三多炸肶 (已結業)

weekend 最適合宅喺屋企，瞓個晏覺，起身食個炸雞𩨨 🙃🙃🙃話咗宅係屋企，就梗係一步都唔想出門口啦⋯⋯所以我就用咗個好方便嘅外賣Apps叫咗個傳說中超好味嘅三多炸肶🍗黎試下 🙌🏻用Apps叫，大概30分鐘就有得食。講堅，外賣嚟到嘅時候，隻炸脾仲係熱嘅！😍😍😍炸脾真係堅好味！皮係脆嘅，肉係滑嘅 。係愛脾之人must eat item🍗🍗🍗除咗炸脾，椒鹽雞軟骨都係超正！！炸左嘅雞軟骨配椒鹽同洋蔥勁好味！係入味到連洋蔥都會食晒囉🙊🙊媽呀⋯⋯⋯⋯超多油啊⋯⋯但係真係好好味🙈🙈🙈我哋兩個人仲叫多咗個豉油肉碎炒腸粉。腸粉一打開係每一條都沾滿左豉油嘅😋😋😋老實地說，炒腸粉就一定油膩架喇......但係值得嘅🙊總括而言，係一個唔錯嘅廢青選擇😅

今日到紅磡剪髮，經過見到「三多」分店就心陏陏想食嘢散點左炸芝心丸同埋炸腐皮蝦條，兩炸物均很彈牙，芝心丸亦有流心的情況(小心爆漿)下次有機會要食二人餐好抵食店內有二十幾個座位，夠寬敞三多的招牌大家應該唔會陌生

用得炸批來命名嘅，就當然對自家的炸批有信心啦！ 每次經過都想試下，但怕太heavy 。 不過真係認唔住， 諗住試下個炸批，結果食咗成個二人套餐(當然唔係只得我一人KO 啦！） 我同男人叫咗個$138 二人餐分別有椒鹽雞軟骨， 炸粉不錯，但師傅重手咗，鹽咗些豉油抄腸粉， 還可以！ 油多了些主角出場啦！ 三多炸批！ 真係好食！ 做到外脆肉嫩！ 肉汁湧出黎， 好加分！ 下次只食炸批都好足夠！ 真心推介！今次無飲佢地嘅飲品， 下次再來食多次

今日嚟到紅磡，經過三多，佢依家真係開到周圍都好多分店。叫左隻炸脾，可能即叫即炸既關係都等左十幾分鐘。30蚊一隻黎講算幾大隻，香脆多汁，唔會好油膩！不過今次自己唔小心落多左辣粉，辣到標眼水

原來紅磡開左間三多都唔知，聽同事講起，放工經過就走去買黎試試。雖說即叫即整，但比我想像中快弄好，十分鐘都沒有就弄好了，但出黎個賣相就黑左d，好似燶左咁，係因為油炸左太多次無換到？定係因為隻脾一早已經弄好再返炸？因為睇唔到製作過程，所以就唔知啦……講番味道啦，食落就同幅相睇到既一樣，塊皮係有d燶同乾左少少，不過裡面既肉都ok既， 同埋都夠入味，喜歡香囗野的朋友一定會喜歡。加埋七味粉一齊食仲正。至於價錢本人就覺得略嫌少貴，因為要成30蚊一隻。

係紅磡開左一段時間，宜家先去試。下午茶，兩個人，當然一定要食炸肶啦，即叫即炸，所以都等左一學時間，炸得好脆，吾會覺得油lum lum ，一d都吾乾。仲叫左個炸腸粉。夠辣。正。

某天， 去到大埔三多，點了出名炸脾外，再點了炒腸粉， 意想不到的是炒腸粉給了我一個驚喜， 今天來到紅磡當然要再戰炒腸粉啦！點知給了我一個驚嚇， 第一，超級唔環保，咩都用即用即棄的碗筷，第二，炒腸粉淡而無味，就像幾條腸粉再淋d豉油係上面一樣，一啖咬落去，白雪雪， 重以為自己無左味覺添，再者個豬扒炒公仔面，完全係無心之作，完全唔係炒公仔面羅，乾面皇先啱， 原來同一品牌可以味道可以差咁遠， 可以咁形容，五星級酒店价錢，大陸5蚊街邊飯盒不如。

Compared to fried chicken leg, my preference here is always their fried chicken cartilage.Crispy, flavourful and come with some spiciness, this combination is simply irresistible.The thing I like about this joint is the available of the seats and the friendliness of the staff. I finished my complete order by myself without pressure to leave asap.

近期好似周圍都見到三多, 就試一試睇下好唔好食, 最後揀左紅磡呢間,因為偏少少附近易泊車。叫左炸脾餐跟黑牛, 即係可樂+雪糕, 另外叫左油脾跟飯。首先講炸脾,的確幾好食,炸粉夠薄, 同埋有啲似日式吉列既炸粉,內裡唔會太乾幾好味。油脾比較甜,但可接受, 比較之下炸脾出色得多。 還有一個豉油肉碎炒腸粉,肉碎係幾好食,但真係咸得濟喇, 下次未必再叫了。整餐味道偏重,下次再黎會叫炸脾或跟飯就夠了。2個人食左134蚊, 應該會再來的

食開「三多炸肶」便會知道「三多」的炸雞肶應該是即叫即炸的。 可是來到紅磡店， 小編order不到10秒，雞肶便送到我面前，只剩下微熱的雞肶，有點兒令人失望呢！😟 唯一好處是紅磡店有座位提供，可以堂食， 坐得幾舒適。 三多炸雞肶（$29） 三多雞肶依舊以長竹籤穿着，還有手套提供埋，讓食客吃起來挺方便的！👍🏻 炸雞肶的大小仍然比手掌大🖐🏻， 雖然雞肶只是微熱， 但嚐起來外皮都算香脆，裡面厚肉多汁， 加上店家自家製的辣椒粉，微辣惹味， 只是不夠熱扣了點分數。🙊 「三多炸肶」開到街知巷聞後， 終究敵不過變成了連鎖店後，水準便會下降的命運。 😔

難得連放四日假，又唔想同人迫，於是同老公去紅磡黃埔行下，以前我地住附近，成日去紅磡食野，今日下午行下紅磡食街時，發現三多炸雞原來在紅磡亦有店舖，愛食雞脾的我當然要食下。望望餐牌，都好多選擇。但在三多炸雞食野當然要食炸雞脾啦。炸雞脾係即叫即炸，等左7-8分鐘，炸雞脾出爐，雞脾相當香噴噴，而且又熱辣辣，佢地好細心俾埋膠手套俾食客拎來食，一拎上手，好熱，咬第一啖，雞皮相當脆口，而且炸醬唔厚，好有細過時食炸雞脾的味道。雞肉相當嫩，而且有肉汁，熱食真係一流，啖啖肉，食完相當滿足。

難得過嚟紅磡，附近有咁多好嘢食 都唔知食邊間好，見到近排openrice三多咁出名 ，又有啲口痕，又未係好肚餓，所以就嚟咗三多炸脾度食嘢啦一入鋪頭眼見座位不是太多 等咗一陣就有位坐啦 一場嚟到梗係要試招牌菜炸雞髀啦 不過淨係叫炸雞髀都唔夠嘅，咁所以我哋就叫多咗炸薯條，炒腸粉同埋一杯爆檸炸雞髀份量其實都幾大隻 食落去表皮都十分香脆 最欣賞既係食落去雞肉仍然十分嫩滑， 另外，食得出雞髀有經過醃製， 醃得十分夠味，而且味道適中至於炸薯條方面，同樣畀到驚喜我，一開頭會以為好似喺出面街邊小食咁樣炸起完之後變成一pat pat咁，一啲都唔香脆，但可能因為薯條吃新鮮炸起，表皮十分香脆，但內裏依然有d林林地， 加埋少少鹽調味，食落感覺不錯至於咁多道菜之中我最鍾意係炒腸粉， 炒腸粉， 用豉油調味， 再加上芽菜，肉碎， 香蔥 雖然食物有d油膩,但係食落真係感覺上好好食,味道暫時係出面食唔到，必定要試食咁多油炸嘢當然一定叫杯嘢飲去送下啦 ，一開頭見到爆檸呢個名都覺得好得意，原來係凍檸茶再加一爆珠 ，爆珠嘅質感好得意，一咬落去即刻爆開， 同檸檬茶嘅配搭好新鮮

平時係荃灣就食得多喇，今次係紅磡見到新開張，就心郁郁想入去試下，睇下紅磡鋪水準如何！炸雞脾炸到深啡色，聞落仲幾香，卜卜脆，炸粉唔算太多，肉質保持到鮮嫩，有juicy嘅肉汁。有四種辣味揀，我今次揀咗bb辣，食落就更香口惹味，唔係好食得辣嘅人都可以試下。相比之下，滷水雞脾就比較普通，雖然肉質唔算好幼嫩，但滷水味都好出，尚算入味。另外，紅磡鋪每張枱都放咗啲card game 比人玩，邊食邊玩都幾嘆，可以解下悶。

大埔嘅三多炸脾，不嬲都幾出名，朋友推介，紅磡嘅三多炸髀原來都唔錯，試食過後，甚為高質。炸雞脾：即叫即炸，大約要等15分鐘。炸雞脾嘅雞皮炸得相當香脆，好似食薯片咁樣，雞皮嘅粉漿又唔會上得太厚，感覺係食雞皮多過食粉漿。雞肉冇overcook，仍然係好juicy，皮香肉嫩。整體嚟講，呢隻炸雞髀相當有水準，亦夠大隻。 順帶一提，除炸雞髀附送一隻膠手套，等大家唔洗整污糟手，相當貼心！！！爆檸：其實即係檸檬茶再加爆珠。檸檬茶一般般啦，但係亮點嘅爆珠，令你飲檸檬茶嘅時候會試到兩種口感，值得一讚。總括而言，$48 嘅價錢能夠食到呢一種質素嘅炸雞髀係相當之難得，可惜環境迫夾，但係尚可接受。順帶一提，由於炸雞髀係即炸嘅關係，小弟食完嘅第二日即係喉嚨痛，奉勸大家食完「三多炸髀」之後飲多幾杯涼茶啦！！！

兩人枱坐四個人 好迫 食野好困難仲要高椅 背包都除唔到要揹住食食物好多油 大家樂水準 唔係特別好食堂食 一個炸肶沙律 一個滷肶意 都要四個發泡膠盒衛生麻麻 好多蚊價錢算貴 坐得唔舒服真係寧願去普通快餐點食