三門仔漁港 (已結業)

唉... 比公司炒,老細例牌要請餐歡送飯...可能心情都有o的影響,覺得呢度o的野食一般...要講o既係佢個酥炸大蝦...蝦身足有手扳長,酥炸得其實不錯,不厚不薄,入口鬆脆,大啖一咬,何解全隻蝦殼未除???蝦殼並非炸至脆可入口...既然蝦殼不能落肚,食客該如何對待酥炸外皮???再放上兩碗熱檸茶比你洗手,大概也是要大家自己用手去殼吧...在其他地方都會有茄汁蝦,傳統都係連殼煮,目標係要茄汁味能滲入蝦肉,但依本人所見,沒有很多人能煮至茄汁味入肉.酥炸就更甚,多數酥炸為取其鬆脆口感,又有油炸香味,內裏多數會係啖啖肉(最多中間一條大骨).酥炸有殼既野,請恕小弟見識小,真係聞所未聞喇.

呢到就得呢間酒家, 佢同其他西貢, 鯉魚門, 流浮山的酒家不一樣, 裝修得幾好, 樓底高, 冷氣好夠, 厠所好乾淨, 侍應毎個個都好四正, 服務招呼出奇地專業, 真佩服東主的對食物及服務都能做到水準。可惜現正是休漁期, 可供選擇的海鮮較有限。兩個人選了: 清蒸大連鮑兩隻$2xx, 出色的是上菜時由經理在席前把大連鮑從殼中取出, 然後內臟和鮑魚肉分別放回殼中, 這樣再用刀义吃來就較容易。跟住是特價的煎封鹹鮮$64, 今晚用的是斑, 肉較實, 好有鹹香味... 幾特別。金勾肉鬆煮涼瓜都做得幾好。雞油花雕蒸花蟹, 隻蟹有一斤12兩, $364... 新鮮蟹又大隻, 加花雕蒸好香...這店制作認真, 不會像一些海鮮店粗製濫造, 浪費了海鮮, 最緊要是乾淨。過了休漁期, 一定會再來試。