三洋餐廳 (已結業)

如果你唔想受氣，就唔好去呢間。食物一般，但服務態度超級差，特別是那位帶眼鏡收銀的女人，入去首先要急急令叫食物，不然不耐煩，食物最好十分鐘完成離場，更把食客安排座位，迫到透唔過氣。不準轉位，為什麼比錢還要受氣？惡劣！要去就去油麻地那間三洋，雖然迫，但服務就好得多。

由於此店在我們屋企樓下, 由她裝修至完成,全程只用了兩~三個星期,就知道這裡是那種快手快腳食完送你出門口嘅食肆, 當然也明白香港地做平民食肆的哪個不是這樣?! 見開了一年多,自己亦幫襯過兩次, 不過沒有寫食評因為那兩次只是食下午茶同另一次食咗羊腩煲,無乜好寫,呢次因為食咗佢嘅主打-魚,所以就打番一篇, 這晚亦是諗住食魚才來的,當晚嘅魚係: 鼓汁蒸魽魚,成條魚開邊蒸,豆鼓醬嘅份量相當多下, 內裏嘅果皮味亦很重, 可能因為河魚係要咁果皮先去到腥味啩,事實當晚食這條魚時唔覺得”腥”喎, 魚肉蒸至緊緊熟所以食進口裡似是滑進去似的, $68價錢中間不平亦不太貴, 另一個小菜係宮廷醬烤骨, 呢個其實係酸梅醬炒大肉排, 個汁都OK但舊肉排比較大所以只有四件, 如果切六件會大方得體一點嘅, 肉醃得入味亦比較淋身, 但就唔太香口嗰隻, 這裡跟餐嘅飯好大碗,可能因為此區從事體力勞動嘅人較多, 米飯可以補充體力嘛, P.S. – 唔知點解那晚吃完個餐, 返家後很口渴, 直至瞓上床前飲咗四杯水,唔知道係食咗嘅鼓醬咸定係個例湯裏”師傅”過重嘞, 下次再叫其他魚食就知道啦

一進門口，就能看見飯店大大的「湯飯皇」招牌。乍看一下，原來這家飯店的招牌菜是湯飯。湯飯材料的種類很多，每碗湯飯均有兩種材料和一種菜供選擇。我們叫了一碗鮮雞+鮑片+白菜仔湯飯及一碗肥牛+紫菜+白菜仔湯米線。賣相挺不錯，魚湯非常有鮮味，真的如他所說，一點兒也沒有味精！我建議還是不要點飲品，因為實在是太貴了(~$7)。

之前幫襯開大角咀o個邊,呢邊新開張時就問佢送唔送外賣,佢地話唐樓要落樓下自己攞,驚d亞姐一個危險wor!(其實呢頭大部份都係唐樓,得佢一間話唔送上樓!)我話有時要睇住小朋友落唔到街先叫外賣,佢地就話講聲都可以幫我送上樓!之後叫左好多次外賣講聲都肯幫我送上黎!但近排唔知點解質素有d下降,試過落去鋪頭叫份羊腩煲竟然係微暖!所以少左幫襯佢地!今日我好似之前咁話要麻煩佢地送上樓,我仲怕小朋友嘈聽唔到拍門打多次留電話,聽電話既話ok,但感覺上冇乜禮貌,一講完個號碼就cut線!等左成45分鐘,電話響以為外賣到,同亞姐話出黎開門,點知個亞姐竟然叫我落樓?!我:講底左要睇細路落唔到黎架,麻煩你送上黎呀!亞姐:不嬲都唔送上樓架,你自己落黎攞啦!我:我要睇住小朋友真係落唔到黎wor!亞姐:咁我地不嬲都唔送上樓嘛(繼續堅持)我:咁你拎返去問吓囉!亞姐:你住邊度架,門口係咪有閘架?(冇野呀?!你盲架,企o係樓下都睇唔到?!)我:你唔知就拎返去啦!唔駛送上黎啦!我好嬲咁即刻打去鋪頭,話要睇小朋友落唔到去要送上樓話ok,家陣亞姐又要我落樓,電話個人淨係答:係呀!我話唔想做我生意咪講囉!就cut我線!之後再打過去就

義工過後，首要醫肚。今日阿媽介紹呢間野嘅魚湯泡飯。由太子行到深水埗，好攰。十二點三度，人不多。除咗湯飯之類，仲有午餐同豬仔包。午餐款式都幾多，阿媽選了午餐，有湯有飲品。餐湯益我，因為我係湯后。是日靚湯係合掌瓜湯。夠熱，又夠味，好清甜。阿媽嘅午餐係焗黑椒豬扒飯，所以要等耐d。不過味道又好正喎，黑椒夠味，飯炒底，飯粒分明；豬扒大大件，好有肉。我就揀健康d嘅湯米線，自選2餸 + 1個菜。要了豬腰潤，菜有好多選擇：木耳、芫茜、西洋菜、節瓜、勝瓜、tomato、生菜等。我就揀蕃茄，鍾意佢酸酸地。新鮮即泡，非常燙口；不過湯底味道較淡，要加幾粒鹽至得。腰潤新鮮爽口無異味；蕃茄份量多又。米線就較淋身，份量都夠架，飲晒d湯都飽晒！

午飯時間到來, 坐無虛席, 等左一陣就入得去。睇得出間野係新開~ 不過都唔算大~因為坐响門口位, 見到收銀既女負責人一直同入嚟既街坊打招呼, 而啲街坊都讚佢地啲野好食先再嚟, 咁當然好期待我個焗茄汁豬扒飯。先上左個好足料既中湯, 唔重味精味, 應該係真係自己煲既~ 同事們叫左咖哩牛, 雖然啲咖哩不太突出, 但唔似出面啲餐廳咁水, 真係有咖哩味。仲有蒸魚飯, 成個魚頭咁上, 同事一見到都讚~ 啲蒸魚鼓油仲要好香, 美味!我既加$8既雜果涼粉冰真係... 超多冰... 但都好足料, OK啦。焗茄汁豬扒飯對女仔嚟講真係好大碟, 不過成個飯都好好味~可惜我唔係成日過嚟, 唔係我都會好似啲街坊咁成日過嚟食!

同事繼上次推介我們去「新澳門餐廳」後（詳情請參閱食評---「此澳門不同彼澳門」）今期又說有新的推介云云。其實經上次「新澳門餐廳」的螢光葡汁飯一役後，大家對於嚐新都有一定的陰影，不過既然同事興致勃勃相邀，也不便推卻，只能祈禱今次不要再遭遇一次滑鐵盧好了。同事帶我們步行過去，約十分鐘左右就到了，原來就在上次「新澳門餐廳」不遠處，新的食肆名叫「三洋餐廳」。我們到達餐廳門外時，已有少量食客在等位，侍應亦相當殷勤招待，不一會就安排了卡位給我們。這裡除了一般的A、B、C、D、E、F餐外，也有不少較為有特色的食品，例如湯飯，特餐等選擇。而A、B、C、D、E、F餐也不馬虎，包括了抄飯、咖哩、扒飯、蒸魚、焗飯及齋菜應有盡有。最後我點了一碟羅漢齋飯，同事則叫了古法蒸鯇魚而另一位同事則叫了一份特餐。同事的古法蒸魚先來，賣相不錯，份量亦多，同事吃著亦覺得不錯。另一位同事的特餐隨後亦到，賣相很有看頭，有蒜蓉包，有一塊大大的奄列，另加一碗通粉，份量甚多。例湯例湯是中湯，至於是甚麼名堂，我也沒深究，反正我不會喝（因為很怕那些味精中湯，因此已習慣性的將茶餐廳的中湯拒之門外）但我仍會吃些湯料。同事喝過後，也沒表示有味精