三妹嘜

營業中

休息中

放工後從 TST 慢慢行落 MK 見到此店見當時無乜人就走入去試下.以前有去過此店食評地方不算大,加埋都唔夠 15 個位第一點串類先(牛,雞,豬) 好入味.不會太農,所以後來加單再來多三串第二點了泰炒雜菜.這個也不錯,份量不少第三個點了,雜錦海煲,濕濕地也不錯味道.其實好想試其它的菜,不過朋友話飽.下次一定要試食其它野,走過？時好多人了,店內無位,要到外面坐了.總括來說不錯的食物,服務 ok .不過夏天要在外面坐就辛苦 D

好味~~好好味~~~ 雖然坐得好迫 但食過都會覺得值得再黎~~串燒 最少3串, 所以叫了豬牛雞各一, 串燒 覺得一般~~ (TST 好時沙嗲比較好味)生菜包(豬肉) 叫了中辣...... 佢d 辣都幾辣... 我唔算好食得辣... 小辣無乜問題, 試下呢個中辣... 真係噴火 = 口= 即時唸會推介d 愛辣既朋友黎食~~雖然好辣 但好好食~~ 而且佢d 生菜都唔吝惜~ 成日食生菜包都變成最後淨番晒d 肉~~ 但呢度可以食到最後係剩菜~~好味~醃蟹青木瓜沙律阿姐話蟹係生既 未試過就叫普通青木瓜沙律 (相差 $8)想試下 就叫左~~ 個沙律好好味~~ 好好味~~~隻蟹好得意...好細隻 生既 藍藍綠綠... 裡面好咸... 好似海水咁咸.. 唔知d 咸淨係海水咸定係有再浸鹽水....生蟹肉原來好似啫喱咁...滑溜溜...似啫喱未凝固好咁...有d...."鼻涕feel".... 講得核突 但食真係無乜野...又或者話佢似 膏...透明既...唔會好覺係 "肉"不過應該都三四件左右... 唔會夠一隻蟹囉...而d 腳又好難食到, 所以其實都係 "suen" 下d 味道, 有一

A friend of mine was visiting from Korea and was really in the mood for Thai. After wandering the South Temple street market for a bit our stomachs started calling. I had noticed this place when walking through the food plaza earlier and we decided to give it a try. Wow. (side note: it's the food plaza where there's all sorts of seafood restaurants at the south end of the market)I've tried quite a few Thai places in HK (mostly in CWB and Kowloon Tong), and this one takes the pad thai. (Ok,

前兩日同左兩個FAN去左呢間店食晚飯,D位都真係幾迫,坐得唔太舒服.叫左個蒜蓉包,螄UM,黃咖喱牛,椰青海鮮飯,小食拼盤,同炒芥蘭,佢地D野都OK的,尤其係,黃咖喱牛同椰青海鮮飯,好足料,好夠味,不錯.佢地D野飲唔好提了,飲汽水OR啤酒會安全D,總括來講可一試.

第二次來, 店名得意: 三妹嘜, 應該是三姐妹? 還是三母女呢? 下次問一問, 可能早來, 所以有位, 叫了沙嗲四寸, 豬牛各二, 今次比較差了, 上枱昤, 咬落硬實實, 並不太熱, 明顯不是立即燒的, 正確點說法, 應該不是立即”煎”的, 因為看得出不是用火燒的, 沒有明顯的火燶痕跡, 可能是焗的, 唯沙嗲醬汁好好味, 酸辣鳳爪, 爽口彈牙, 伴菜的青瓜洋蔥蘿蔔新鮮好味, 可惜不夠辣, 再辣些更好, 泰啤大支裝, 冰涼又易入口, 辣椒炒青口, 又是不夠辣, 因為寫明是辣椒炒, 不夠辣實在不能原諒噃…., 青咖哩雞, 比較奇特, 顏色太綠了, 與其他泰式餐廳不同, 綠得有點假, 很擔心呀, 味道一般啦, 而且只是雪雞柳幾件, 全沒有骨的, 說實話, 今次有點失望, 但仍會再光臨!

星期五喉嚨痕痕地，星期六開始鼻塞，星期日夜晚已經呆呆滯滯，好明顯是作感冒的徵兆。來到了佐敦吳松街的三妹嘜，精神不振下，菜色交由女友發板，分別有冬蔭功 ($45)、炒椰菜苗 ($42) 及泰式炒金邊粉 ($42)。冬蔭功有大小之分，小的以煲仔呈上，份量足四至五碗，用料新鮮，蝦、草菇、番茄下得慷慨，狀甚對辦。東炎湯底顏色橙橙紅紅的，入口質地夠香滑，亦有來自香茅和檸檬葉的香味，酸辣度調較恰當，但由於有病在身，我只淺嚐了一碗，以免喉嚨受太多刺激。轉攻泰式炒金邊粉，材料包括蝦、豆腐乾、蛋絲及芽菜等，貪其味道酸酸甜甜夠醒胃，金邊粉炒得乾身，不油，灑上一些花生碎同吃，效果不俗，最後我竟差不多吃光一整碟 pad thai。炒椰菜苗則有點失望，夾起大大棵，完全沒有期待的鮮嫩爽口，反而有點硬掘掘。小店的地方不大，座位有限，見門外正有人等位，吃罷立即埋單走人，食物是挺不錯的，下次叫多兩位朋友一齊來試試泰式燒雞和串燒，要多支象啤就一流喇！

聽說在佐敦吳松街,有一間泰國餐廳,食物水準正宗,而且價錢不貴,而這間餐廳名字,叫"三妹嘜".個人吃泰菜一向喜歡在九龍城,是日會在電影中心看電影,順道與女友來一試這間泰國餐廳.店子不大,沒有甚麼裝修可言,極其量是一些泰國皇室成員的照片.而三妹嘜餐牌上的選擇,沒有泰式燒王般古靈精怪,盡是一些大路味道.炎熱天氣之下午,最好喝一杯冰凍啤酒,泰象啤是不二之選,冰凍到帶點碎雪,一吞下去,整個人感覺舒暢.再喝一口水,咦?為何有陣椰青味道?店員說他們奉客的清水,是加上班蘭葉去煲,雖然是區區一杯水,已可見得此小店的認真.我倆叫了幾味菜式,首先上的是泰式炒蜆,老實講平平無奇,蜆肉質素不及之前食評相片內的肥美,而醬汁亦非常之普通,如果再下一些香料去炒,效果一定好得多.女友喜歡吃青木瓜沙律,見到泰式女店員拿著兩大舊青木瓜,不斷地刨,面前的青木瓜鹹蟹沙律,只要小辣程度,青木瓜絲爽甜,醬汁微辣之中帶酸甜,少少的辣度,已能達到開胃目的.想吃炒粉麵,便炒一碟金邊粉吧,火喉夠,酸酸甜甜味道是炒金邊粉必然之條件,可是有點過濕.串燒三味要齊豬,牛,雞,燒得香口,肉質恰好不過粗,點些醬汁吃非常開胃.因為製作須時,所以一坐低便

很久沒吃過泰國菜, 經常聽到九龍城寨的泰國菜最正宗, 但實在離家太遠, 而這家三妹嘜, 每次在九龍公園練功後便經過這裏食客極多, 故特意這天去試一下, 因只有一人關係, 只能點小吃如下冬蔭功湯 - 辣味夠, 用料足 有幾隻新鮮蝦 還見到有香茅等泰國菜常用配料 不俗豬雞牛串燒 - 夠熱, 配上其咖哩醬一流蒜容包 - 一般, 只是用上比較厚的面包而己燒雞翼 - 醃得很入味值得一讚是這裏有冰水供應 侍應滿帶笑容及很有禮貌下次要帶多一點人才能點其他推介菜式

建國60周年嘛, 當然要食餐好的慶祝下!!~ 佐敦吳松街97號 "三妹o麥"(左) - 青咖哩雞(中) - 泰式炒粉絲 (右) - 辣椒膏炒蜆仲有泰象啤 & 棷青!!!*** 由泰國3姊妹創業及親自主理, 開業1年早半年的 U magazine都有介紹過~~服務態度一流, 起菜快 + 靚 + 正, 最重要係好味, 夠正宗, 絕對值得再來一試!!(因為仲有好多好野食未食呀~~)*** 辣椒膏炒蜆 ($68; 青口, 蟶子同價) - 用上又大又肥美 (有膏)的蜆炒, 小小辣辣地, 又不失蜆的鮮味好好味呀!! *** 泰式炒粉絲 ($48) - 足料 + 有heart之作!!屋企自已整的話, 真係會炒埋一碟*** 青咖哩雞好香, 好正宗~~ 送飯一流!!*** 棷汁千層糕 - 好似好簡單既甜品, 但背後的故事絕不簡單因為係佢地自已人手整的關係, 忙的話就一定整唔到; 加上過程繁複 & 費時, 最慘係整一底要蒸成個鐘, 耗電量驚人, 所以事頭話唔日日有架~ 今次黎有得食, 下次再黎唔敢包!!棷汁味啱啱好, 甜度適中, 好chewy!!最有意思係佢既漸變色, 一層比一層深, 一次過滿足味覺, 嗅

當日同媽媽在佐敦睇完牙醫, 四周睇, 睇吓有什麼好食, 因佐敦實在太多好嘢食行經見到一間店仔細細, 得幾張枱, 有個亞姐在店前燒魚, 睇到好似幾吸引加上媽媽都鐘意食泰國菜, 就等咗一陣, 當時7點鬆, 但巳爆滿, 應該有料到???因只有兩人, 所以叫咗以下3款 : 鹽燒烏頭, 需等耐些, 但值得, 好味豬牛雞串燒 : 各一款, 熱辣辣肉汁多, 特別醬汁, 好醒神菠蘿炒飯 : 熱辣辣, 新鮮菠蘿, 唔錯在等魚其間, 周圍睇睇, 見枱枱都叫青木瓜沙律, 好以好好味, 但食唔到無叫, 見蒜蓉包好厚亞姐都好主動飲水(斑蘭葉水), 個個都面滿笑容, 又會主動問食物如何, 睇得出她們用心經營, 下次再有時間都去開飯

琴日我地3個女仔黎左呢度食泰國菜, 因為我地3個都鐘意食泰國野, 所以黎之前都做左一番research, 見到呢間全部都係笑笑食評所以就黎呢度試下喇. 雖然係3個女仔但係我地一d都唔輸蝕叫左好多野食! 泰式炒椰菜苗其實我同朋友都唔知椰菜苗係點既樣, 不過上到黎我地都呆左因為都幾大棵! 哈哈, 不過我自己最鐘意呢個菜, 我覺得好夠辣好入味! 雖然d菜有少少老, 但係好野味所以我依然覺得好好食! 泰式咖哩乾蝦其中一位朋友既最愛, 佢覺得個咖喱好味, 酸酸地辣辣地, 但係我同另一個朋友都覺得普通, 因為我地以為而且覺得d 蝦燒到咁乾身既話, 加少少辣粉咁仲好食, 但佢宜家燒到d蝦乾晒身又放番落一埋咖哩汁到浸番林佢個感覺怪怪地有d唔夾 木瓜蟹沙津我覺得呢個不過不失但係我另外2個朋友都唔鍾意, 有朋友覺得太酸有朋友覺得有海水味但係我地都好認同個沙津太辣! 佢好多籽係入面會唔覺意食到跟住就要飲好多野飲-.- 而且個蟹好恐怖我唔敢食-__- 燒鰂魚其實呢個真係比較失望, 可能因為之前係西環萍姐個度食個個燒魚太好食所以呢個真係相形見拙呀! 首先條魚個肉好梅, 唔係好新鮮. 加上佢只係放左香葉同2片彊係

一入到去就有返左屋企既感覺, 個姐姐好NICE, 又有耐心等我地點菜!!叫左三樣!泰色炒金邊粉 - 我覺得一般, 炒得唔夠乾身, 濕濕地! 味道都算幾好!!有少少辣!炸蝦餅 - 好普通, 冇咩驚喜! 但都算彈牙, 有口感, 唔會好似食麵粉咁!!同雞串燒 - 個汁好好味!!如果唔點黎食, 真係浪費晒!!主要都係要點個醬, 本身d雞串係冇咩味!!

　　昨天晚上一行四人到位於吳松街的三妹嘜食泰國菜。差不多九點鐘，去到都無乜人，但始終係旺區，又是遊客搵野食的區域，所以坐落一陣就差不多滿座，因為坐位其實好小。　　點了５款餸，一個飯和一個甜品，一杯椰汁冰。　　燒豬頸肉　　：普通好味，無特別驚喜。　　泰式拼盤　　：無特別，但都ok。　　炒通菜　　　：都幾辣，好味。　　燒烏頭　　　：好好味，好滑，時間都掌握得好好，如果再燒多半分至一分鐘就perfect。　　生蝦　　　　：全晚最差的一樣，ｄ蝦食落雖然好似好新鮮，但唔知點解一ｄ都唔甜。　　椰青焗海鮮飯：都幾貴，因為得好少，又無乜餸，主要得些椰青肉，唔抵。　　芒果糯米飯　：好味，芒果好甜。值得一讚的是所有隨碟上的醬汁都好好味。雖然不是每一樣都好味道，但因為以這個價錢是值得再試多一次，例如試燒其他魚，因為那燒魚真的好好食，然後再試下其他菜式。

朋友在此打點, 捧場去試菜, 是日夜晚 9 點, 依然爆場, 就知野食唔會好差啦, 是關此店嘅位置, 周圍大把野食, 有番咁上下人流, 唔會差得去邊.廢話少講, 叫了以下幾樣野食 : 乾咖哩蝦 – 好味呀, 蝦夠爽, 個汁又香又甜又夠辣, 有層次!燒雞翼 – 燒得剛好, 有香味又唔太焦, 仲好 juicy, 最好味係個沙茶醬, 非一般味道, 要試下.串燒牛同豬 – 一樣咁 juicy, 正!!青木瓜沙律 – 酸辣度剛好, 好想食唒成碟, 但係我真係太飽啦!! 飲咗椰青同青檸梳打, 椰青夠清甜, 青檸梳打 special order 唔太甜 very good!得閒我會再去試其他野

食完Yamm嘅tea，一直到九點幾十點先肚餓，又諗唔到食乜，諗住行到邊睇吓有咩啱食之際，見到呢間之前都睇過食評唔錯嘅泰國餐廳，都好丫，即管入去試吓！我哋食咗︰泰式炒椰菜苗 - 呢個一般啦青木瓜沙律 - 不過不失泰式炒金邊粉 - 呢個幾好食喎，又唔油，夠乾身，正！燒雞翼 - 掂啦，新鮮熱辣燒起，加埋D沙爹汁，絕對比隔離嘅芭堤雅燒烤過之而無不及呀！串燒雞肉&牛肉 - 同雞翼一樣即叩即燒，又點會唔好食呢！成日覺得佐敦無泰國嘢食，而家終於都搵到間喇，唔知幾時又會再嚟食呢？下次要試吓佢個蒜蓉包，咖哩同燒魚先得！好似都好好食咁呀！