影片
港鐵銅鑼灣站 C 出口, 步行約2分鐘
繼續閱讀
營業時間
星期一至日
07:30 - 01:00
以上資料只供參考, 請與餐廳確認詳情
路經,被有趣可樂裝修吸引着,進去了.點了西班牙海鮮飯,感覺完全被騙了,說好的海鮮在哪裏?只有一塊炸魚柳,而飯的質感也不好,不夠黏,完全不像西班牙炒飯,份量也少得可憐.好過沒有的羅餸湯,看到顏色便知道.
繼續閱讀
尼間野見佢裝修唔差 又有扒食 又有意大利飯 價錢約七八十蚊 諗住係D特色餐廳 會俾到人驚喜 點知係個惡夢我入到去 坐底睇餐牌就見 三四個職員 (其中一個係收銀) 企埋一齊係度吹水 但唔緊要 我未叫野食 我話之佢 我都唔係D要求服務質素既人 禮禮貌貌對我就ok 咁就點野食 果幾個職員明明距離我一米都冇 但我都要又揮手 又大叫幾次唔該 先有人知我要點野食咁我叫左個 焗豬扒飯(約$58) 同 凍薄荷抽子蜜(凍 約$23, 跟飯半價) 係等野食既期間 我周圍望 先發覺其他人有水 但我冇 我就問佢地拎左杯水一杯水 唔值錢 但我覺得係間咁貴既餐廳 尼D就要做到足 而且佢地成日吹水 又唔俾杯水我 令我覺得佢地唔尊重客人咁野飲到啦 薄荷抽子蜜 我明明叫左少冰 但都好多冰 D冰又多又大粒 我真係唔知佢有冇少到冰 一飲 嘩 我完全唔知乜野黎 一入口係有薄荷味 但冇抽子味 只有淡淡既苦味 我覺得就好似 有薄荷味既涼茶咁 薄荷同抽子 完全唔夾 我只係feel 到薄荷 抽子淨係得個苦味唔同我講 我真係唔知有抽子蜜既成份 好啦 焗豬扒飯黎啦 一睇已經唔開胃 點解? 因為D汁冇cover曬D飯 而且碟野好細豬扒佢剪好左 都有四五塊既 但全部都唔夠我隻拇指粗 同埋果四五塊入面 有兩舊係骨我當堂後悔點解我唔去大快活 大家樂尼D地方食食物做得唔好 我真係唔會怪你 始終口味都幾主觀 但係你收咁既價錢 你就唔可以咁基本既野都做到咁 我覺得尼間野好冇心機去整食物 咁好啦 賣相就講完 講下個味道先 個汁 就略為咸左小小 冇咩茄味個豬排不過不失啦 係薄左D 同細左D 咁個飯呢 就白飯黎既 嘩我真係當堂嬲到彈起 你收我五十幾蚊 個飯竟然唔係炒飯 係白飯個白飯仲要唔係冷飯 係煲出黎既飯 我點知? 因為佢D飯一舊舊 一D都唔鬆散食完我都急急腳想走 但尼個時侯發覺我冇單 咁直接行去俾錢 收左我七八十蚊食果時佢又冇俾單我 到我俾錢佢又唔俾單我我一向都唔拎單既 但由於我尼餐食得好嬲 我就問佢拎張單 睇下佢有冇收加一嘩 點知佢真係夠膽死收加一 七八十蚊 食餐頹飯 仲要收我加一 我以後一定唔會再黎
繼續閱讀
嚟銅鑼灣買嘢，見時間幾早，就想食個茶餐. （哩間茶餐廳實在難食到令我第一次寫食評..）個意大利雜菜湯顏色就唔多對路，飲落去d蔬菜（其實就係幾片大白菜同一塊芹菜）已經淋曬，好似煲好放咗好耐咁。迷你肉醬意粉d意粉煮得唔夠耐，好硬身，因而會有種澀味。餐包一般般，比較幹，唔夠鬆軟送的熱奶茶（凍要加3元）雖然比較大杯，但奶放得太少，茶味太濃，好苦。哩個茶餐要34元，總結係唔抵，應該乜下次而且成間鋪好似可口可樂專門店，好多霓虹燈閃下閃下，音樂比較吵。
繼續閱讀
難得放假，咁岩去開銅鑼灣記得聴人講呢間幾特別，所以行兩條街過來店內一排排的卡位擺放得很密其實環境裝潢如同茶餐廳我點選三皇全餐， 餐包暖暖地只屬一般貨仔煎蛋略嫌生了一點，其實可以煎到蛋白剛熟，餘下少許蛋黃汁才是一流鮮茄什菜湯沙爹牛肉螺絲粉，非常香濃的蕃茄湯底，十分醒胃螺絲粉煮得軟靭適中，唔錯沙爹牛肉肉質有點過軟，但醃得頗為入味凍咖啡一般般，奶味過重冰太多埋單$46，一個下午茶我諗價錢算貴，感覺物非所值無乜意慾令我會再嚟
繼續閱讀
OT到晚上11：00才收工,超肚餓經過三皇冰室,門面光猛,便入去試下人客不多,冷氣不太夠辛苦了一天,獎勵下自己,order了最貴的西冷牛扒晚餐羅宋湯ok主菜牛扒好細塊,又鞋又無味,不太熱,配菜焗薯又太硬,又冷冰冰可樂飲唔哂,不能連瓶拿走埋單竟然要加一,$170價錢不重要,但是這樣的食物質素,實在好過份
繼續閱讀