三禾中日料理 (已結業)

今年第二餐放題 • 試下受歡迎三禾中日料理既Set B 美國SRF和牛餐$328 （限時兩小時)• 自選區有好多唔同丸選擇極上安格斯牛小排 x 嚴選美國雪花肥牛x 紐西蘭羊肉片 x 熊本豬梅肉片 x 手打鮮鵝肝牛肉丸 x 手打黑松露鮮豚肉滑 x 鰻魚炒飯 • 以上呢幾款都係好味既! 牛肉係無預先醃 原汁原味 要按自己口味調味 • 不過刺身壽司質素普通 而火鍋湯底番茄牛腩都唔太有驚喜 炸物相對都唔錯 香芋同榴槤波波 • 反而最驚喜係佢地既甜品類 有香芋慕絲 同超有心機焗既迷你朱古力心太軟 意外地好食😍 • 飲品區都有好多未飲過 例如Milk Soda 火龍果果汁等 整體味道不過不失 可以一試 總有個自稱fb好多fans既經理"根本英俊"係搞笑既😅 p.s Menu紙太多 有啲會重複 睇到我有啲confuse lol-每位加$50 可享無限時優惠 每位加$1 可享磯燒海鮮拼盤(開邊龍蝦珍寶海鮮拼盤)及磯燒放題 任食松葉蟹 、M7和牛任燒、火鍋+刺身+鐵板燒

是日八號風球當日有位小姐打來同我地確認枱怕打風問下小姐會唔會乜都無如果無我地吾去，小姐說吾會來到見到很靜得幾張枱其實是成晚得果幾張枱刺身壽司類分ABCD刺身有多款無，其他無吾緊要但甜蝦完全無真的失望點知落單BCD 職員說是晚所有都無我地係好想（食海膽軍艦）來點知所有壽司，軍盤，手卷乜都無打風預咗好多野無吾奇我地可以改期去但點解打電話果陣咁吾老實另外我地買團購用了146 再加其他附加費合共$234 但是樓下廣告牌寫住九點後入座八折即係$224咁即係團購方式認真搵笨最慘係好多野話無十點幾女經理追埋單幾次你地收十二點乜野收銀埋數呢點知來到openrice 睇第二位可以半價咁吾老實，以後都吾去

早前上網見人介紹呢間有得食刺身又可以燒嘢食，仲有埋海鮮，7:30前離座仲有折。咁啱10月我生日就打去訂位試下先5:30入場，人數唔算太多人，唔使訂位都入到。叫左part C加$38有個海鮮拼盤，每人有雙鮑魚，虎蝦和扇貝。叫左海鮮湯底，好鮮甜，感覺唔錯。可惜掛住食冇影相。海鮮拼盤都唔錯，雖然係冰鮮，但$38真係抵食唔知係咪太早去未餓食得唔多，但食過咁多次放題呢間比我感覺唔錯，值得我再去。最好試埋甜品，最好食都係心太軟，外脆內軟，一口氣食左2客。正

星期一 同朋友食最貴的餐A5和牛見到都吾係雪花果種刺身無乜特別普通到吾普通話無赤蝦，只是比普通甜蝦，甜蝦都算大隻送的磯燒除左龍蝦仲係每人半邊其他蠔係有，不過超細同有陣怪味鐵板食物M7牛肉點汁幾好食牛仔骨算幾靚，夠鬆化落少少鹽夠味服務員都有禮，教我地如何處理食物不過成晚間餐廳好似得一個哥仔講真全程都係得一個人服務眼見人手嚴重不足附近幾張枱客人走了半小時沒有人清潔每次叫好耐先得哥哥來收單久不久都閃出一至兩個女待應路過轉頭放低食物就不見了成枱汚漕碟都無人換碟見到哥哥實在太忙亦不好意思叫他

卜卜蜆開頭好食好香蒜味 但之後加左湯打邊爐就無晒味了 火鍋湯底揀其他會比較好 因為之後都可以任叫蜆 刺身一般 牛肉中上 火鍋料比較少選擇今次無揀日式放題 但揀左最貴既肉類餐A5和牛 無限時任食 但鐵板燒燒肉好油 每次燒完一次要搵紙吸一次 有小小麻煩本身我唔鐘意食甜品 但都食左兩份心太軟服務幾好 上菜快 會主動收碟只收現金 我食飽既時候先發現 其他有好多我地點菜紙無既野原來我本簿仔入面有幾類別係無既 有D失望😞但無奈已經食飽飽lu地點方便 環境衛生唔錯但價錢有點小貴 如果有折會多D黎

價錢: 混亂，超唔值本來打電話問有冇優惠，個老闆娘話"9:15後75折", 我去到再問"係咪9:15後75折", 佢都話係，之後冇講任何野。我地選左個D餐$198, 點知最後埋單，佢話要$298先可以75折😑又唔一早講？!我去呢到都係因為個優惠！食物: 不多款，漏單食物真係好一般，完全唔值$198, 甜品最好食總結:一定唔會再去，又貴又呃人

因為臨近中秋所以係OpenRice訂位一定冇問題啦. 點知。。。。當日大約1200左右 有人打俾我confirm Booking, 問我時間 人數有冇變, 當然冇改 冇變, 到時準時8點見. 點知到左3點左右, 又有人打泥問我 可唔可以改遲8:30先泥?因為交枱上出左問題! 我明 大時大節 好多人都外出食飯 但你臨急臨忙叫我地改時間 都比較困難, 而且點解你唔係1200點 第一個電話就打泥改呢? 起碼我地都有足夠時間去安排. 最後擾攘左一陣佢cut左我線！算！我地準時7:50到 好彩佢都交到枱俾我.當中佢有好多唔同嘅組合 價錢, 大家要問清楚。其實, 價錢唔算平, 但以尖沙咀地段來講, 可以接受.服務態度真係要改進, 我地食左120分鐘, 全程冇人主動泥收碟

睇左youtube介紹 滿懷期待上去食450蚊一位有火鍋 日本放題同燒烤樓面伙計人手不足 座位較腳都放唔入去漏單 都算 最緊要係唔好食 唔好食 唔好食特別係火鍋料 youtuber 你收錢賣廣告唔緊要 可唔可以比少少良心？ 以後邊個信你？老闆 食物質素唔改變 熱浪過後 邊個客仔回頭？

十日前經呢度book枱今晚食，中午打去再確定，職員竟然可以同我講，未知有無位，要遲D先覆到我，我話我已經一早book咗位，佢話今晚比較full,一定要晏D先可以確定我!咁我book枱嚟為咩呢？萬一去到無位攪到D朋友都企晒喺度😡，嬲嬲地，立即轉場食，以後都唔會試呢間野

夏天總係無咩胃口, 去打邊爐就最啱數!尖沙咀最好就係多選擇, 火鍋+放題已經無敵啦! 我仲想試下呢期最興的蜆鍋, 呢間都有, 不作他選, 一於就去三禾。上到去, 一開電梯, 大大個三禾二字, 唔會出錯。原來佢地仲有午市, 下次可以試下，都幾多選擇，1點後仲送埋心太軟，邊度搵呀？個場都幾大，我地walk in，好彩都幾多位，一入去見到7-8成滿座，幾驚要去第二間呀！飲品選擇都幾多，仲有好多新品，咁梗係試新嘢啦！今次試下水果味有氣水，幾得意，我鍾意芒果味，幾香，唔太甜；西瓜味都唔錯架，唔會藥水味，唔太甜架！主角當然係蜆鍋啦！隻隻都咁大隻！超正！用蒜茜洋蔥伴住，味道更加提昇，最正係熟左之後，蜆肉唔會縮水。無得彈！食完蜆，加水時間，叫個刺身食下，赤蝦鮮甜大隻，帆立貝厚身味濃，八爪魚煙韌彈牙，各有特式。牛小排又係值得推介，雪花均稱，真係食完一碟又一碟。打邊爐食海蝦又係指定動作，真係隻隻都手掌咁大，用料一D都唔孤寒。滑類都係令人回味，墨魚滑同黑松露豬肉滑，前者彈牙，後者香滑。最後食番個即焗流心心太軟，人生一大快事。最後要讚一讚三禾侍應，主動加湯，久唔久就幫你收碟同換碟，服務一流。

雖然減肥中，但一向注重心靈健康的我，辛苦中也會偶爾為自己添一些甜頭😁今日好想食得豐富D，黎左呢度，乜都唔駛講，坐底就order左刺身！嘩，D赤蝦大大隻，好新鮮D蝦肉又爽！而且帆立貝超級鮮甜😍隨即即刻order湯底，呢個係胡椒豬肚雞煲，有好多雞係底的，不過食咗先記得影相😂牛肉一貫咁靚，另外有美國肥牛，下圖呢種叫牛小排，雪花分布平均😍特色丸類，包括有手打鵝肝鮮牛丸👍🏻以下是黑松露豬肉滑，黑松露味濃，值得一試！我最愛的韮菜餃😍食咁多肉，都要食返多啲蔬菜平衡返😘最後以甜品作結，大推呢度嘅朱古力心太軟，超級流心！食完兩個之後令我回家後更加有動力減肥！😍😆😆雖然成餐飯比起平日夜晚份量係食多咗，但overall 營養係好均衡 ，所以有時食火鍋都好有益呀！

8月，香港來了3個颱風。在颱風下找吃的非常困難。還好這晚只掛起1號風球，還可以來三禾打邊爐。三禾打邊爐，總是吃不厭的，皆因有刺身，牛肉又靚，湯底出色，價錢適中。新鮮的刺身，推介用刺身帶子打邊爐，特別鮮甜。難得來到這裡，當然要喝一瓶由鄉下帶回來的清酒。今次來吃的目的主要是蜆鍋。蜆可算是我最喜歡吃的海產之一。這個蜆鍋用上大量蒜頭。先來一個乾鍋，然後加水再來打邊爐。這裡的牛肉相當出色，不會將價就貨。這裡已經是我的飯堂了。一但打風落雨颱風天，都會跟朋友來這裡飲飲食食，細數有趣的事。

平日放工約七點食真係有d趕，去到得幾枱食緊，過多半句鐘先開始多番d人。餐廳既環境👌，無焗住d味、算乾淨、幾好坐。我地揀左120分鐘任食"美國格上安格斯牛小排+刺身火鍋放題"，一開始叫左盆刺身，d帶子唔錯，d蝦係赤蝦，幾大隻、幾乎新鮮，其他都ok。基本上刺身比預期好，甚至比某d我後悔去過食既放題好好多，只係我有d唔慣刺身同火鍋一齊食，有股想淥熟埋d刺身既衝動😆火鍋方面，唔似其他打邊爐舖咁一大堆醬料，簡簡單單六樣，我覺得足夠架喇，俾多d我其實都係揀嗰幾様。佢個牛小排真係正，入口d肉汁即刻溶出黎咁，食多幾碟都得。另外個皮蛋薑汁貢丸幾得意，不過要小心一咬落去d汁噴出黎辣親個咀。甜品心太軟好正，即叫即焗，d朱古力真係流度出黎架。我地未夠鐘已經好滿足，期待下次同朋友再黎聚聚，吹水食正野😊

原來可以有唔同嘅餐揀，都係120分鐘，同樣都係放題嘅形式～今次我哋食C餐，試下肥牛同牛小排～揀湯底時發現有好多選擇！經過一輪思考，最後決定試下胡椒豬肚雞鍋～湯底嘅顏色濃度真係正如相中嘅一樣～講真，我係第一次食咁樣劃紙仔嘅邊爐放題，感覺好新鮮～仲要係有刺身揀～其實個選擇真係幾多，連雞子都有～ 我老公唔敢食XD呢度有好多自家手打嘅丸仔～不得不提嘅係，竟然有皮蛋薑汁貢丸！LOL 皮蛋、薑、貢丸都係我愛嘅，但從來未聽過會撈埋一齊食，好好奇係咩味，所以即刻點左！XD 點知真係好夾喎個味！！仲有！呢度嘅蝦刺身係用赤蝦架！！！好大隻！真係好大隻！同時都推薦帶子呀！好甜～牛小排個樣好靚～脂肪分佈平均～亦好味^.^最後必定要食嘅係心太軟啊！焗得啱啱好！！！！一拮開佢，啲朱古力即刻流出嚟！(心心眼)　好似去左西式Café食專業嘅心太軟咁！室內環境幾寬敞，坐得幾舒服，唔會話好窄咁，枱都夠大，唔洗好似第二啲地方咁，枱唔夠位放嘢食迫住食快啲可以放其他食物。同埋職員都幾有禮貌，主動會幫我地執下枱上面要收嘅嘢～

之前同朋友係度食過雞煲唔錯⋯心痕痕又再黎過XD不過今次試下個蜆煲⋯好多蜆呀，上黎個陣staff 仲會即場淋酒(夠晒香)係個煲未滾之前梗係食住魚生先啦～返兜之前食過唔錯既墨魚滑⋯同埋試埋個雲吞水餃⋯最尾個鵝肝牛丸都唔錯例牌！呢隻牛小排上次食過好食⋯今次狂叫佢XD同埋鵝腸豬紅～當然唔少得打邊必備既吸湯物啦(耶⋯瓜類用黎打邊真係冇得輸！)上次掛住揀鑵裝飲品睇漏左佢！夏枯草！唔洗驚熱氣！芝心牛丸⋯絕對絕對絕對要攤凍先食(很重要所以講3次)第一張就係中左招⋯超多芝士爆出黎⋯⋯再encore (真係好食呀嘛)隔左排再試⋯水準冇跌過！呀仲有服務好好，staff 反應超快⋯抵讚！