三餐四季

營業中

休息中

有日放工同朋友見到有間新餐廳就入左去試下 餐廳環境唔錯 餐牌款色都算多 我同朋友都叫左自選米線 我叫左麻辣湯 朋友叫左蕃茄湯 蕃茄湯飲得出係用左好多蕃茄煲 真心幾出色 可以encore 朋友飲淨幾啖🤤🤤麻辣湯我叫左走青正正常常咁去到配菜方面 魚肉春卷大大條 炸到啱啱好 好脆值得一讚👍🏻👍🏻腩肉滷得都入味 唯一美中不足蘿蔔無乜味 可以改善下 不過湯底誠意十足餐廳後生仔為主力✋🏻幾好禮貌晚市時間又唔會係咁趕人走，下次可以請下其他炒野或者咖哩 好似都有啲名氣👐🏻

性價比好高，最緊要夠味茶餐廳都有架我食All day breakfast，同行友人食沙嗲牛餐揀左脆魚配牛油脆豬六十幾蚊，冇野輸係個魚鹹左dd反而友人的沙嗲牛，好正，唔係坊街的死杰杰牛汁下次要食佢，三十幾包腸仔太陽蛋蒜肉包，早餐佢贏

份量偏小 我作為女仔都食唔飽 食完都只係5分飽 味道一般 嗌咗焗豬扒飯 但豬扒好鹹同埋非常薄切 個飯底好乾 唔會推介！餐具非常污糟 叫服務員換過一對俾我 都係有好多污跡係上面😥 換咗兩次都係有啲污糟...叫佢俾熱水我洗佢都係直接幫我換啲唔乾淨嘅番具😂😅食飯時間等咗45分鐘以上先至上野食 睇落去人手極之不足呢一方面真係可以改善唯一可以讚嘅地方係餐牌嘅選擇非常之多 但係呢一區來講價錢真係偏貴 附近有咁多選擇嘅話我諗我唔會再返嚟食

行過見裝修幽雅，被門外推介的“超級芫荽雙丸椰子雞湯年糕”吸引！決定一試…湯年糕上枱，有大量芫荽覆蓋！可惜湯不夠熱…椰子湯甜美，椰肉很硬，芽菜爽口，但飲吾到雞湯味…是晚豬肉丸無貨，改牛丸與墨魚丸共上，牛丸騷味很重…墨丸亦平平無奇…最失望是下底的湯年糕，竟然食到有沙！跟餐咖啡ok，但係點解個杯崩咗口都攞出黎呢…？真係有待改進。

今日去咗食lunch, 同事話新開就諗住試下，叫咗嗰葱油雞扒流心蛋撈出前一丁。嘢食到完全呆咗，出前一丁個粉同麻油另上，個麵就咁烚完要自己慢慢撈，個蔥油得啲啲，所謂流心蛋同煎蛋無分別。基本上全部嘢分開一齊上，而每件林料本身又唔係好，連塊雞扒都出哂油，又唔知點解痴咗啲魚皮咁。咁樣收$48 🤮問侍應拎多幾張紙巾，佢話啲紙巾係佢哋😬連幾張薄薄紙巾都唔肯大方俾客人。性價比係負，服務態度又唔好，幾黃都唔會推薦。

餐廳前身係采華茶餐廳焗豬扒飯 $54 冇飲品1️⃣個汁係童年港式焗豬既味道，不過汁就真係太少，芝士份量都好少2️⃣豬扒，有少少鞋口，唔夠淋，味道好淡，冇乜點醃。3️⃣份量極度細份，對於OL黎講份量可能岩岩好總括嚟講，成間餐廳既食物份量偏細碟，唔講以為係下午茶份量，味道就正常茶餐廳咁。題外話：餐廳人數唔多，但d單搞到幾混亂。點解咁講？同朋友剛坐底，未叫野食，又冇餐牌，侍應就放底杯凍飲，同碟炒飯。同埋冇人招呼，自己拎餐牌，自己去搵餐具，自己搵位坐。可能員工經驗唔夠

與女朋友下班後到了位於上水的新開茶餐廳吃晚飯，覺得環境與一般茶餐廳不同，牆身顏色較sharp，帶給客人醒神感覺。 餐牌選擇多元化，中西式既都有，看了一輪餐牌後，我點了一碟咖喱雞排飯、薯條及雜果賓治；女朋友點了三餸米線及熱檸水。 食物整體質素達中上水平，最值得一讚是炸薯條及雜果賓治（附圖），因本人特別喜愛食茶餐廳的粗薯條（因為喜愛粗薯條大啖大啖咁就一條），餐廳的粗薯條好有口感，外層夠厚內層又充滿薯仔肉，咁先係粗薯條既重點！另外雜果賓治是一大驚喜！普遍雜果賓治係會用橙汁做果汁底再溝梳打，但呢度係重未試過既利賓納提子汁加梳打，配合埋淡淡雜果肉，好岩送咖喱飯呀！是日肚子容量有限，期待下次再去試menu其他野！

前采華茶餐廳易名裝修後，以新名新形象示人。但仍是同一班底、同一取向。三餐四季選擇在新正頭年初七正式啟市，回歸上水正式啟動。重開頭幾天，人流不絕，晚餐時間要早一點才不用等位。裝修後，枱數跟之前差不多。以淡黃色配木傢飾，感覺明亮許多、很醒神。繼續有每日晚餐，價錢跟之前差不多。換上新的碗筷，感覺覺更down to earth。份量好像比之前少了，但一人餐也絕對夠飽。西蘭花炒鮮魷 $62西蘭花翠綠、爽口，魷魚也炒得剛剛好，一點也不老。尖椒爆肥牛 $62看落有點油，但吃起來一點都不油膩。尖椒除去苦澀味，夠辣、很惹味，不知不覺吃了半碟。叉燒炒蛋 $62叉燒炒蛋簡單得來也不錯。蛋蠻嫩滑，加點洋蔥甜味更突出，用來撈飯最好不過。菠蘿咕嚕肉 $70out of set dinner的咕嚕肉是我的最愛。單點的份量較每日晚餐的多，足夠2人share。甜酸醬味道剛好，不太酸，合我口味。咕嚕肉炸得夠脆口，啖啖肉很惹味。還有大量菠蘿，我最愛呢～多了後生仔員工，更親切有禮。晚餐水準依舊。下次試埋下午茶，再跟大家分享吧。P.S. 新張期內消費滿$100再like 三餐四季的網上平台，即可獲自家設計麻質手挽袋1個。限量1