三本目 (富麗花園)

營業中

休息中

跟朋友係大窩口上完gym堂,無意中俾我地發現係係荃貴街轉角位開咗間外賣壽司店《三本目》,見到佢地個menu都有好多選擇,一試竟有驚喜,無諗過外賣小店都有咁正嘅生蠔刺身！🔮火炎魚生丼    隔住個玻璃見到師父好用心咁擺到靚靚先出菜,,擺盤精美,心諗外賣都咁講究,抵讚！食材用料和份量相當豐富,丼飯有多款魚生:劍魚腩, 三文魚,珍寶海蝦,蟹籽,玉子,還有一隻日本溫泉蛋,魚生輕燒過表面, 魚香四溢, 非常新鮮, 性價比很高 🔮極上刺身丼    店主非常良心,魚生都是厚切的, 舖滿整個碗面,每日日本直送,新鮮又鮮甜,帶子和海蝦都是珍寶size, 隻海蝦仲長過我飯手板呀,份量勁多,這個價錢竟有如此高質的魚生,真心覺得抵！ （所以丼飯都會跟日式麵鼓湯）🔮日本生蠔每日限量供應日本生蠔, 極之fresh,重點係堅大隻肥美,脹卜卜到差唔多漏出來咁,睇見到興奮,入口蠔味豐富,極富有海水味,仲加少許鮮檸檬汁或店家自創的柚子燒汁,味道更正！

荃灣區嘅第二間分店，好近悅來坊，對我嚟講更加就腳，叫咗二人特尚套餐拼盤$208，有20件壽司同6件刺身~以外賣壽司嚟講質素真係幾好，印象中三文魚、吞拿魚同油甘魚壽司都好好食，厚切有魚油香，帆立貝同甜蝦都食到鮮味，軍艦嘅紫菜又唔會腍晒，屋企人夜返，我夾咗一半出嚟食先，好有儀式感地每件都可以靚靚咁放返喺隻碟度~ 😅😅刺身拼盤有赤海蝦、三文魚同中拖羅各兩片，赤海蝦質素相當唔錯，鮮甜爽彈，中拖羅夠肥美，但有少少筋~如果唔想咁熱喺條街度等外賣，可以用QR code先落單，去到即刻攞非常方便，包裝都幾好，有冰袋有冰，啲壽司返到屋企都冇走樣~

今日去開大窩口做美容，做完就順便買埋外賣返屋企食，經過呢間外賣壽司店就買左兩個魚生丼飯配~各送一個三文魚味噌湯同埋叫左一客刺身，店主十分貼心，外賣提供乾冰。呢鋪頭係正轉角位，好顯眼！店外有餐牌可以寫好要買邊樣夠哂方便。三色丼飯$98三文魚籽、蔥粒吞拿魚容、蟹棒絲角切魚生丼 $71三文魚、三文魚籽、希靈魚、青瓜、玉子、腐皮刺身三文魚、油甘魚、帶子魚生丼飯好足料內正體食材夠晒新鮮鮮甜，三文魚同帶子都好鮮甜，油甘魚油香好重正！正！正！三本目 (富麗花園)荃灣荃富街12-28號富麗花園B商場地下G38A號舖

位於熊貓酒店附近的三本目，其店面雖然以外賣為主，但也提供立食服務。店內提供超過20款手捲，我點了一份特尚套餐拼盤，內含20件不同的壽司和刺身，品項相當豐富。其中，赤海蝦刺身的鮮度十分出色，蝦肉彈牙有嚼勁，而三文魚刺身和中拖羅刺身則厚度適中，質感十分優秀。在四種軍艦壽司當中，芥辣八爪魚軍艦和龍蝦沙律軍艦是我個人最為推薦的口味。此外，花之戀也很不錯，品嘗後已感到相當滿足。總體而言，值得推薦給喜愛刺身的食客。

特尚套餐併盤入面20件壽司和刺身咁吸引梗試吓啦，再加了個蟹籽沙律$208+$15，整體真心幾抵食，因有不少是貴價魚，下次再試丼，在大窩口都方便我哋來買 @ 三本目刺身有3款，三文魚，中拖，赤蝦，中拖羅勁有驚喜色澤好靚而且食落去油脂味濃，同餐廳中拖沒有分別，另外2款就正常新鮮壽司款式不少，醋和飯配合都不錯又不會好散，即整加分，吞拿魚和油甘魚驚喜魚質勁高質不錯花之戀好耐已沒有吃，三文魚幾肥美，仲有沙律醬和蟹籽配合最好味又不用豉油都可以仲有不少款式軍艦和三文魚，甜蝦新鮮正常，二人輕食絕對夠食。沙律份量有不少蟹柳絲和蟹籽配菜開胃叫了大約15分鐘就可以取，仲有冰和冰袋都是加分位

老板把新店開到大窩口, 位置更佳及裝璜更有東洋情懷！壽司和刺身都保持到高水準，鲜活而味甘，值得大家去嘗新。今天試了份1人盛壽司🍣（10件）和1份赤海蝦刺身🦐， 共～$100, 很滿足的一餐。夾在荃薈購物中心和熊貓酒店的中間，麥當勞和中银斜对面的路口轉彎角👏👏👍👍1人盛壽司含有2件三文魚沙律福袋、2件油甘魚、2件甜蝦、2件鰻魚及2件帆立贝，平均不用$7 / 件。即叫現場制作，廻味超搶鮮，很值得推薦。