三多

營業中

休息中

呢間炸雞比真係超級咁好食，平時啲雞髀咋到好鞋，但係呢個肉質非常嫩滑，個皮又炸得剛剛好唔會太硬，而且非常入味，雞比雖然貴貴地但係大大隻好惹味呀救命，但糖水方便就麻麻哋。

前排upload左D相，作為openrice初哥先發覺原來up相同寫食評係分開咖噢。咁就補番對三多炸髀嘅少少感想感悟啦。本身就唔係住果頭嘅，認識三多都係史萊姆挑戰辣粉果時知，但係都無機會入來試。見唔順路先特登入來試試。一來睇左兩睇個餐牌嘅，無太大特別，一般宵夜小食店嘅小食都有，但礙於本身就食飽左飯無bubu屙嘅情況下來（btw附近係有乾淨公廁可以屙bubu嘅，我見老闆都係去過個），就直接叫左個炸雞髀，老闆（應該嘅老闆）就比左張3號number紙皮（地道）。等左十幾分鐘，中途去左附近7仔買左支888ml coke來ready，髀到手，熱辣辣，皮脆嘅，感覺係包麵包糠，重量最手嘅，支竹籤都差d唔夠力，好味，肉有汁有味，唔太油膩感。係要ready紙巾以防咬脆左d皮跌落車度姐。

之前一向都係食開炸雞髀，心血來潮想試吓第二啲口味就叫咗滷水雞髀，兩款比較之下自己覺得炸雞髀好味啲,雖然滷水雞髀好入味但係肉質好似冇炸雞髀咁滑。所以如果未食個三多又想去食， 可以試咗炸雞髀先。

前排去台灣旅行, 晚晚都去夜市, 食唔停口。其中一樣喺夜市中最吸引我嘅就係炸雞排！今日就專登嚟到三多嘅大埔總店, 試試香港有名嘅生炸雞髀。提提你呢度係夜晚六點鐘先開門㗎！我地嚟到啱啱開, 已經有唔少街坊嚟幫襯。 由於雞髀係生炸, 而且係即叫即炸, 點完餐就要耐心等一陣啦。炸雞髀送上！ 大大件雞髀炸到金黃色, 賣相十分吸引。趁熱馬上咬一口, OMG！雞扒外層係脆到出聲！酥脆程度完全令人意想不到, 肉質保持嫩滑, 仲有肉汁流出, 真係好食到不得了！

三多有7間分店 成日見到但都未去過今日掃街順便黎啦打算減少罪惡感 沒叫生炸雞肶 點左🔹# 滷水雞髀$30 肉質嫩 味道反而有點太甜🔹# 炸雞軟骨$45一盒都幾多最後2個人食唔曬 ————————————————.💡 三多大埔北盛街29A號地下    ————————————————  

一直都知好出名，不過如果唔係黎開大埔，唔會專登為佢黎食。叫咗炸雞髀小辣，果然係即叫即炸，等咗10-15分鐘，到手仲勁熱，霧曬煙。表皮超脆，熱度對我黎講都幾辣，由其係咁熱。

久聞三多大名，今日終於有機會一試。三多名物炸雞髀即叫即炸，雞脾肉被躺開來炸，不怕炸不熟。不過個人覺得雞髀肉不夠juicy，但香脆度絕對足夠～另外來了一份豉油皇肉碎炒腸粉，鑊氣十足，但就調味過咸，對腎臟負擔超重。

講到炸雞肶，點可以唔提生炸雞肶始祖三多，佢係大埔起家，籍生炸大雞肶同是油王腸粉起家，個個去大埔都必食，始創店有埋甜品賣，食完炸雞可以降埋火，一舉2得，依家仲好，開左好多分店

🇭🇰#香港捐窿捐罅記 食物有時係食回憶，味道都係其次🙂 正所謂雞肶打人牙骹軟 今日就帶大家食下一間好味既炸肶🐥 三多總店雖然位置比較偏 但因為出色既炸雞肶 所以宜家有成7間分店🤤-🐥三多炸雞肶（$30）雞肶係生炸既 所以要等大約7-10分鐘 🤤 唔同其他食店一早煮到半熟🤢 食入口 外皮好脆 ☺️而且肉質夠嫩滑🤩 炸得啱啱好🙋🏻‍♂️ 作為宵夜係一流既選擇🤤總結來說 高質炸肶 值得一試🤤-🎈 大埔北盛街29A號地下-平均傷害：$30好味值：6.5/10

我最喜歡吃的炸雞比是紅磡的298每次跟朋友分享他們都說如果喜歡吃炸雞髀一定要試三多終於有機會去三多 見到相片中的炸雞髀好像吉列豬扒有點後悔但這麼遠來到還是硬着頭皮叫一款再加滷水皮 just in case 炸雞髀到了一口咬落去竟然真係好好好好味滷水雞髀反而有點太甜西瓜沙冰好正🍉喝不完打包了回家溝vodka 😆

同朋友經過三多總店，差唔多到晚飯時間但又心思思想食雞脾所以就同朋友一人叫左一隻雞脾，唔同口味可以share打算一路行一路食住雞脾返屋企，所以叫左外賣等左15分鐘，終於等到即叫即整既雞脾，但由於雞脾實在太大隻同太熱，而又想同朋友share口味食過於手忙腳亂下只好同朋友係附近涼亭既位置立食炸脾外層炸得又酥又脆，亦唔會覺得落左好多粉，咬落去都好多汁！而滷水就好入味，又唔會過鹹～兩者肉質都好滑好嫩，終於明白點解一隻雞脾要索價$30，同茶餐廳既下午茶的確有好大既分別

終於試下三多最出名既炸雞脾！對上兩次都係叫炸雞軟骨，今次終於試下最出名的炸雞脾啦！熱騰騰即叫即炸唔多肥肉又夠脆！好熱氣但久不久食下都唔錯！今次早左8點幾買，等左約3，4分鐘就炸好啦

幫襯過兩次柯打係叫炸雞軟骨！要$45一盒（都係外賣）都算貴，但呢個時間9點打後有熱野食算係禁兩次點呢個炸雞軟骨都需要等5-10分鐘先有，如果住附近可能打電話叫定再落去拎就岩岩好！

出開大埔，點都要去最多人最出名嘅三多啦？第一時間立即叫咩呢！當然係超級無敵炸雞脾🍗啦！行過點可以錯過呢！ 外脆內軟，超美味，現在都流口水呀再黎過碎肉炒腸粉，不過個人覺得似茶餐廳嘅乾炒牛河😝，不過都好食嘅！最後當然要黎個新鮮即開凍椰青啦！超滿意😚！

三多最出名一定喺個炸雞肶，食左咁多次依然維持到水準。雞肶有手掌✋🏽咁大，外皮炸得金黃鬆化，肉質細嫩多汁。最鐘意就喺外皮果層辣粉，都幾辣但非常惹味。最近試埋哩個三層西多士。麵包外層少少脆，整體口感好鬆軟。西多士裡面除左有傳統用開嘅牛油同花生醬，仲夾多左塊火腿，雖然火腿味被煉奶花生醬等甜味掩蓋，但都隱約食到少少咸味，令整個西多士味道更立體。香辣肉碎炒腸粉味道似乾炒牛河，不過就用腸粉代替河粉，有些少辣味幾好食。不過就炒得好油。