poached egg OK，英式鬆餅幾酥，但都脆。通常一般茶餐廳都無egg benedict食，所以試下都幾特別特別來。腸仔蛋多士加羅宋湯螺絲粉：多士唔係太好。雖然羅宋湯都幾好飲，但配了螺絲粉當湯底就有D怪。餐跟普通熱飲，但我們加錢要了兩杯即磨咖啡。普普通通。

2008年3月10日，三冠皇與幾個同事來吃午飯，看到餐牌改的菜名，好像很港式的西餐。試了這裏的招牌菜密洞雞。密洞雞餐：這個餐跟紅飯，飯和雞的味道都好，雞肉嫩，因我不吃雞皮，更覺得雞皮很多，醬汁有甜豉油和酸酸地的薑蓉醬，兩個都不錯。明太子忌廉汁義大利粉：吃下去覺得有忌廉汁有點乾，意粉很粗身，很就沒有吃過比較粗身的意粉，煙韌度可以，但配料很“斎”，只有幾塊番薯，味道一般。兩個餐都跟了羅宋湯和熱飲。湯的份量也不少，味道很不錯，酸度適中，材料也多，喜歡啊。

環境係幾好，但以咁既價錢，叫兩個Dinner，味道真係好普通，焗飯鹹，沙津千其唔好叫，冇理由收$56仲用沙津醬，咁就叫凱撒沙津架嘛．．．

這間餐\廳很特別，裝修是用馬作主題。而食物分別是西式和泰式，各有特色。我的推介是青咖喱雞. 密洞雞﹐紅酒燴牛尾.好好味﹗服務態度一流，笑容滿面!價錢都算合利。真的一定要試呀=)

在Art centre和APA看show的人, 通常都會為show前的晚飯費煞思量。試過好多幾次, 苦思不得要領, 最後普通茶餐廳或麥記了事。早前一段時間在灣仔工作, 發現這家餐廳。位置頗隱閉, 格局介乎西餐廳與茶餐廳之間, 並不拘束。上次看show前和朋友來試晚餐。starter: 鹽燒咸牛利(唔知屬於邊個國家o既菜式, 不過幾好味!)soup: 羅宋湯, 蓮藕中湯main course: 野菌牛肉意大利飯、千島汁海鮮焗飯環境唔錯, 洗手間出乎意料地衛生。位置近APA, 屬看show首選。三十分鐘都可以食得豐富好味~以後就算趕時間都有好選擇~p.s.全日不設加一

我同女朋友日日都出街食飯，試左好多唔同既餐廳食都食到無曬驚喜出面平既餐廳食黎食去都係呢幾味貴既餐廳，我地又食唔起同女朋友拍拖3周年紀念都唔知去邊間餐廳食好喇你知架啦，女仔成日叫男仔度下去邊到食飯佢個心就話無所謂姐如果你帶佢食一間難食既野慶祝拍拖紀念日佢殺左你都有份呀！我都度到無曬計~真係唔知可以去邊到搵驚喜俾佢喇但尋晚經朋友介紹之下去左試灣仔譚臣道既三冠皇我同我女朋友第一次食三冠皇入到去個環境超好！有兩盞水晶大燈牆上面掛滿左好多馬既畫成個感覺都好好我女朋友好鐘意呢度既燈光另外，值得一讚既係待應小姐會好樂意，好主動介紹佢地餐廳既主打菜呢間餐廳有西餐同泰菜arm曬我女朋友口胃佢淨係見到個菜牌d相，幾乎想叫曬全部菜黎食話到明今日係我地兩個拍拖3周年紀念當然要叫個扒黎鋸下啦我地叫左個皇席羊膝我女朋友本身唔太接受羊膝，佢嫌出面餐廳既羊有蘇味但我地見張相咁靚，都忍唔住叫左一客出乎意料，呢個羊膝除左唔蘇之外個賣想真係好得佢整到好靚，個感覺就好似食緊高級餐廳既羊膝羊膝下面個配左焗南瓜同薯容個汁仲好味到難以形容我地兩個見佢紅紅地色都以為係茄汁再望多次個餐牌，原來叫佛羅倫斯汁好正，我覺得個汁整得好好！出面

下午四時左右一家五口去灣仔三冠皇餐廳下午茶,環境不錯,食物也好,只是招待真的很差,因當時只有二䒷 客,那幾位女侍應只看電視,叫也不理,想不到現在還有如此的招待.

星期六既朝早，初嘗三冠早餐，佢哋既早餐供應時間好似至到十二點，一看餐牌上面既圖同內容就會唔識選擇，皆因同茶餐廳既唔同，帶似歐陸high high既早餐1) 英國賓尼式蛋配飲品($28) ~ 推介!!!最底的是開邊牛角包，對上是火腿及波蛋(所謂波蛋是指蛋白包著蛋王)，再加上特製荷蘭汁，單是賣相已值回票價，本人急不及待嘗試一口，好味到兩眼瞪大ｏ晒咀，我諗呢個咁好味既早餐係我平生覺得最正既2) 螺絲粉配羅宋湯/雙蛋/厚多士配飲品($20)Sorry，我掛住食我個早餐無試到呢款，但據聞都唔差喎二人共消費$48

午餐有A至I之多，中、西、日、泰任君選擇。各人點了自己的餐後，侍應開始上菜，其服務有點隨意，意思是不依次序上菜，可以先上同事的青咖哩飯、我先上熱檸茶、餐湯又給了另一同事，不過這類的高級的茶記，而且又是午飯時間，都不會有太苛刻的要求。湯是羅宋湯，雜菜較多，味道較清淡。我要的黑椒牛意粉，賣相一點不吸引，意粉好零碎、牛是切絲不是原條，我鍾意黑椒味道夠濃烈，如果不嗜辣的人會嫌黑椒過重；意粉竟然不是港式稔意粉，是有咬口的。同事的青咖喱飯亦不俗，有泰國餐館水準。

我最欣賞招牌密洞雞, 雞肉滑夠味, 就算有雞胸肉都不覺"鞋", 醬汁不錯, 至重要是已經起左骨, 不用吐骨, 夠方便, 我和同事lunch去食, 通常必食...其他午餐都有很多選擇, lunch價錢由$35-42左右一個餐, 包例湯及飲品, 密洞雞餐$38...可以一試

There are several Western Dinner Sets available. Have tried the grilled Salmon steak and risotto , th taste and potion is good. Some thai dishes is available too, will get there have a try on next visit.

很久沒有去到譚臣道一帶了,看見街頭有間名叫"三冠皇"的餐廳,照推斷應該是曼聯球迷開設.一聽到三冠這個名子,大多人都會想起曼聯.望一望入面,一看就看到應屆馬王爪皇凌雨特大海報,尚有其他馬相如奔騰,靚蝦王,原居民等歷代馬王等等...原來是賽馬主題的泰國餐廳.命名叫三冠皇,用爪皇凌雨做招牌,似乎又講不通,香港賽馬史上,真正三冠皇,只得翠河.下午茶時間食客稀少,正好給我一個避世空間,下午茶餐由$20起,這個三冠皇豬扒包,豬仔包身例牌外硬內軟,豬扒肉質鬆化.加些炒洋荵,倍添惹味.不知道晚市如何,相信如果撞正賽馬日,這處應該會幾好生意.PS:十多年來香港都出不到一隻三冠馬王,但我在Winning Post內就周不時出.哈哈!

第一次來這間賽馬餐廳晚上十點後有宵夜優惠蜜洞雞原來即是泰式海南雞雞是黃油的但不算太肥份量也很充足配上混入紅米的油飯和梅菜排骨湯醬汁只是一般不過雞有雞味不蘸醬也ok整體也很不錯而且勁飽三十七元一份算很抵食坐不算太好坐但人少少又有電視睇第一次睇到adam鄭既謎幾乎大庭廣眾杰一聲笑左出黎大電視不知賽馬日會否播馬?

某日經過此餐\\\廳地方真的比較偏僻,其實如果不刻意留意,大家可能未必留意此餐\\\廳~值得一提的是....夜晚的自選套餐\\\!我和幾位朋友叫左個呢個套餐\\\,包括有雞,有魚,仲有咖哩同埋菜都係$198, 條魚係泰式既甜酸魚...真的不錯!!!仲包埋湯...個湯係依你人數而定...所以人多去就超值~~~~~不過唯一要講既就係...飯要另叫~~~~不過都唔緊要啦,一個都係$6!分量都ok~若果可以跟餐\\\有少少優惠就非常好!!!!!!!

出埠幾天，食既野總括來講都唔係差，只是酒店的早晨特別駭人。熱都唔熱下，莫講話佢既味道。四星級酒店竟有咁樣既出品，成何體統？！好在只是去短短幾天。回港已是凌晨時份，不想吃夜消，一心只想著要吃一餐西式早餐。因此，夜晚乖乖睡覺，第二朝一早起身吃早餐去。沒有錢，不能去吃大酒店的English Breakfast，只可選擇食平價野。記得三冠皇的下午茶是可以的，就來試一試佢既早餐。好想食Eggs Benedict，誰知是日沒有供應，失望！考慮一陣，改要了雞扒炒蛋焗豆，飲熱檸茶。雞扒size不太大，但就好厚身，口感幾好；皮不夠肥，肉卻幾嫩口，還算可以。炒蛋當然及不上澳洲牛奶公司的滑淨，但都稱得上可口。焗弄是罐頭野，無須多講。多士厚身亦剛烤起，脆口加上牛油香，挺好！熱檸茶的杯口大部分是崩角，飲時要特別小心。茶味較濃，喝後整個早上都充滿活力。招呼我的服務員是師奶一名，似是新手，但禮貌周周，工作態度良好，應該嘉許。