三滝 (已結業)

又黎左quarry bay 食lunch. 同朋友窮窮地揌廿啲平價野食，但係朋友又想食日本菜，於是就黎左呢間度食，$45有手卷有飯同飲品，都算抵食，味道就真係好一般，不過咁既價錢，本身都無期望太多，平平地醫飽肚就好了。

呢間鋪頭平時lunch有d比較抵食既set但係如果要堂食就要12:30前落單 因為佢喺peak hour lunch set只限外賣我今日食日式炸雞飯配咖喱汁一上到檯其實我有dd失望既 見到d雞咁細舊 似雞條多d不過佢比左好多咖喱汁既 每一啖飯都可以撈到足夠既汁雞肉食落偏乾同埋硬 撈下汁食會好d我另一樣常食既野係角切魚生飯裡面d魚生係正常 唔算特別新鮮但都冇異味 對得住個價錢午餐仲有跟手卷 我通常都係叫三文魚手卷 水準算係比較好既另外仲有配紙包飲品或者菜蜜果d我覺得$45有咁多野食算係幾抵野食質素都算係可以接受

狗年新開始，由呢度開始！今晚去親戚屋企拜年，原本諗住食埋先上去，但發現鰂魚涌夜晚冇咩選擇，結果見到呢一間好抵，$55有飯/烏冬加手卷同紙包飲品，就買外賣上去親戚屋企食！

行過見新開試下有好多選擇不妨一試 仲話有得減10蚊！實在太多選擇結果叫左依個s14朝倉井刺身偏薄 仲有個飯係熱既？ 所以味道真係一般不過係有堂食位置而且新裝修 好靚希望下次食個飯正常啦

面對那麼多大大小小的競爭對手, 小店要突圍真的不容易。地方陝小, 上菜速度, 用餐時間緊迫, 食材來源, 抵食份量足… 通通也列入計算之中。路經這巷有店員在門口派發外賣單張, 伸手一接後看圖片不錯而且價錢相宜, 即管來個quick light lunch。因為座位只有10個不到, 所以大家都是快來快吃, 外賣點完速速拿走。午市特餐$45, 包一份主食(和風牛肉飯﹑3串雞串烏冬配豚骨濃湯﹑日式五花腩叉燒烏冬配豚骨濃湯﹑角切魚生飯) 和一包紙包飲品, 還附送一客手卷。我選了角切魚生飯, 跟角切魚生飯圖片顯示的差不多, 滿有三文魚﹑玉子﹑蟹柳和蟹籽, 飯量也足, 蠻多澱粉質的!既然已經有三文魚, 手卷就點了吞拿魚, 當然用實惠價錢就不要過分地要求有omakase的質素, 但整體也是能填飽肚子的快捷不錯之選。另外一提的是手卷的紫菜過稔, 已經很難咬開了 (眼見旁邊兩個食客也遇上這情況~)。

本身好鐘意食日本野今晚無住家飯食就一於試下呢間開左唔係好耐既日本野好正啊有好多各式各樣既丼飯選擇唔怕無岩食既野，只怕樣樣都想食丫 😋仲有好多新推介添啊，千祈唔好錯過啊！今次就叫左兩個同樣$98既丼飯登登登登～～岩手丼當中包括三文魚，鯛魚，火炙三文魚腩，翡翠螺，仲有松葉蟹棒睇相都見到刺身全部厚切最鐘意既係火炙三文魚腩，遠遠已經嗅到火炙過既香味，食完之後油脂喺口腔入面最令人回味無窮所有食材都好新鮮丫呢個係我叫既美鄉丼有拖羅茸，松葉蟹肉，三文魚籽鐘意食拖羅既一定唔可以錯過啊佈滿成個丼，我已經分唔到係壽司飯定拖羅茸啦呢個飯絕對夠飽丫，男朋友食晒成個之後好滿足，話份量岩岩好！有好多午餐優惠、推廣如果喺附近返工，不妨過黎試下

這家壽司魚生飯外賣店已經開業了好一陣子，主要做太古坊寫字樓及附近街坊生意。光顧了一段時間，每份魚生飯的水準都能一直保持。雖然食物質素不能媲美高級日式食府，但以平民價錢來說，食材已算新鮮，選擇亦十分多，除提供多種配搭的魚生飯外，更可讓顧客自配搭個人口味。每盒魚生飯的份量是剛剛好，很適合經常坐在寫字樓上班的愛美一族，但男士們或許會略嫌不太夠飽。在午飯或晚飯時段，這家壽司魚生店必然是考慮之列。另外，店內老闆娘親切的待客態度亦令人舒服，絕對會想再次光顧。P.S.1: 平常最喜歡的魚生飯是S12八雲丼，因為什麼都有😛, 這家店的魚類魚生比較有保證。P.S.2: 剛嘗新推出的P13春日井，雖然整體仍能保持水準，但略嫌海膽不夠新鮮，有少許腥味。

這天在鰂魚涌見完客，媽媽打電話給我說今晚只得我跟她吃飯，所以不煮了，叫我買外賣！我正好見到一間丼飯店，決定今晚食丼飯！店子小小，有幾張枱！見到牆身有餐牌，各式各樣的丼飯，還有小食、刺身和壽司！店員說最近有新餐牌，想了想，我選了朝倉丼和蒲燒鯛魚腩飯！買2個丼飯會送飲品！朝倉丼有三文魚、甜蝦、赤蝦和蟹腳！刺身都很新鮮，三文魚有三大片，很肥美！甜蝦都幾大隻，鮮甜不腥！赤蝦口感爽彈！媽媽很喜歡蒲燒鯛魚腩飯，燒汁甜甜的，燒過的鯛魚腩邊有點焦脆，好香，我也忍不住偷吃了媽媽一件，魚肉屬於肥美型，吃得出有很甘香的魚油！中間肉質很嫩滑！飯粒軟硬度和醋味都適中！下次有機會可試試其他款式！

經過見到呢度既午餐好似好抵食，$45有一份主食，一個手卷，一包紙包飲品，但只限外賣自取。今次就揀左角切魚生飯，三文魚手卷同熱情果汁。可能因為時間尚早冇咩人，2,3分鐘就準備好外賣。翻到公司一打開其實有少少失望，冇諗過d角切魚生飯係咁細粒，有三文魚，蟹子同甜蛋，但每樣份量都好少，所以好多飯都係冇餸。手卷就同平時個d一樣，都係得面頭有一小片魚生，好在塊紫菜都算脆。總括黎講雖然價錢算抵，但味道真係麻麻，下次可能會揀其他食物，始終都係一分錢 一分貨。。。

最近鰂魚涌有間抵食,性價比ge日本菜小店開咗,叫"三滝",餐廳主打日式丼飯,價錢相宜,用料新鮮,而且丼飯ge款式,搭配種類好多,總有一款會系啱你.近排距仲有個午市特餐,先$45 就有一款手卷+一個飯或者烏冬,仲要包埋飲品,都真係幾抵,系呢邊寫字樓翻工,總有一日會過來試下距呢個午市特餐!今日就叫咗個平泉丼.先$98,但已經有多款配料.例如 帆立貝,北極貝,馬刀貝,翡翠螺,仲有甘蝦,自己好中意食海鮮貝類,我系完全比距個帆立貝吸引,大大粒,好新鮮,入口鮮甜,仲有距個甘蝦,都幾大只,唔會系用d細細只ge蝦毛黎厄客人,個飯我無落太多醬油落去,因為我一直都覺得海鮮如果新鮮,食距個原汁原味已經好好味,呢個丼飯都令我有咁ge感覺,飯粒又夠軟糯,香.好唔錯.而且丼飯份量都ok,不過大食小小ge男仔可能唔夠,對於女仔黎講就絕對系夠曬.

經過太古坊,見到呢間專賣日式丼既餐廳,覺得幾抵食午市特餐最抵食啲飲仲係即叫即做,保證新鮮叫左個自選丼,揀左希露魚,火炙三文魚腩,帶子,鯛魚賣相非常精味,而且好吸引,飯係加左飛魚籽鋪面,所以唔會好似食白飯咁Dry用料好新鮮,希露魚爽口唔腥三文魚腩好肥美,加上燒過黎,所以啲魚油出哂黎帶子則好滑,鯛魚好爽口另一個丼就叫左藏王丼,入面有松葉蟹肉,拖羅蓉同甘蝦呢個賣相相對冇咁豐富,但飯上鋪上一層拖羅蓉可以話係誠意十足拖羅蓉好鮮味松葉蟹肉雖然唔太多,但食到佢非常新鮮蝦比較細隻,但肉質鮮嫩爽口

Bustling cities like Hong Kong means that you barely get an adequate lunch hour, and what with being in Quarry Bay, where there are heaps of office workers around the area, it's practically impossible to find seats in a budget restaurant. Well, it's a good thing that this quaint shop provides Japanese take away food, all the way from filling Sashimi rice to handrolls to sushi. They also have a few small tables for those who prefer eating inside the shop.We ordered 2 Sashimi rice ( P5 and P7 ) an

第2次光顧呢間三滝！第一次食過lunch後覺得幾不錯第一次入去睇到LEAFLET 先知原來之前已經食過荔枝角分店今次再光顧因為屋企冇飯食而又唔想煮就買左三滝外賣番屋企！三滝鰂漁涌店唔算大，只可以容立大概10人而三滝外賣都幾方便同出名 ^_^餐牌上的照片擺盤精緻吸引但絕對不是照騙！外賣袋係岩岩好FIT SIZE放兩個丼飯今次ORDER左S7 &S12吞拿魚蓉、吞拿魚、三文魚、帆立貝全部都好新鮮！蟹柳相對下就比較普通！飯量都好多！ 以$78一個丼飯算是非常不錯了！不過lunch會再抵食D 有野飲送之餘，仲可以加$20買手卷 比較推薦lunch食!!

今天下班後跟朋友約好了到他家聚會，之前上網看見了別人說很方便又不錯所以就決定試試。可能時間尚早，店子人流不太多，不用等太久很快就可以下單了。菜單選擇很多，一般定食屋的食物都有，而且十分清楚，魚生的選擇十分多，最後由於想吃多一點不同的魚生，決定叫岩手丼和住田丼。等了一會，很快就可以拿了，就快快回家吃吃看。打開了份量不多不少相信女仔的話會剛剛好，魚生份量也足，很大片。而且包裝很美麗，拿出來很氣派。開始吃了，吞拿魚蓉、三文魚、池魚都很好吃，很鮮，沒有平時外賣的焗味，好像新鮮拿出來一樣。蟹柳及魚子卻有點失望，比平時超級市場的差了一點點，飯也不錯，不過魚生太好吃了所以飯就有很多留下來了＞＜很方便也很經濟，下次也會去吃～

個人很喜歡外賣壽司和丼飯小店，有時比集團式的連鎖店更為有水準質素，大型餐廳賣的只是品牌，小店要突圍而出，在各方面都要花心思經營，這就是小店優勝之處。三滝中午時間蠻多人自取外賣的，因為它的午市特餐太便宜了，2款烏冬及2款飯均送手卷和飲品，說真的這麼豐盛的午餐外賣很多餐廳都做不到這價錢。餐牌上的丼飯照片擺盤精緻，每款丼飯都很吸引。我和朋友在想不知我們所點的丼飯會否如照片般，結果是丼飯確實與照片相符，同樣細緻。愛吃貝殼類海鮮的話，不妨跟我一樣選擇平泉丼，平泉丼包含帆立貝，北寄貝，馬刀貝，翡翠螺及甘蝦。其實如果光看這丼飯，不跟大家說來自外賣小店，可能以為它是出自餐廳吧。翡翠螺超大的一片，吃起來過癮又爽脆，鮮甜滋味在心頭。飽滿的帆立貝，多麼美味澎拜入胃，最重要的是它夠新鮮。北寄貝外型相當可愛，好像小帽子一樣，吃起來口感相當的爽彈，再搭配丼飯的醋飯咀嚼，美味可口。馬刀貝鮮嫩彈牙，入口時嚐得到來自海中最原始的鮮味，當然也具有一定的甜味，所以其實不用沾豉油吃就很有味。甘蝦豐腴的身驅，肉質緊實，口感細膩，讓鮮甜入口即化，散開那濃厚海味。滝上丼繽紛奪目，與平泉丼的豐盛程度不相伯仲，主要以三文魚，翡翠螺，拖