三味真鍋 (裝修中)

係鬧市中咁既收費 擺明就係街坊生意 雞煲煮完不會老 另外食完湯底另上打邊爐雖然新開張 野食種類不算太多 但咁既收費係可以接受 值得一讚就係佢地手工餃 粟米豬肉餃同韮菜餃 只可以用一個字形容「絕」

本身諗住冇咩期望，諗住是但想搵間打邊爐，食飽就算，始終街市，點知都有啲驚喜，雞煲唔錯嘅雞夠滑，唔柴，，香味足嘅，酒水都算多，但冷氣就爭啲，加上我去果時人就比較多，可能咁嘅原因會差啲，可能天氣凍返小小會更好，本人覺得最得就係支裝可樂，呢個驚喜啦，第二驚喜就係個牛丸，食到入面重有汁，感覺差嘅就係會都要自己去拎，去整，不過呢個價錢係正心性價比高嘅，出面食果啲都係要自己出去汁，出去拎，最後感覺就係可以再黎食。

今日朋友話帶我去食雞煲，佢話觀塘街市開咗一間CP值幾高嘅雞煲，我問有幾抵先，佢話90分鐘$128 ， 早一日訂位仲平多$10一位添，糧尾約食飯最佳之選！抱着半信半疑嘅心態我嚟咗，一行七人座低.。叫咗一個雞煲，份量係幾足嘅！但因為有人唔食辣，所以我哋再加多咗個芫荽皮蛋鍋，個皮帶芫荽喎嘅皮蛋都算幾多，平時出邊都係得一隻，我目測好似有兩隻！食完雞煲之後我啲朋友話唔夠喉所以我哋又加錢要多一隻雞煲！食物來講呢個價錢都叫做多選擇，因為佢話有多過30款，所以我仲專登走去數下有幾多款，都有34款….嘢飲我超開心，因為我見到有我嘅至愛玻璃樽可樂，飲可樂緊係要飲玻璃樽啦先夠氣呀嘛！我諗住咁嘅價錢嘢飲應該會好Hea！點知原來唔係，佢有玻璃樽可樂同埋仲有朝日啤酒，我真係估佢唔到！食食吓我見到啲午餐肉我就話，如果有炸午餐肉食就好啦！廚房姐姐聽到我嘅說話，就話不如我而家炸黎請你食，雖然係一個小小嘅！舉動但係都令我好開心！下次可以再嚟食

今日路過觀塘街市，諗緊今晚食咩好，竟然比我發現咗一間正野🤣✨$128就食到,Cp值好高，雞煲、火鍋放題天氣轉涼打邊爐一流，最正係任飲啤酒😍✨仲要係朋友仔最愛的朝日😍朝日😍朝日啤酒🍻同屋企食差唔多價錢，唔使自己整到身水身汗👍🏻👍🏻俾我搵到新嘅飯堂🤣我真係好鍾意打邊爐㗎🤣✨今日一行4人去一邊食一邊飲酒🍻呢個價錢環境都OK，嘢食整齊都ok，絕對適合我呢啲放咗工唔想煮飯嘅朋友仔🤣

天氣凍凍地，一定約朋友一齊打個邊爐啤啤佢，朋友有要求：抵食好味！甘就搵到呢間雞煲食，開頭諗住平就無所謂，但出奇地雞煲好味，足香料，雞滑！唔係平時嘅醬料雞煲！有個fd唔食得麻辣雞煲，仲可以加錢來個芫荽皮蛋打邊爐添！兩邊打邊爐雙重享受，邊爐料勁多，全部食一啲都有排食！（好多細樽飲品，唔飲酒都覺得正）慢食由19:30食到21:30，飽飽走人。(老闆仲好熱情甘同我哋飲返杯，呢啲就係香港人熱情囉），朋友都講凍啲可以再來打個加辣雞煲